Double iSmart vs Mr. Bachchan: టాలీవుడ్ బాక్సాఫీస్ వద్ద బిగ్ ఫైట్ జరగబోతోంది. పంద్రాగస్టుకు రెండు క్రేజీ మూవీస్ రిలీజ్ కానున్నాయి. అయితే ఇది డైరెక్టర్ల వార్ కాదు.. అసలు పోటీ వాళ్లిద్దరి మధ్యే!
Double iSmart vs Mr. Bachchan: టాలీవుడ్ బాక్సాఫీస్ వద్ద బిగ్ ఫైట్ జరగబోతోంది. పంద్రాగస్టుకు రెండు క్రేజీ మూవీస్ రిలీజ్ కానున్నాయి. అయితే ఇది డైరెక్టర్ల వార్ కాదు.. అసలు పోటీ వాళ్లిద్దరి మధ్యే!
టాలీవుడ్ బాక్సాఫీస్ వద్ద బిగ్ ఫైట్ జరగబోతోంది. పంద్రాగస్టుకు రెండు క్రేజీ మూవీస్ రిలీజ్ కానున్నాయి. అందులో ఒకటి డాషింగ్ డైరెక్టర్ పూరీ జగన్నాథ్ రూపొందించిన ‘డబుల్ ఇస్మార్ట్’. ఇంకొకటి ఆయన శిష్యుడు, డైనమిక్ డైరెక్టర్ హరీష్ శంకర్ తెరకెక్కించిన ‘మిస్టర్ బచ్చన్’. ఈ రెండు సినిమాలు స్వాతంత్ర్య దినోత్సవ కానుకగా ఆగస్టు 15వ తేదీన విడుదల కానున్నాయి. దీంతో బాక్సాఫీస్ వద్ద యుద్ధం తప్పేలా లేదు. ఎందుకంటే రెండు మూవీస్కు మంచి బజ్ ఉంది. ‘ఇస్మార్ట్ శంకర్’ వంటి సూపర్ హిట్కు సీక్వెల్ కావడంతో ‘డబుల్ ఇస్మార్ట్’ మీద ప్రేక్షకుల్లో భారీగా అంచనాలు నెలకొన్నాయి. హిట్ కొట్టాలనే కసిలో ఉన్న దర్శకుడు పూరీ ఈ ఫిల్మ్తో బాక్సాఫీస్ను షేక్ చేయాలని చూస్తున్నారు.
హరీష్ శంకర్ కూడా ‘మిస్టర్ బచ్చన్’తో ఘనవిజయాన్ని అందుకోవాలని అనుకుంటున్నారు. మాస్ మహారాజా రవితేజ-హరీష్ శంకర్ కాంబోలో గతంలో ‘మిరపకాయ’ లాంటి సాలిడ్ హిట్ పడింది. దీనికి తోడు ‘మిస్టర్ బచ్చన్’ నుంచి బయటకు వచ్చిన టీజర్, సాంగ్స్ మూవీపై మరింత ఎక్స్పెక్టేషన్స్ పెంచేస్తున్నాయి. దీంతో ఈ సినిమాను చూడాలని ఆడియెన్స్ ఎదురు చూస్తున్నారు. రెండు సినిమాలపై మంచి బజ్ ఉండటంతో బాక్సాఫీస్ రేస్లో ఎవరు విన్నర్గా నిలుస్తారనేది ఆసక్తికరంగా మారింది. అయితే ఇది హరీష్ వర్సెస్ పూరీ పోటీ కాదు. అసలైన పోటీ జరగబోతోంది హీరోయిన్లు కావ్యా థాపర్, భాగ్యశ్రీ బోర్సే మధ్యేనని ఎక్స్పర్ట్స్ అంటున్నారు.
పంద్రాగస్టుకు హీరోయిన్లు కావ్యా థాపర్-భాగ్యశ్రీ బోర్సే మధ్య ఇంట్రెస్టింగ్ ఫైట్ జరగనుంది. ఈ ఇద్దరూ మోస్ట్ బ్యూటిఫుల్ హీరోయిన్స్. కానీ వీళ్ల కెరీర్ ఇంకా సెట్ కాలేదు. పూరీ, హరీష్.. ఇద్దరూ హీరోయిన్స్ను బాగా చూపిస్తారు. యాక్టింగ్, లుక్స్ పరంగా చాలా కేర్ తీసుకొని మంచి స్క్రీన్ ప్రెజెన్స్ ఉండేలా జాగ్రత్తలు తీసుకుంటారు. వీళ్ల సినిమాల్లో హీరోయిన్లు చాలా స్పెషల్గా కనిపిస్తుంటారు. కాబట్టి ఈ మూవీస్తో ఎవరు మెప్పిస్తారు? ఎవరు క్లిక్ అయి వరుస అవకాశాలు దక్కించుకుంటారనేది చూడాలి. అందుకే ఇది హీరోయిన్ల మధ్య పోటీ అని ఎక్స్పర్ట్స్ అంటున్నారు. మరి.. ‘డబుల్ ఇస్మార్ట్’తో వస్తున్న కావ్య, ‘మిస్టర్ బచ్చన్’తో సిద్ధమైన భాగ్యశ్రీలో ఎవరు బాక్సాఫీస్ ఫైట్లో విజయం సాధిస్తారని మీరు భావిస్తున్నారో కామెంట్ చేయండి.
