తల్లిదండ్రులు కాబోతున్న స్టార్ కపుల్.. వెరైటీ పోస్ట్ వైరల్

బాలీవుడ్ స్టార్ కపుల్ తల్లిదండ్రులు కాబోతున్నారు. కొద్ది రోజులుగా దీపికా పదుకోన్-రణ్ వీర్ దంపతులు పేరెంట్స్ క్లబ్ లోకి చేరబోతున్నారంటూ జోరుగా ప్రచారం సాగింది. ఇటీవలే ఫిబ్రవరి 18 న లండన్ లో జరిగిన బాఫ్టా కార్యక్రమంలో దీపికా హోస్ట్ గా పాల్గొన్న సంగతి తెలిసిందే. ఈ ఈవెంట్ లో దీపికా.. తన చీర కొంగుతో బేబీ బంప్ ను దాచడానికి ప్రయత్నించారంటూ గాసిప్స్ మొదలయ్యాయి. ఇక ఈ అనుమానాలకు ఫుల్ స్టాప్ పెడుతూ సోషల్ మీడియా వేదికగా ఈ జంట ప్రెగ్నెన్సీ కన్ఫామ్ చేస్తూ ఓ పోస్టు షేర్ చేశారు. అతి త్వరలోనే వీరి ఇంట్లో నవ్వులు విరజిమ్మనునాయి.

డెలివరీ డేట్ ను ప్రకటిస్తూ చేసిన ఆ పోస్టు నెట్టింటా వైరల్ గా మారింది. 2024 సెప్టెంబర్ లో డెలివరీ కాబోతున్నట్లు దీపికా పదుకోన్-రణ్ వీర్ సింగ్ దంపతులు వెల్లడించారు. సెప్టెంబర్ లో తమ మొదటి బిడ్డను పొందనున్నారు ఈ జంట. దీపికా చేసిన పోస్టులో పిల్లలకు సంబంధించిన బట్టలు, షూస్, బెలూన్స్ ఉండడంతో ప్రెగ్నెన్సీ కన్ఫామ్ చేసినట్లైంది. ఈ విషయం తెలిసిన అభిమానులు, ప్రముఖులు ఈ జంటకు శుభాకాంక్షలు తెలుపుతున్నారు. కాగా 2018లో బాలీవుడ్ స్టార్ హీరో రణవీర్- దీపికా ప్రేమించి పెళ్లి చేసుకున్నారు. పెళ్లి అనంతరం ఈ జంట వరుస సినిమాలు చేస్తూ బిజీగా మారిపోయారు.

 

View this post on Instagram

 

A post shared by दीपिका पादुकोण (@deepikapadukone)