దేవర రూట్ లో పుష్పరాజ్.. పుష్ప2 లో కూడా కట్టప్ప?

పుష్ప 2 అప్డేట్స్ తో ఈ నెల అంతా అల్లు అర్జున్ దండయాత్ర చేయబోతున్నాడు. ఒకటా రెండా.. ఇదే నెలలో ట్రైలర్ రిలీజ్ , సాంగ్స్ రిలీజ్ , 8 ప్రీ రిలీజ్ ఈవెంట్స్ .. ఇలా ప్రమోషన్స్ పీక్స్ లో ఉండబోతున్నాయి. ఇప్పటికే ఈ సినిమా మీద విపరీతమైన బజ్ నడుస్తూ ఉంది . ఇక ఇప్పుడు ఇవన్నీ స్టార్ట్ అయితే.. ఉన్న అంచనాలు ఆకాశాన్ని తాకుతాయని చెప్పడంలో ఎలాంటి సందేహం లేదు. మొదటి నుంచి కూడా దేవర బాటలో పుష్ప అని టాక్ నడుస్తూనే ఉంది. అయితే ఇప్పటివరకు ప్రమోషన్స్ మ్యాటర్ లోనే ఈ టాక్ వచ్చింది. కానీ ఇప్పుడు ఏకంగా సినిమాలోనే.. బన్నీ దేవర  దారిలో నడవాల్సి వస్తుందట. అది కూడా పార్ట్3 కోసం.. అంటే పుష్ప 2 లో దేవర ఫార్ములా అప్లై అవుతుందట. ఈ వారమే సెట్స్ లో దీనిని అప్లై చేస్తున్నారు. అసలు దేవర కంటే ముందే.. బాహుబలిలో కట్టప్ప ఫార్ములా గురించి తెలియంది కాదు.

కట్టప్ప బాహుబలిని ఎందుకు చంపాడు? అనే ఒక్క ప్రశ్న ప్రేక్షకుల మెదళ్లను తొలిచేసింది. ఇక ఆ తర్వాత దేవరలో కూడా కట్టప్ప క్యారెక్టర్ ఉంది. కానీ ఇంకా అది కట్టప్పా కాదా అనేది చెప్పలేము. దేవరను వరే చంపేశాడా అనేలా దేవర మూవీని ఎండ్ చేశారు. అక్కడ చంపింది వర నా కాదా అనేది సస్పెన్స్. అది పార్ట్ 2 లో తెలుస్తుంది. ఇక సేమ్ అలానే పార్ట్ 3 లీడ్ కోసం పుష్ప 2 లో కూడా ఇదే ఫార్ములాను ఫాలో అవుతున్నాడట సుకుమార్. కత్తి పట్టిన శ్రీవల్లి అని టాక్ బయటకు రాగానే.. దేవర దారిలోనే పుష్ప టీం వెళ్లిందని అర్ధమౌతుంది. అంటే శ్రీవల్లి పుష్ప రాజ్ కడుపులో కత్తి దించుతుందా.. తీస్తోందా అని తేలకుండా పార్ట్ 3 కి లీడ్ ను క్రియేట్ చేశారట. ఇది సెట్స్ నుంచి వినిపిస్తున్న వార్తా. ఇది బాహుబలిలా కట్టప్ప కత్తిపోటు లాంటిదే కానీ.. అది వెన్నుపోటా కాదా అనేది మాత్రం చెప్పలేం. పుష్ప 2 కు సంబంధించిన క్లైమాక్స్ ఎంత సీక్రెట్ గా ఉంచాలనుకున్నా.. సరే మరో దేవర అంటూ ప్రచారం సాగుతుంది.

ఇవన్నీ సెట్స్ నుంచి లీక్ అయిన వార్తలు మాత్రమే. దీనిపై ఇంకా క్లారిటీ రావాల్సి ఉంది. ఇలా పుష్ప 2 గురించి రోజుకు ఒకలా వినిపిస్తున్న వార్తలు.. సినిమాపై ఇంకాస్త క్యూరియాసిటీని పెంచేస్తున్నాయి. అసలు సుకుమార్ ఏం ప్లాన్ చేశాడు.. అనే సందేహాలు పెరిగిపోతున్నాయి. ఇక షూటింగ్ పెండింగ్ వర్క్ పూర్తి చేస్తే.. ప్యాక్ అప్ చెప్పేయడమే. ఈ నెల మూడో వారంలో ట్రైలర్ లాంచ్. ప్రతి సోమవారం ఒక సాంగ్ , మేకింగ్ వీడియో , ప్రతి సండే హైదరాబాద్ , బెంగళూరు , ముంబై , చెన్నైలలో ప్రీ రిలీజ్ ఈవెంట్స్ కు భారీగా ప్లాన్ చేస్తుంది టీం. మరి ఇవన్నీ సినిమాపై ఎలాంటి అంచనాలను క్రియేట్ చేస్తాయో చూడాలి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.