సన్రైజర్స్ హైదరాబాద్కు ఎలిమినేటర్ గండం పొంచి ఉంది. దీని నుంచి బయటపడాలంటే కమిన్స్ సేన ఇలా చేయాల్సి ఉంటుంది.
సన్రైజర్స్ హైదరాబాద్కు ఎలిమినేటర్ గండం పొంచి ఉంది. దీని నుంచి బయటపడాలంటే కమిన్స్ సేన ఇలా చేయాల్సి ఉంటుంది.
ఐపీఎల్-2024లో ఒకదాన్ని మించి మరో మ్యాచ్ జరుగుతోంది. దీంతో ప్లేఆఫ్స్ రేసు రసవత్తరంగా మారింది. ఇప్పటికే కోల్కతా నైట్ రైడర్స్, రాజస్థాన్ రాయల్స్ ప్లేఆఫ్స్కు క్వాలిఫై అయ్యాయి. మిగిలిన రెండు బెర్త్ల కోసం చెన్నై సూపర్ కింగ్స్, సన్రైజర్స్ హైదరాబాద్, ఆర్సీబీలు పోటీపడుతున్నాయి. ఈ మూడు జట్లలోనూ ప్లేఆఫ్స్కు క్వాలిఫై అయ్యే అవకాశాలు మెండుగా ఉన్న జట్టు ఎస్ఆర్హెచ్. ఎందుకంటే ఆ టీమ్ ఇంకో రెండు మ్యాచులు ఆడాల్సి ఉంది. ఒక్కదాంట్లో నెగ్గినా క్వాలిఫై అవుతుంది. అయితే ఆరెంజ్ ఆర్మీకి ఎలిమినేటర్ గండం పొంచి ఉంది. దాని నుంచి బయటపడాలంటే ఆ ఒక్క పని చేయాల్సి ఉంటుంది.
సన్రైజర్స్ ప్లేఆఫ్స్ గురించి భయపడట్లేదు. నెట్ రన్ రేట్ కూడా మెరుగ్గా ఉంది కాబట్టి తదుపరి ఆడే రెండు మ్యాచుల్లో ఓడినా ఎస్ఆర్హెచ్కు ప్లేఆఫ్స్ క్వాలిఫై అవకాశాలు ఉన్నాయి. అందుకే స్వేచ్ఛగా ఆడి ఈ రెండు మ్యాచుల్లోనూ నెగ్గి 18 పాయింట్లతో పాయింట్స్ టేబుల్లో టాప్-2లో ఫినిష్ చేయాలని చూస్తోంది. టాప్-2లో నిలవాలంటే ఇవాళ గుజరాత్ టైటాన్స్ మీద కమిన్స్ సేన నెగ్గాలి. అలాగే ఆఖరి లీగ్ మ్యాచ్లో పంజాబ్ కింగ్స్ను కూడా ఓడించాలి. అదే సమయంలో రాజస్థాన్ రాయల్స్ను కోల్కతా నైటర్ రైడర్స్ చిత్తు చేయాలి. అది సాధ్యం కాకపోతే రాజస్థాన్ స్మాల్ మార్జిన్తో గెలవాలి. ఎస్ఆర్హెచ్ టాప్-2లో ఫినిష్ చేయాలంటే ఇంకో విధంగా కూడా ఛాన్స్ ఉంది.
టాప్-2లో చోటు దక్కించుకోవాలంటే గుజరాత్, పంజాబ్తో జరిగే మ్యాచుల్లో ఒక దాంట్లో నెగ్గి, ఇంకో దాంట్లో 20 పరుగుల కంటే తక్కువ మార్జిన్తో ఓడిపోవాలి సన్రైజర్స్. అదే సమయంలో రాజస్థాన్ను కేకేఆర్ 20 పరుగులు లేదా అంతకంటే భారీ తేడాతో ఓడించాలి. ఇలా జరిగితే ఎలిమినేటర్ గండాన్ని దాటి క్వాలిఫైయర్గా ప్లేఆఫ్స్కు వెళ్తుంది కమిన్స్ సేన. ప్లేఆఫ్స్లో భాగంగా మొదటి రెండు స్థానాల్లో ఉన్న జట్ల మధ్య క్వాలిఫైయర్ 1 నిర్వహిస్తారనేది తెలిసిందే. అలాగే 3, 4 స్థానాల్లో ఉన్న టీమ్స్ మధ్య ఎలిమినేటర్ నిర్వహిస్తారు. క్వాలిఫైయర్ 1లో నెగ్గిన జట్టు ఫైనల్కు వెళ్తుంది.
క్వాలిఫైయర్ 1లో ఓడిన టీమ్ క్వాలిఫైయర్ 2లో భాగంగా ఎలిమినేటర్లో గెలిచిన జట్టుతో పోటీపడుతుంది. ఇందులో ఎవరు గెలిస్తే వాళ్లు ఫైనల్కు వెళ్తారు. టాప్-2లో ఫినిష్ చేస్తే ఫైనల్ చేరేందుకు రెండు అవకాశాలు ఉంటాయి. క్వాలిఫైయర్ 1లో ఓడినా తిరిగి క్వాలిఫైయర్ 2లో గెలిస్తే ఫైనల్కు రీచ్ అవ్వొచ్చు. అందుకే జీటీ, పంజాబ్పై నెగ్గి క్వాలిఫైయర్స్ ఆడాలని భావిస్తోంది ఎస్ఆర్హెచ్. అయితే అందుకు తాను గెలవడంతో పాటు ఇతర జట్ల గెలుపోటములు, సమీకరణాలు కూడా కలసిరావాలి. మరి.. ఎస్ఆర్హెచ్ టాప్-2లో ఫినిష్ చేస్తుందని మీరు భావిస్తే కామెంట్ చేయండి.
SRH TOP 2 FINISH SCENARIO:
– SRH beating GT and PBKS.
– KKR beat RR or RR win by a small margin.OR
– SRH beat GT/PBKS and lose one match by x runs.
– KKR beat RR by y runs.
– For eg. x = <20 runs, y = >20 runs. pic.twitter.com/JQdawpw5wj— Mufaddal Vohra (@mufaddal_vohra) May 15, 2024
