sai
sai
ఆంధ్రప్రదేశ్ స్కిల్ డెవలప్మెంట్ స్కాం కేసులో మాజీ ముఖ్యమంత్రి చంద్రబాబు నాయుడుకు మరో షాక్ తగిలింది. చంద్రబాబును కస్టడీకి ఇవ్వాలంటూ ఏపీ సీఐడీ వేసిన పిటిషన్పై ఏసీబీ కోర్టు సానుకూలంగా స్పందించింది. శుక్రవారం విచారణ జరిపిన కోర్టు చంద్రబాబు కస్టడీకి అనుమతి ఇచ్చింది.
కోర్టులో విచారణ సందర్భంగా.. చంద్రబాబును కస్టడీకి ఇస్తే.. విచారణ ఎక్కడ చేస్తారని జడ్జి సీఐడీని ప్రశ్నించారు. జైల్లో చేస్తారా? లేక వేరే ఏదైనా తటస్థ ప్రదేశంలో విచారణ చేస్తారా? అని అడిగారు. సీఐడీ చేప్పేదాన్ని బట్టి ఆదేశాలు ఇస్తామని అన్నారు. జైల్లోనే విచారిస్తామని సీఐడీ చెప్పిన సమాధానంతో న్యాయమూర్తి సంతృప్తి చెందారు. చంద్రబాబును రెండు రోజుల పాటు కస్టడీకి ఇస్తూ ఆదేశాలు జారీ చేశారు.
