సందీప్ రెడ్డి వంగా ప్రస్తుతం అనిమల్‌ సినిమా ప్రమోషన్లలో బీజీగా ఉన్నారు. తెలుగుతో పాటు మిగిలిన భాషల్లో కూడా ప్రమోషన్లు చేస్తున్నారు. ఈ నేపథ్యంలో ఆయనకు సంబంధించిన..
సందీప్ రెడ్డి వంగా ప్రస్తుతం అనిమల్‌ సినిమా ప్రమోషన్లలో బీజీగా ఉన్నారు. తెలుగుతో పాటు మిగిలిన భాషల్లో కూడా ప్రమోషన్లు చేస్తున్నారు. ఈ నేపథ్యంలో ఆయనకు సంబంధించిన..
తీసింది తక్కువ సినిమాలే అయినా.. దేశ వ్యాప్తంగా తనకంటూ ఓ మంచి గుర్తింపు తెచ్చుకున్నారు ‘సందీప్ రెడ్డి వంగా’. మొదటి సినిమా అర్జున్‌ రెడ్డితో తెలుగులో సంచలన విజయాన్ని అందుకున్నారు. కాంట్రవర్సీలకు సైతం ఆ చిత్రం కేరాఫ్‌ అడ్రస్‌గా నిలిచింది. ఎన్నో వివాదాలను ఎదుర్కొంది. అర్జున్‌ రెడ్డి తెలుగు చిత్రమే అయినా.. దాని క్రేజ్‌ బాలీవుడ్‌ వరకు పాకింది. చాలా భాషల్లో రీమేక్‌ అయింది. ఇక, హిందీలో స్వయంగా సందీప్‌రెడ్డినే ఆ రీమేక్‌ బాధ్యతల్ని తీసుకున్నారు.
కబీర్‌ సింగ్‌ పేరిట హిందీలో ఆ సినిమాను రీమేక్‌ చేశారు. ఈ మూవీలో షాహిద్‌ కపూర్‌ హీరోగా నటించారు. హిందీలో కూడా ఓ తెలుగు కథ సంచలన విజయం సాధించింది. కబీర్‌ సింగ్‌ ఏకంగా 300ల కోట్లకు పైగా వసూళ్లను సాధించింది. ఈ రెండు సినిమాలు సూపర్‌ హిట్ కావటంతో సందీప్ క్రేజ్‌ మరింత పెరిగింది. ఈ నేపథ్యంలోనే ఆయనకు ప్రముఖ బాలీవుడ్‌ హీరో రణ్‌బీర్‌ కపూర్‌ను దర్శకత్వం వహించే అవకాశం వచ్చింది. రణ్‌బీర్‌ను ఇంత వరకు చూడని విధంగా మాస్‌ లుక్‌లో చూపిస్తూ ‘ అనిమల్‌’ అనే సినిమాను తీశారు.
అనిమల్‌ సినిమా డిసెంబర్‌ 1వ తేదీన ప్రేక్షకుల ముందుకు రానుంది. ఈ చిత్రంపై మొదటినుంచి భారీ అంచనాలు ఉన్నాయి. సినిమా నుంచి వచ్చిన ప్రతీ అప్‌డేట్‌ ఆ అంచనాలను పెంచుతూ పోయింది. తాజాగా విడుదలైన ట్రైలర్‌తో సినిమా ఏ విధంగా ఉంటుందో అర్థమైంది. సందీప్ సినిమాల్లో హీరోలు కొంచెం వాయిలెంట్‌గా ఉన్నా.. ఎమోషన్స్‌ విషయంలో మాత్రం చాలా వీకర్స్‌ అని అర్థం అయిపోతుంది. అనిమల్‌లో హీరో తండ్రి కోసం ఎలాంటి రిస్క్‌నైనా చేసే కొడుగ్గా కనిపించనున్నారు.
అనిమల్‌ ప్యాన్‌ ఇండియా లెవెల్‌లో విడుదల కానుంది. ప్రస్తుతం సందీప్ రెడ్డితో పాటు మిగిలిన టీం అనిమల్‌ సినిమా ప్రమోషన్లనో బిజీగా ఉన్నారు. తెలుగుతో పాటు మిగిలిన భాషల్లో ప్రమోషన్లు చేస్తున్నారు. ఈ నేపథ్యంలో సందీప్ రెడ్డికి సంబంధించిన ఓ ఆసక్తికర విషయం వెలుగులోకి వచ్చింది. సినిమాల్లోకి రాకముందు సందీప్‌రెడ్డి పలు సినిమాలకు అసిస్టెంట్‌ డైరెక్టర్‌గా పనిచేశారు. తర్వాత దర్శకుడిగా మారారు. ఆయన అసిస్టెంట్‌ డైరెక్టర్‌గా ఉన్న సమయంలోనే ఓ సినిమాలో కూడా నటించారు.
స్టార్‌ హీరో నాగార్జున సినిమాలో ఓ పాత్రలో మెరిశారు. ఆ సినిమా పేరు కేడీ. ఈ చిత్రం 2010లో వచ్చింది. కేడీ సినిమాలో ఓ సీన్‌లో సందీప్ రెడ్డి ఓ చిన్న పాత్ర చేశారు. అందుకు సంబంధించిన ఓ ఫొటో ప్రస్తుతం సోషల్‌ మీడియాలో వైరల్‌గా మారింది. సందీప్ గురించిన ఈ విషయం తెలియని వాళ్లు ఆశ్చర్యం వ్యక్తం చేస్తున్నారు. మరి, డిసెంబర్‌ 1వ థియేటర్లలో సందడి చేయనున్న ‘అనిమల్‌’ సినిమాపై మీ అభిప్రాయాలను కామెంట్ల రూపంలో తెలియజేయండి.
