Viswambhara: విశ్వంభర విడుదల తేదీ ఖరారు

పద్మవిభూషణ్ చిరంజీవి, బింబిసార దర్శకుడు వశిష్ట మల్లిడి వశిష్ట కాంబినేషన్ లో తెరకెక్కనున్న భారీ సోషియో ఫాంటసీ చిత్రం ‘విశ్వంభర’. యూవీ క్రియేషన్స్ బ్యానర్ ఈ మెగా ప్రాజెక్ట్ ను నిర్మిస్తుంది. ఈ సినిమా యొక్క అప్డేట్స్ కోసం మెగా అభిమానులతో పాటు ఇతర సినీ ప్రేక్షకులు కూడా ఆసక్తిగా ఎదురు చూస్తున్నారు. కాగా ఈ ఉదయం చిత్ర బృందం విశ్వంభర సినిమా విడుదల తేదీ ఖరారు చేసింది.

ప్రస్తుతం కొత్త షెడ్యూల్ జరుపుకుంటున్న ఈ సినిమా షూటింగ్ లో చిరంజీవి ఈ వారంలో భాగం కానున్నారు. 2025 జనవరి 10న ఈ చిత్రాన్ని థియేటర్లలో విడుదల చేయనున్నట్లు నిర్మాతలు అధికారికంగా ప్రకటించారు. ఈ విషయాన్ని ప్రకటిస్తూ అదిరిపోయే పోస్టర్ ను విడుదల చేశారు. సంక్రాంతి సెలవులతో పాటు లాంగ్ వీకెండ్ ఈ సినిమాకు బాగా ఉపయోగపడతాయి.భారీ బడ్జెట్ తో తెరకెక్కుతున్న ఈ సినిమాలో గ్రాఫిక్స్ లు అధిక ప్రాధాన్యం ఉంటుంది అని ప్రత్యేకంగా చెప్పనవసరం లేదు.

అందువల్లే ఈ సినిమా కేవలం మెగా అభిమానులకే కాకుండా సాధారణ సినీ ప్రేక్షకులకు కూడా నచ్చే సినిమా అయ్యే అవకాశాలు ఎక్కువ ఉన్నాయి. జనవరి 10న ప్రపంచ వ్యాప్తంగా విడుదల కానున్న ఈ సినిమా షూటింగ్ శరవేగంగా జరుగుతోంది. ఈ సినిమాలో ముగ్గురు నలుగురు హీరోయిన్లకు ప్రాధాన్యం ఉందని, మృణాల్ ఠాకూర్, త్రిష, నయనతార, అనుష్కలు ఆయా పాత్రలు పోషిస్తున్నట్లు వార్తలు వచ్చినప్పటికీ.. విశ్వంభర సినిమాలో హీరోయిన్ ఎవరనేది ఇంకా ఖరారు కాలేదు. ఈ చిత్రానికి ఎం.ఎం.కీరవాణి స్వరాలు సమకూర్చుతున్నారు.