ఏ ఫిల్మ్ ఇండస్ట్రీలో అయినా కమెడియన్లకు మంచి పాపులారిటీ ఉంటుంది. కొందరు హాస్య నటులకైతే స్టార్ హీరో, హీరోయిన్ల రేంజ్లో క్రేజ్ ఉంటుంది. టిక్కెట్ కొని థియేటర్లకు వచ్చిన ఆడియెన్స్ను కడుపుబ్బా నవ్వించడంలో సక్సెస్ అయితే వాళ్లకు తిరుగుండదు. అందుకే మంచి కమెడియన్స్ను ప్రేక్షకులు ఎప్పుడూ ఆదరిస్తూ ఉంటారు. తెలుగులో ఎంతో మంది కమెడియన్లను చూశాం. ఒక టైమ్లో బ్రహ్మానందం లాంటి కమెడియన్లకు స్టార్ హీరోలకు ఉన్నంత క్రేజ్ ఉండేది. ఇప్పుడు కూడా మీమ్స్ ద్వారా ఆయన పాపులారిటీ చెక్కు చెదరలేదు. తమిళంలో యోగి బాబు ఇప్పుడు ఫుల్ స్వింగ్లో ఉన్నారు. ఈ కమెడియన్ ఉంటే తమ సినిమా సక్సెస్ గ్యారెంటీ అని అక్కడి మేకర్స్ నమ్ముతున్నారు.
టాలీవుడ్, కోలీవుడ్లో కమెడియన్లకు కొదువ లేదు. కానీ బాలీవుడ్లో మాత్రం నవ్వించే నటుల సంఖ్య తగ్గిపోయింది. అక్కడ చెప్పుకోదగ్గ కొందరు కమెడియన్లలో సునీల్ గ్రోవర్ ఒకరు. ‘కామెడీ నైట్స్ విత్ కపిల్’ షో ద్వారా టెలివిజన్‌ ప్రేక్షకులను ఆయన పొట్ట చెక్కలయ్యేలా నవ్వించారు. ఈ షోతో వచ్చిన క్రేజ్తో పలు సినిమా ఆఫర్లు ఆయన్ను వెతుక్కుంటూ వచ్చాయి. ఈ క్రమంలో ఖిలాడీ అక్షయ్ కుమార్ నటించిన ‘గబ్బర్’ చిత్రంలో ఒక కీలక పాత్రను పోషించే ఛాన్స్ దక్కించుకున్నారు సునీల్ గ్రోవర్. ఆ మూవీలో మంచి నటనతో ఆడియెన్స్ నుంచి ప్రశంసలు దక్కించుకున్నారాయన.
‘యునైటెడ్ కచ్చే’ వెబ్ సిరీస్తో ఇటీవల ఆడియెన్స్ను పలకరించిన సునీల్ గ్రోవర్.. కింగ్ ఖాన్ షారుక్ మూవీ ‘జవాన్’నూ నటించారు. దీని గురించి పక్కనబెడితే.. తాజాగా రోడ్డు పక్కన గొడుగులు, మొక్కజొన్న పొత్తులు అమ్ముతూ ఆయన కనిపించారు. అలాగే ఒక స్టాల్లో చపాతీలు చేస్తూ దర్శనమిచ్చారు ఈ ఫొటోలు, వీడియోలను గ్రోవర్ స్వయంగా నెట్టింట అందరితో పంచుకున్నారు. డిఫరెంట్ గెటప్స్తో కావాల్సినంత వినోదాన్ని పంచే ఆయన.. అసలు ఎందుకిలా చేశారో, దీనికి కారణం ఏంటో తెలియదు. అయితే గ్రోవర్ ఫొటోలు, వీడియోలు చూసిన నెటిజన్స్ ఇది ప్రమోషన్స్ కోసమే చేసిందని అంటున్నారు.
View this post on Instagram
View this post on Instagram
View this post on Instagram
