నిజమైన కెప్టెన్సీ అంటే ఏంటో సన్రైజర్స్ సారథి ప్యాట్ కమిన్స్ ప్రూవ్ చేశాడు. యంగ్ బ్యాటర్ షాబాజ్ అహ్మద్ కోసం కమిన్స్ చేసిన పని ఏంటో తెలిస్తే ఎవ్వరైనా అతడ్ని మెచ్చుకోకుండా ఉండలేరు.
నిజమైన కెప్టెన్సీ అంటే ఏంటో సన్రైజర్స్ సారథి ప్యాట్ కమిన్స్ ప్రూవ్ చేశాడు. యంగ్ బ్యాటర్ షాబాజ్ అహ్మద్ కోసం కమిన్స్ చేసిన పని ఏంటో తెలిస్తే ఎవ్వరైనా అతడ్ని మెచ్చుకోకుండా ఉండలేరు.
ఐపీఎల్-2024 ఆరంభానికి ముందు వరకు సన్రైజర్స్ హైదరాబాద్ జట్టు మీద ఎవరికీ పెద్దగా అంచనాలు లేవు. ఆస్ట్రేలియా సారథి ప్యాట్ కమిన్స్ ఎస్ఆర్హెచ్ కెప్టెన్సీ పగ్గాలు తీసుకోవడంతో టీమ్ గురించి అందరూ మాట్లాడటం మొదలుపెట్టారు. వన్డే వరల్డ్ కప్ హీరో ట్రావిస్ హెడ్ జట్టులోకి రావడంతో ఈసారి ఆరెంజ్ ఆర్మీ కొత్తగా కనిపిస్తోందని, ఏదైనా మ్యాజిక్ చేస్తుందేమో చూడాలని అనుకున్నారు. కానీ సన్రైజర్స్ టాప్ రేంజ్లో ఆడుతుందని మాత్రం ఎవ్వరూ అనుకోలేదు. ఎవరి ఎక్స్పెక్టేషన్స్కు కూడా అందని రీతిలో విధ్వంసక ఆటతీరుతో అన్ని జట్లను వణికిస్తోంది కమిన్స్ సేన. నిన్న ఢిల్లీ క్యాపిటల్స్ను చిత్తు చేసింది. ఈ విజయంతో పాయింట్స్ టేబుల్లో రెండో స్థానానికి చేరుకుంది. అయితే ఈ మ్యాచ్లో కమిన్స్ తన ఒక పనితో అందరి మనసులు మరోమారు దోచుకున్నాడు.
కెప్టెన్ అనేవాడు ఎంత నిస్వార్థంగా ఉండాలో డీసీతో మ్యాచ్లో కమిన్స్ ప్రూవ్ చేశాడు. యంగ్ బ్యాటర్ షాబాజ్ అహ్మద్ కోసం అతడు త్యాగం చేశాడు. సన్రైజర్స్ ఇన్నింగ్స్లో అది ఆఖరి ఓవర్. షాబాజ్ 26 బంతుల్లో 48 పరుగులతో మంచి దూకుడు మీద ఉన్నాడు. ఆ ఓవర్లోనే బ్యాటింగ్కు వచ్చిన కమిన్స్ ఒక బంతి ఎదుర్కొని ఒక పరుగు చేశాడు. ఇంకా 3 బంతులు ఉన్నాయి. 2 ఫోర్లు, 5 సిక్సులతో చివరి ఓవర్లలో రెచ్చిపోయిన షాబాజ్ హాఫ్ సెంచరీకి చేరువలో ఉండటంతో కమిన్స్ త్యాగం చేశాడు. అర్ధ సెంచరీ మార్క్ను చేరుకుంటే యంగ్ బ్యాటర్లో మరింత కాన్ఫిడెన్స్ వస్తుందనే ఉద్దేశంతో తన వికెట్ను శాక్రిఫైజ్ చేశాడు ఎస్ఆర్హెచ్ కెప్టెన్. ముఖేష్ కుమార్ వేసిన లాస్ట్ ఓవర్ నాలుగో బంతికి షాబాజ్ స్ట్రయిట్ షాట్ కొట్టాడు. బాల్ సరిగ్గా కనెక్ట్ కాలేదు. దీంతో డబుల్ కోసం ప్రయత్నించాడు.
ఇంకో 3 బంతుల్లో ఇన్నింగ్స్ అయిపోతుంది. దీంతో హాఫ్ సెంచరీ మార్క్ను అందుకోవాలనే తొందర్లో షాబాజ్ నాలుగో బంతికి డబుల్ తీసేందుకు ట్రై చేశాడు. అక్కడ రెండో రన్ కష్టమని తెలిసినా నాన్స్ట్రయికింగ్ ఎండ్లో ఉన్న కమిన్స్ అతడికి సహకరించాడు. మొదటి రన్ తీశాక కిందపడ్డాక కూడా లేచి మరీ రెండో రన్ కోసం పరిగెత్తుకుంటూ వచ్చాడు. అయితే బాల్ను అందుకున్న బౌలర్ వికెట్లను గిరాటేశాడు. షాబాజ్ అర్ధ సెంచరీ పూర్తవ్వాలని కమిన్స్ తన వికెట్ను త్యాగం చేశాడు. ఆ తర్వాతి బాల్కు షాబాజ్ హాఫ్ సెంచరీ పూర్తి చేసుకున్నాడు. కమిన్స్ కింద పడినా షాబాజ్ కోసం పరిగెత్తడం, తన వికెట్ను శాక్రిఫైజ్ చేయడాన్ని అందరూ మెచ్చుకుంటున్నారు. నిజమైన కెప్టెన్ అంటే ఇలా ఉండాలని ప్రశంసిస్తున్నారు. ఇలాంటి చిన్న చిన్న పనులే టీమ్లో ఎంతో మార్పు తీసుకొస్తాయని.. ఎస్ఆర్హెచ్ ఆటగాళ్లు కలసికట్టుగా ఆడటం వెనుక కమిన్స్ ఎఫర్ట్ కారణమని కామెంట్స్ చేస్తున్నారు. మరి.. షాబాజ్ కోసం కమిన్స్ చేసిన త్యాగం మీద మీ ఒపీనియన్ను కామెంట్ చేయండి.
Cummins sacrificed his wicket just to let Shahbaz complete his 50.
True Captain fr. #SRHvsDC pic.twitter.com/7pfTitufrq— haha (@FarhaanAliV) April 21, 2024
