Nidhan
టీమిండియా స్టార్ బ్యాటర్ కేఎల్ రాహుల్కు ఉన్న ఫ్యాన్ ఫాలోయింగ్ గురించి తెలిసిందే. తన బ్యాటింగ్ ప్రతిభతో ఎంతో మంది అభిమానాన్ని చూరగొన్నాడతను. అలాంటి రాహుల్పై తమకు ఉన్న అభిమానాన్ని చాటుకున్నారు ఫ్యాన్స్.
టీమిండియా స్టార్ బ్యాటర్ కేఎల్ రాహుల్కు ఉన్న ఫ్యాన్ ఫాలోయింగ్ గురించి తెలిసిందే. తన బ్యాటింగ్ ప్రతిభతో ఎంతో మంది అభిమానాన్ని చూరగొన్నాడతను. అలాంటి రాహుల్పై తమకు ఉన్న అభిమానాన్ని చాటుకున్నారు ఫ్యాన్స్.
Nidhan
ప్రస్తుత భారత జట్టులో అత్యంత ప్రతిభ కలిగిన క్రికెటర్లలో కేఎల్ రాహుల్ ఒకడని చెప్పడంలో ఎలాంటి డౌట్ లేదు. బాల్ను అతడు టైమింగ్ చేసే విధానం, లేట్ షాట్స్, పేస్తో పాటు స్పిన్నూ అంతే ఈజీగా ఆడటం చూస్తే ఎవరికైనా మతి పోవాల్సిందే. క్లాసికల్ షాట్స్ ఆడుతూ ఇన్నింగ్స్ను ముందుకు తీసుకెళ్లే రాహుల్ టీమిండియాలో కీలక పాత్ర పోషిస్తున్నాడు. ముఖ్యంగా కమ్బ్యాక్ తర్వాత ఎక్స్పెక్టేషన్స్కు మించి పెర్ఫార్మ్ చేస్తున్నాడు. గాయంతో కొన్నాళ్లు టీమ్కు దూరమైన ఈ స్టైలిష్ బ్యాటర్.. బెంగళూరులోని నేషనల్ క్రికెట్ అకాడమీలో ఉండి ట్రీట్మెంట్ తీసుకుంటూ తన టెక్నిక్ను మార్చుకున్నాడు. దాని రిజల్ట్ గతేడాది జరిగిన ఆసియా కప్, వరల్డ్ కప్లో కనిపించింది. మెగా టోర్నీలో అద్భుతంగా రాణించాడు రాహుల్. క్రమంగా తన ఫ్యాన్ ఫాలోయింగ్ను పెంచుకుంటూ పోతున్నాడీ స్టైలిష్ బ్యాటర్. అయితే తాజాగా కొందరు ఫ్యాన్స్ రాహుల్ కాళ్లకు మొక్కారు.
కేఎల్ రాహుల్ కాళ్లకు కొందరు అభిమానులు మొక్కారు. దీనికి సంబంధించిన వీడియో ఇప్పుడు నెట్టింట వైరల్గా మారింది. ఒక బిల్డింగ్ నుంచి బయటకు వస్తున్న రాహుల్ను కొందరు ఫ్యాన్స్ చుట్టుముట్టారు. అతడితో సెల్ఫీలు దిగేందుకు ప్రయత్నించారు. అదే టైమ్లో వారిలోని ఇద్దరు రాహుల్ పాదాలను టచ్ చేశారు. అయితే సడన్గా కాళ్లకు మొక్కడంతో ఏం చేయాలో అర్థం కాని రాహుల్.. వాళ్లను వెంటనే పైకి లేపాడు. అలా చేయొద్దని కోరాడు. ఆ తర్వాత వాళ్లు అడిగినట్లే సెల్ఫీ దిగాడు. అనంతరం అభిమానులకు షేక్ హ్యాండ్స్ ఇచ్చి అక్కడి నుంచి తన కారులోకి ఎక్కి వెళ్లిపోయాడు. రాహుల్ కాళ్లకు అభిమానులు మొక్కిన వీడియో ఇప్పుడు నెట్టింట వైరల్ అవుతోంది. దీన్ని చూసిన నెటిజన్స్ పాజిటివ్గా రియాక్ట్ అవుతున్నారు. తన కాళ్లకు నమస్కరించినా వెంటనే వారిని పైకి లేపాడని.. రాహుల్ సింప్లిసిటీకి ఇది నిదర్శనమని అంటున్నారు. అతడికి ఉన్న ఫాలోయిజం ఇదని కామెంట్లు పెడుతున్నారు.
కాగా, ఆఫ్ఘానిస్థాన్తో జరగనున్న మూడు టీ20ల సిరీస్కు రాహుల్ను సెలక్టర్లు ఎంపిక చేయలేదు. వన్డేలతో పాటు టెస్టుల్లోనూ దుమ్మురేపుతున్న ఈ స్టార్ బ్యాటర్కు మొండిచేయి ఎదురైంది. తాను ఏ పొజిషన్లో ఆడేందుకైనా రెడీగా ఉన్నానని, కీపింగ్ కూడా చేస్తానంటూ ఈ సిరీస్కు ముందు రాహుల్ చెప్పాడు. కానీ అతడి మాటల్ని పట్టించుకోని సెలక్టర్లు ఎంపిక చేయలేదు. దీంతో రాహుల్ ఫ్యాన్స్ సీరియస్ అవుతున్నారు. వికెట్లను కాపాడటంతో పాటు బిగ్ షాట్స్ కొట్టే సామర్థ్యం ఉన్న రాహుల్ను ఇలా పక్కన పెట్టడం సరికాదని అంటున్నారు. సూపర్ ఫామ్లో ఉన్న ఈ టాలెంటెడ్ బ్యాటర్ను తీసుకోకుండా బీసీసీఐ తప్పు చేస్తోందని నెట్టింట కామెంట్స్ పెడుతున్నారు. ఈ నేపథ్యంలో తాజాగా అభిమానులు అతడి కాళ్లకు మొక్కడంతో మళ్లీ వార్తల్లో నిలిచాడు రాహుల్. మరి.. రాహుల్ కాళ్లకు ఫ్యాన్స్ మొక్కడంపై మీరేం అనుకుంటున్నారో కామెంట్ చేయండి.
ఇదీ చదవండి: శ్రేయస్ అయ్యర్పై క్రమశిక్షణా చర్యలు.. అందుకే టీమ్ నుంచి ఔట్!
A fan touches KL Rahul’s feet. pic.twitter.com/VWaY1Y5E3p
— Mufaddal Vohra (@mufaddal_vohra) January 10, 2024