నిందితుడిని కఠినంగా శిక్షించాలని డిమాండ్ చేశారు. దీంతో పాటు మా కూతురి మరణాన్ని రాజకీయం చేయొద్దని కోరారు. ఇది మరువక ముందే తాజాగా ఈ కేసులో మరో ట్విస్ట్ చోటు చేసుకుంది.
నిందితుడిని కఠినంగా శిక్షించాలని డిమాండ్ చేశారు. దీంతో పాటు మా కూతురి మరణాన్ని రాజకీయం చేయొద్దని కోరారు. ఇది మరువక ముందే తాజాగా ఈ కేసులో మరో ట్విస్ట్ చోటు చేసుకుంది.
ప్రవళిక ఆత్మహత్య కేసు రెండు తెలుగు రాష్ట్రాల్లో సంచలనంగా మారిన విషయం తెలిసిందే. గ్రూప్ 2 వాయిదా పడడంతోనే ఆ యువతి ఆత్మహత్యకు పాల్పడిందని మొదట్లో ప్రతిపక్షాలు, విద్యార్థులు ఆరోపించాయి. ఇంతే కాకుండా అశోక్ నగర్ లో విద్యార్థులతో కలిసి యువతికి న్యాయం చేయాలంటూ ర్యాలీ నిర్వహించాయి. ఈ క్రమంలోనే పోలీసులు ఘటనా స్థలానికి చేరుకుని అంతా పరిశీలించారు. అనంతరం ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టి.. ప్రవళిక ఆత్మహత్యకు ప్రేమ వ్యవహారమే కారణమని తెలపడంతో అంతా షాక్ గురయ్యారు.
గతంలో శివరామ్ రాథోడ్ అనే యువకుడిని ప్రేమించిందని, ప్రియుడు మోసం చేయడం కారణంగానే ఆ యువతి ఆత్మహత్య చేసుకుందని నిర్ధారించారు. దీంతో పోలీసులు ఎట్టకేలకు శివరామ్ ను అరెస్ట్ చేశారు. ఇదే సమయంలో ప్రవళిక సోదరుడు, తల్లి ఓ వీడియోను విడుదల చేశారు. శివరామ్ రాథోడ్ వేధంపుల కారణంగానే ప్రవళిక ఆత్మహత్య చేసుకుందని, నిందితుడిని కఠినంగా శిక్షించాలని డిమాండ్ చేశారు. దీంతో పాటు మా కూతురి మరణాన్ని రాజకీయం చేయొద్దని కోరారు. ఇది మరువక ముందే తాజాగా ఈ కేసులో మరో ట్విస్ట్ చోటు చేసుకుంది. మా కుమారుడిని కావాలని ఈ కేసులో ఇరికించారని శివరామ్ కుటుంబ సభ్యులు హైదరాబాద్ లోని రాష్ట్ర మానవ హక్కల కమిషన్ ను ఆశ్రయించారు.
