Sriranga Neethulu OTT: OTT లోకి సుహాస్ శ్రీరంగనీతులు మూవీ.. స్ట్రీమింగ్ ఎప్పుడంటే!

గత రెండు నెలలలో థియేటర్ లో రిలీజ్ అయిన సినిమాలన్నీ కూడా ఇప్పుడు దాదాపు ఓటీటీ లోకి వచ్చేశాయి. కానీ అసలు థియేటర్ లో రిలీజ్ అయిందా లేదా అని అనిపించిన ఓ సినిమా మాత్రం ఇంకా ఓటీటీ లోకి రాలేదు. అదే సుహాస్ నటించిన “శ్రీరంగ నీతులు”. సుహాస్ ఈ మధ్య కాలంలో వరుస సినిమాలతో ప్రేక్షకులను మెప్పిస్తున్న సంగతి తెలిసిందే . వినూత్నమైన కథలతో.. ముందుకు వచ్చి ప్రేక్షకులను మెప్పిస్తున్నాడు. ఈ మధ్యలో సుహాస్ నటించిన సినిమాలలో రెండు మాత్రమే ఓటీటీ లోకి వచ్చాయి. ఇప్పుడు మరొక సినిమాకు సంబంధించిన ఓటీటీ స్ట్రీమింగ్ గురించి టాక్ నడుస్తుంది. దానికి సంబంధించిన వివరాలు చూసేద్దాం.

ఈ మధ్య కాలంలో సుహాస్ నటించిన సినిమాలంటే అంబాజీపేట మ్యారేజి బ్యాండ్, ప్రసన్న వదనం సినిమాలనే అందరికి తెలుసు. ఈ రెండు సినిమాలు కూడా థియేటర్ లో రిలీజ్ అయ్యి.. డీసెంట్ టాక్ ను సంపాదించుకున్నాయి. కలెక్షన్స్ పరంగా ఎలా ఉన్నా కానీ.. కథ పరంగా మాత్రం ప్రేక్షకులను బాగానే మెప్పించాయి. ఇక ఈ సినిమాలలో సుహాస్ నటనకు కూడా మంచి మార్కులే పడ్డాయి. ఎప్పటికప్పుడు కొత్త కథలను ఎంపిక చేసుకుని ప్రేక్షకులను మెప్పించడంలో.. సుహాస్ ఎప్పుడు విజయాన్ని సాధిస్తాడు. ఇక ఇప్పటికే ఈ రెండు సినిమాలకు సంబంధించిన ఓటీటీ స్ట్రీమింగ్ డీటెయిల్స్ గురించి చూసేసాం. అయితే ఈ రెండు సినిమాలకు గ్యాప్ లో సుహాస్ శ్రీరంగ నీతులు అనే మరొక సినిమాను కూడా తీశాడు. వరుస సినిమాలు రిలీజ్ అవ్వడం వలనో లేదా ఇంకేమైనా కారణాలు ఉన్నాయో తెలియదు కానీ.. అసలు ఈ సినిమా థియేటర్ లోకి వచ్చినట్లు కూడా చాలా మందికి తెలియదు.

ఈ సినిమా ఏప్రిల్ 11న ఈ సినిమా థియేటర్ లో రిలీజ్ అయింది. సినిమా విడుదలయ్యి నెల రోజులు దాటిపోయినా కూడా ఇంకా ఈ సినిమా డిజిటల్ స్ట్రీమింగ్ డేట్ మాత్రం ఇంకా రాలేదు. ఈ సినిమాలో సుహాస్ తో పాటు బేబీ సినిమా ఫేమ్ విరాజ్ అశ్విన్, కేరాఫ్ కంచెరపాలెం ఫేమ్ కార్తీక్, రుహాని శర్మ నటించారు. ఈ సినిమా థియేటర్ కు వచ్చింది అని కూడా చాలా మందికి తెలియదు. పైగా విడుదలైన ఇన్ని రోజులకు ఈ సినిమా ఓటీటీ టాక్ వినిపిస్తుంది. ఈ సినిమా డిజిటల్ స్ట్రీమింగ్ రైట్స్ ను ప్రముఖ ఓటీటీ ప్లాట్ ఫార్మ్ సోని లివ్ సొంతం చేసుకుంది. అయితే ఇప్పటికే ఈ సినిమా ఓటీటీ లోకి ఆలస్యంగా వస్తుంది అనుకుంటే.. ఈ సినిమా స్ట్రీమింగ్ డేట్ ను ఇంకాస్త ఆలస్యం చేస్తూ.. జూన్ 7 న స్ట్రీమింగ్ చేయనున్నారట మేకర్స్. దీనిపై మేకర్స్ నుంచి అధికారిక ప్రకటన రావాల్సి ఉంది .. మరి ఈ సినిమా ఓటీటీ అప్ డేట్ పై మీ అభిప్రాయాలను కామెంట్స్ రూపంలో తెలియజేయండి.

v