ముంబై ఇండియన్స్.. క్రికెట్ ఫ్యాన్స్కు పరిచయం అక్కర్లేని పేరు. ఇండియన్ ప్రీమియర్ లీగ్లో అత్యంత ఫ్యాన్ బేస్ ఉన్న టీమ్స్లో ఇదొకటి. ఇప్పటివరకు ఐదు ఐపీఎల్ టైటిల్స్ను ఒడిసిపట్టిన ముంబై జట్టు గ్రౌండ్లోకి దిగిందంటే చాలు.. ప్రత్యర్థి జట్లకు వణుకు పుట్టాల్సిందే. కెప్టెన్ రోహిత్ శర్మ ఈ టీమ్ను సమర్థంగా ముందుకు తీసుకెళ్తున్నాడు. ఐపీఎల్లో అదరగొడుతూ వస్తున్న ముంబై ఇండియన్స్ మేజర్ లీగ్ క్రికెట్ టోర్నీలోనూ తన ప్రస్థానాన్ని ఘనంగా ఆరంభించింది. అమెరికాలో జరుగుతున్న ఎంఎల్ఎసీ 2023 తొలి ఎడిషన్లో ముంబై ఇండియన్స్ న్యూయార్క్ జట్టు విజేతగా నిలిచింది.
మేజర్ క్రికెట్ లీగ్లో భాగంగా ఆదివారం తెల్లవారుజామున (భారత కాలమానం ప్రకారం) సీటెల్ ఆర్కాస్ టీమ్తో జరిగిన ఫైనల్లో 7 వికెట్ల తేడాతో గెలిచి చాంపియన్స్గా ఆవిర్భవించింది ముంబై. ఈ మ్యాచ్లో తొలుత బ్యాటింగ్కు దిగింది సీటెల్. ఆ టీమ్లో న్యూమన్ అన్వర్ (9) త్వరగానే పెవిలియన్కు చేరినా.. మరో ఓపెనర్ క్వింటన్ డికాక్ (87) సూపర్బ్ ఇన్నింగ్స్ ఆడాడు. అయితే అతడికి మిగిలిన బ్యాటర్ల నుంచి పెద్దగా సహకారం అందలేదు. డికాక్ తర్వాత శుభమ్ రంజనే (29), డ్వేన్ ప్రిటోరియస్ (21) రాణించడంతో సీటెల్ జట్టు 20 ఓవర్లలో 9 వికెట్ల నష్టానికి 183 రన్స్ చేసింది.
భారీ లక్ష్య ఛేదనకు దిగిన ముంబై ఇండియన్స్ న్యూయార్క్కు శుభారంభం దక్కలేదు. ఆ జట్టు ఓపెనర్ స్టీవెన్ టేలర్ (0) గోల్డెన్ డక్గా వెనుదిరిగాడు. మరో ఓపెనర్ షయాన్ జహంగీర్ (10) కూడా ఎక్కువ సేపు క్రీజులో నిలవలేదు. అయితే జట్టు కెప్టెన్ నికోలస్ పూరన్ (55 బంతుల్లో 137) సెంచరీతో వీరవిహారం చేసి జట్టుకు కప్ అందించాడు. పూరన్ ఇన్నింగ్స్లో ఫోర్ల (10) కంటే సిక్సులే (13) ఎక్కువగా ఉన్నాయి. దీన్ని బట్టే అతడి బ్యాటింగ్ విధ్వంసం ఏ విధంగా సాగిందో అర్థం చేసుకోవచ్చు. తొలి ఎంఎల్సీ ట్రోఫీని ముంబై గెలవడంతో ఆ జట్టు ఫ్యాన్స్లో సంతోషంలో మునిగిపోయారు.
ONE OF THE CRAZIEST KNOCKS IN THE HISTORY OF T20 CRICKET!
137* in just 55 balls with 10 fours and 13 sixes. Absolute carnage by captain Pooran in the MLC Final. He led from the front and took MI New York to the MLC title. Take a bow, Pooran! pic.twitter.com/hm59ILQLry
— Mufaddal Vohra (@mufaddal_vohra) July 31, 2023
