టాలీవుడ్ పాపులర్ సింగర్స్లో రాహుల్ సిప్లిగంజ్ ఒకరు. ఆయన పేరు తెలియని తెలుగు సంగీత ప్రియులు ఉండరంటే ఏమాత్రం అతిశయోక్తి కాదు. యూట్యూబ్ వీడియోలు చేస్తూ.. చిన్నగా ప్రచారం పొందుతూ ప్రస్తుతం ఈ స్థాయికి చేరుకున్నారు రాహుల్. ధూల్పేట్లో పుట్టిన ఆయన ఏకంగా ప్రపంచ ప్రఖ్యాత ఆస్కార్ వేదికపై పాడే స్థాయికి ఎదిగారు. యూట్యూబ్ వీడియోల నుంచి మొదలైన ఆయన ప్రస్థానం.. ఆ తర్వాత సినిమా పాటలు పాడటం, బిగ్బాస్ టైటిల్ విన్నర్గా నిలవడం, ఆస్కార్స్లో పాడటం వరకు ఓ కలలా సాగిందనే చెప్పాలి. ఒక్కో పాటతో తన పాపులారిటీని పెంచుకుంటూ వచ్చారు రాహుల్ సిప్లిగంజ్.
‘ఆర్ఆర్ఆర్’ మూవీలో మరో సింగర్ కాలభైరవతో కలసి పాడిన ‘నాటు నాటు’ పాట రాహుల్ సిప్లిగంజ్ లైఫ్ను మార్చేసింది. ఈ సాంగ్తో ఆయన తన ఫ్యాన్బేస్ను మరింతగా పెంచుకున్నారు. అలాంటి రాహుల్ త్వరలో రాజకీయాల్లోకి ఎంట్రీ ఇస్తారని టాక్. ఈ ఏడాది ఆఖర్లో జరగబోయే తెలంగాణ అసెంబ్లీ ఎన్నికల్లో గోషామహల్ నియోజకవర్గం నుంచి రాహుల్ను పోటీలో నిలపాలని కాంగ్రెస్ పార్టీ భావిస్తున్నట్లు రూమర్స్ వస్తున్నాయి. రాహుల్ ఉండే మంగళ్హాట్ ప్రాంతం గోషామహల్ నియోజకవర్గంలోనే ఉంది. ఈ నేపథ్యంలో లోకల్ బాయ్ అయిన రాహుల్ సిప్లిగంజ్ను తమ పార్టీ నుంచి గోషామహల్లో బరిలో ఉంచితే.. బలమైన అభ్యర్థిగా నిలుస్తాడని కాంగ్రెస్ పార్టీ అనుకుంటోందని సమాచారం. ఈమధ్య కాలంలో ఈ స్టార్ సింగర్ గోషామహల్లో ఎక్కువగా తిరుగుతుండటంతో ఈ ప్రచారానికి మరింత బలం చేకూరుతోంది.
రీసెంట్గా బోనాల పండుగ టైమ్లో కూడా రాహుల్ సిప్లిగంజ్ పెద్ద ఎత్తున గోషామహల్ గల్లీల్లో దావత్లకు అటెండ్ అయినట్లుగా వినికిడి. యూత్, మాస్లో మంచి ఫాలోయింగ్ సంపాదించుకున్న ఆయనతో గోషామహల్ నుంచి పోటీ చేయిస్తే గెలవొచ్చని కాంగ్రెస్ అనుకుంటోందని గాసిప్స్ వస్తున్నాయి. వచ్చే ఎన్నికల్లో పోటీకి సంబంధించి ఇప్పటికే రాహుల్కు పలువురు కాంగ్రెస్ పెద్దలు చెప్పడంతో.. ఆయన కూడా స్థానికులతో మాట్లాడిన తర్వాత తన నిర్ణయం చెబుతానని అన్నట్లు సమాచారం. ఈ వార్తల్లో ఎంత నిజం ఉందనేది రాహుల్ సిప్లిగంజ్కే తెలియాలి. మరి.. రాహుల్ సిప్లిగంజ్ పాలిటిక్స్లోకి ఎంట్రీ ఇవ్వాలని మీరు భావిస్తున్నారా? మీ అభిప్రాయాలను కామెంట్ల రూపంలో తెలియజేయండి.
