ఆసీస్​తో నాలుగో టీ20.. మూడు మార్పులతో బరిలోకి టీమిండియా!

భారత్-ఆస్ట్రేలియా మధ్య జరుగుతున్న 5 టీ20ల సిరీస్​ ఇంట్రెస్టింగ్​గా మారింది. ఈ సిరీస్​లో భాగంగా వైజాగ్​లో జరిగిన ఫస్ట్ టీ20లో టీమిండియాను విజయం వరించింది. తిరువనంతపరం వేదికగా నిలిచిన రెండో మ్యాచ్​లో కంగారూ టీమ్​ను భారత్ చిత్తుగా ఓడించింది. మన జట్టు ఫామ్​ను బట్టి మూడో మ్యాచ్​లోనూ మనదే విక్టరీ అని అంతా అనుకున్నారు. కానీ వరుస ఓటముల నుంచి కోలుకున్న ఆసీస్ టీమ్ మూడో టీ20లో తమ పట్టుదలతో ఆడి నెగ్గింది. ఆ మ్యాచ్​లో భారత బ్యాటర్లు అదరగొట్టారు. బౌలర్లు కూడా బాగానే రాణించారు. కానీ గ్లెన్ మ్యాక్స్​వెల్ సునామీ బ్యాటింగ్​ను మాత్రం అడ్డుకోలేకపోయారు.

వరల్డ్ కప్​లో ఆఫ్ఘానిస్థాన్​పై ఆడిన విధ్వంసక ఇన్నింగ్స్​ను గుర్తుచేస్తూ టీమిండియాతో మూడో టీ20లో రెచ్చిపోయాడు మ్యాక్స్​వెల్. నిల్చున్న చోటు నుంచే సిక్సర్ల మీద సిక్సులు కొడుతూ భారత్ చేతిలో నుంచి మ్యాచ్​ను లాగేసుకున్నాడు. దీంతో పొట్టి సిరీస్ నెగ్గాలనే పట్టుదలతో ఉన్న మన జట్టు మరో కీలక ఫైట్​కు రెడీ అయింది. ఈ రెండు టీమ్స్ మధ్య నాలుగో టీ20 ఇవాళే జరగనుంది. ఎక్స్​పెక్టేషన్స్​కు తగ్గట్లు ఆడి ఇక్కడే సిరీస్​ను భారత్ గెలుచుకుంటుందా? లేదా ఆఖరి మ్యాచ్​లోనే రిజల్ట్ తేలుతుందేమో చూడాలి. ఈ మ్యాచ్​కు భారత ప్లేయింగ్ ఎలెవన్ ఎలా ఉంటుందనేది ఇంట్రెస్టింగ్​గా మారింది.

భారత జట్టులో బ్యాటర్లు సూపర్​ఫామ్​లో ఉన్నారు. ఓపెనర్ జైస్వాల్ నుంచి ఫినిషర్ రింకూ వరకు అందరూ తమ రోల్స్​కు పూర్తి న్యాయం చేస్తున్నారు. కానీ బౌలింగే టీమ్​ మేనేజ్​మెంట్​కు ఆందోళన కలిగిస్తోంది. యంగ్ బౌలర్స్ భారీగా పరుగులు సమర్పించుకుంటున్నారు. ముఖ్యంగా చివరి ఓవర్లలో ఇటు వికెట్లు తీయడంలోనూ, అటు రన్స్​ ఆపడంలోనూ ఫెయిల్ అవుతున్నారు. ఇది మ్యాచ్ ఫలితం మీద తీవ్ర ప్రభావం చూపుతోంది. మూడో టీ20లో పేసర్ ప్రసిద్ధ్​ కృష్ణ అయితే నాలుగు ఓవర్లు వేసి ఏకంగా 68 రన్స్ ఇచ్చాడు. అతడితో పాటు అర్ష్​దీప్ సింగ్ కూడా భారీగా పరుగులు సమర్పించుకుంటున్నాడు. ఈ మ్యాచ్​కు ఆసీస్ స్టార్ ఆల్​రౌండర్ మ్యాక్స్​వెల్ అందుబాటులో ఉండటం లేదు. మ్యాక్సీతో పాటు జంపా, స్మిత్ స్వదేశానికి వెళ్లిపోయారు.

నాలుగో మ్యాచ్​కు ముందు స్టార్ బ్యాటర్ శ్రేయస్ అయ్యర్, పేసర్ దీపక్ చాహర్ టీమిండియాతో చేరారు. వీళ్లిద్దరూ ఈ మ్యాచ్​లో ఆడే అవకాశం ఉంది. అయ్యర్ కోసం తిలక్ వర్మ తన స్థానాన్ని త్యాగం చేయాల్సిందే. అలాగే ప్రసిద్ధ్ కృష్ణ, అవేష్​ ఖాన్​ల్లో ఒకర్నే ఆడించే అవకాశాలున్నాయి. మొత్తానికి ఈ మ్యాచ్​లో భారత్ మూడు మార్పులతో బరిలోకి దిగే సూచనలు ఉన్నాయి. ఓపెనర్లుగా జైస్వాల్, రుతురాజ్ ఆడతారు. ఫస్ట్​ డౌన్​లో ఇషాన్ కిషన్, సెకండ్​ డౌన్​లో అయ్యర్ దిగుతారు. ఆ తర్వాత కెప్టెన్ సూర్యకుమార్, రింకూ సింగ్ ఆడతారు. స్పిన్​ ఆల్​రౌండర్​గా అక్షర్ పటేల్ గ్రౌండ్​లోకి దిగుతాడు. పేస్ బాధ్యతలను అర్ష్​దీప్, దీపక్ చాహర్, ప్రసిద్ధ్ కృష్ణ, అవేష్​ ఖాన్​ల్లో ముగ్గురు పంచుకుంటారు. స్పెషలిస్ట్ స్పిన్నర్​గా రవి బిష్ణోయ్​ ఎలాగూ ఉండనే ఉన్నాడు. మరి.. భారత్ ప్లేయింగ్​ ఎలెవన్​లో ఇంకేమైనా మార్పులు ఉంటాయని మీరు భావిస్తే కామెంట్ల రూపంలో తెలియజేయండి.

భారత జట్టు (అంచనా):

యశస్వి జైస్వాల్, రుతురాజ్ గైక్వాడ్, ఇషాన్ కిషన్ (వికెట్ కీపర్), శ్రేయస్ అయ్యర్, సూర్యకుమార్ యాదవ్ (కెప్టెన్), రింకూ సింగ్, అక్షర్ పటేల్, అర్ష్​దీప్ సింగ్, దీపక్ చాహర్, ప్రసిద్ధ్ కృష్ణ/అవేష్ ఖాన్, రవి బిష్ణోయ్.

ఇదీ చదవండి: టీమిండియాకి మరో బుమ్రాని సిద్ధం చేస్తున్నారా?