OTT Suggestion: ఈ వీకెండ్ ఖర్చు లేకుండా.. టైమ్ పాస్ కావాలా? OTTలో ఈ బెస్ట్ వెబ్ సిరీస్ చూడండి!

సినిమాలకంటే కూడా సిరీస్ లకు ఈ మధ్య ఎక్కువ ఆదరణ లభిస్తుంది. ఎందుకంటే ప్రతి ఎపిసోడ్ లోనూ ఒక సస్పెన్స్ తో ఎండ్ చేస్తూ.. తర్వాత ఏమి జరుగుతుందా అనే ఆసక్తిని అందరికి కలిగిస్తున్నాయి. దీనితో సిరీస్ లు చూడడానికి అందరు ఎంతో ఇంట్రెస్ట్ ను చూపిస్తున్నారు. అందులోను ఆ సిరీస్ లు రియల్ లైఫ్ ఇన్సిడెంట్స్ నుంచి ఆధారంగా తీసుకుని రూపొందించినవి అయితే ఆ సినిమాలను, సిరీస్ లను మరింత ఇంట్రెస్టింగ్ గా చూస్తూ ఉంటారు ప్రేక్షకులు. ఈ క్రమంలో ఇప్పటివరకు ఎన్నో సినిమాలు, సిరీస్ లు వచ్చాయి. మన ఇండియాలో జరిగిన ఒకానొక ఇన్సిడెంట్ లో ఇండియన్ రైల్వే మెన్ చేసిన సాహసాలకు సంబంధించని ఓ సిరీస్.. ఓటీటీ లో ఉందన్న సంగతి ఎంత మందికి తెలుసు. మరి ఆ సినిమా ఏంటి ఎక్కడ స్ట్రీమింగ్ అవుతోంది అనే విషయాలను చూసేద్దాం.

ఈ సినిమా పేరు “రైల్వే మెన్”. ఇప్పుడంటే టెక్నాలజీ పెరిగిపోయింది కాబట్టి.. స్మార్ట్ ఫోన్స్ ద్వారా ఎక్కడ ఏమి జరుగుతున్న కూడా క్షణాల్లో తెలిసిపోతుంది. అసలు ఏ కమ్యూనికేషన్ లేని రోజులలో .. అంటే 1984 లో ఇండియాలో జరిగిన భోపాల్ గ్యాస్ లీక్ సంఘటనను బేస్ చేసుకుని తీసిన సిరీస్ ఇది. ఆ సమయంలో కొంతమంది రైల్వే మెన్ తమ ప్రాణాలకు తెగించి .. ఎలా ఈ సమస్యలను పరిక్షరించారనేది. అంతా కూడా ఈ సిరీస్ లో కళ్ళకు కట్టినట్లు చూపించారు. ఇప్పటివరకు ఈ సిరీస్ ను ఎవరైనా మిస్ అయ్యి ఉంటె మాత్రం ఒక మంచి సర్వైవల్ థ్రిల్లర్ ను మిస్ అయినట్లే. ఈ సిరీస్ ప్రస్తుతం నెట్ఫ్లిక్స్ లో తెలుగులో అంబాటులో ఉంది.  అసలు ఈ సినిమా ఎందుకు వర్త్ వాచింగ్ .. ఈ సినిమాను ఎందుకు చూడాలి అనే విషయానికొస్తే.. ఇది నిజ జీవిత సంఘటన.. ఎంతో మందికి చేదు జ్ఞాపకాలను మిగిల్చిన ఘటన.

ఈ సిరీస్ కథేంటంటే.. మధ్యప్రదేశ్ లోని భోపాల్ నగరంలో యూనియన్‌ కార్బైడ్‌ ఫ్యాక్టరీ ఉంటుంది. అది ఒక పురుగుల మందు తయారు చేసే ప్లాంట్. అందులో మిథైల్ ఐసోసనియేట్ అనే ప్రమాదకరమైన ఒక రసాయనాన్ని తయారు చేస్తుంటారు. అయితే ఈ ఫ్యాక్టరీ నుండి లాభాలు రావడం లేదని .. ఆ ఫ్యాక్టరీ ఓనర్స్ భద్రత విషయంలో సరైన జాగ్రత్తలు తీసుకోరు. దాని కారణంగా గ్యాస్ లీక్ అయ్యే ప్రమాదం ఉందని తెలిపినా కూడా ఆ కంపెనీ యజమానులు లెక్క చేయరు. ఊహించినట్లుగానే.. ఆ ఘటన జరిగింది. భోపాల్ నగరం అంతా మిథైల్ ఐసోసనియేట్ గ్యాస్ లీక్ అయ్యింది. నగరం అంత అల్లకల్లోలంగా తయారైంది. ఇక ఆ తర్వాత.. ఇఫ్తికార్‌ సిద్ధిఖీ అనే ఓ స్టేషన్ మాస్టర్, కంపెనీ మాజీ ఉద్యోగి ఇమద్, ఓ దొంగ, సెంట్రల్ రైల్వే జోన్ జెనరల్ మేనేజర్ ప్రాణాలకు తెగించి వారిని ఎలా కాపాడగలిగారు అనేదే తెలియాలంటే ఈ సిరీస్ చూడాల్సిందే. మరి ఈ సిరీస్ పై మీ అభిప్రాయాలను కామెంట్స్ రూపంలో తెలియజేయండి.