OTT Movie Suggestion: హీరో, హీరోయిన్ ప్రేమకి ఒక ఊరు మొత్తం అడ్డుగా నిలిస్తే! OTTలో సూపర్ మూవీ!

ఓటీటీ వరల్డ్ చాలా పెద్దది. పదులు వందలు సంఖ్యలో ఇక్కడ సినిమాలు రిలీజ్ అయితే.. ఆయా సినిమాలను చూసేందుకు ఎటువంటి ఇబ్బంది ఉండదు. కానీ ఓటీటీ లో ఇప్పటికే కొన్ని వేల సంఖ్యలలో సినిమాలు, సిరీస్ లు ప్రేక్షలను ఎంటర్టైన్ చేస్తూ ఉన్నాయి. దీనితో ఒక్కోసారి ఆ సినిమా కథ బావున్నా కానీ.. ఎందుకో ఆ సినిమాలకు పాపులారిటీ పెరగదు. దీనితో ఓటీటీ లవర్స్ వాటిని మిస్ చేస్తూ ఉంటారు. ఇప్పుడు చెప్పుకోబోయే సినిమా కూడా అలాంటిదే. ఇప్పటివరకు ఈ సినిమాను మిస్ చేస్తే మాత్రం వెంటనే చూసేయండి. మరి ఈ సినిమా ఏంటి ఎక్కడ స్ట్రీమింగ్ అవుతుంది అనే విషయాలను చూసేద్దాం.

ఇప్పుడు చెప్పుకోబోయే సినిమా పేరు “జెట్టి”. ఇది ఒక తెలుగు సినిమా. ఈ సినిమా చూస్తే ట్విస్ట్ ల మధ్యలో సినిమా ఉందా.. సినిమా మధ్యలో ట్విస్ట్ లు ఉన్నాయా అనేంతలా .. ఎండ్ వరకు కూడా ఎంగేజింగ్ గా ఉంచుతుంది. ఈ సినిమా కథేంటంటే.. సముద్ర తీర ప్రాంతంలోని కఠారిపాలెంలో.. మత్స్యకారుల కుటుంబానికి అండగా ఉంటాడు జాలన్న అనే వ్యక్తి . ఊరి కట్టుబాట్ల కోసం ప్రాణాలు తీయడానికి కూడా వెనుకాడడు. అతనికి మీనాక్షి అనే ఓ కూతురు ఉంటుంది. ఆమె చాలా పెద్ద చదువులు చదువుతుంది. ఆమె కూడా తండ్రిలాగానే.. ఊరి బాగోగుల గురించి నిత్యం ఆలోచిస్తుంటుంది. కట్ చేస్తే అన్ని రకాలుగా వెనుకబడి ఉన్న ఆ గ్రామానికి .. టీచర్ గా వస్తాడు శ్రీను అనే వ్యక్తి.. ఊరి పరిస్థితులు, మత్స్యకారులకు సముద్ర తీరం నుంచి సముద్రంలోకి వెళ్లేందుకు జెట్టీ లేకపోవడం అతడిని ఆలోచింపజేస్తుంటుంది. మరో వైపు జాలన్న కూతురు, శ్రీను ఊరి నుంచి హైదరాబాద్‌కు వెళ్లిపోతారు.

దాంతో ఊరి కట్టుబాట్లను ఉల్లంఘించారనే కారణంతో జాలన్నను ఊరి పెద్ద పదవి నుంచి దించేసి.. గ్రామం నుంచి బహిష్కరిస్తారు. గ్రామ బహిష్కరణ తర్వాత జాలన్న ఎలాంటి నిర్ణయం తీసుకున్నాడు? కఠారి పాలెం నుంచి మీనాక్షి, శ్రీను ఎందుకు వెళ్లారు? గ్రామానికి తిరిగి వస్తారా లేదా ! తర్వాత ఏం జరిగింది ! ఇవన్నీ తెలియాలంటే ఈ సినిమాను చూడాల్సిందే. ఈ సినిమా ప్రస్తుతం ఆహ లో అందుబాటులో ఉంది. కాబట్టి ఇప్పటివరకు ఈ సినిమాను ఎవరైనా మిస్ అయ్యి ఉంటె మాత్రం వెంటనే చూసేయండి. మరి ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.