యాంకర్లకు ప్రేక్షకుల్లో ఉండే ఫాలోయింగ్ గురించి తెలిసిందే. టీవీ షోల నుంచి సినిమా ఈవెంట్ల వరకు ఏ ప్రోగ్రామ్లో అయినా యాంకర్లు ఉండాల్సిందే. వారికి మంచి రెమ్యూనరేషన్తో పాటు పాపులారిటీ కూడా దక్కుతుంది. రష్మీ, అనసూయ లాంటి యాంకర్లు అయితే తమ యాక్టింగ్ టాలెంట్తో మూవీ ఇండస్ట్రీలో సెటిల్ అయిపోయారు. అందుకే చాలా మంది యాంకర్లుగా మారేందుకు ప్రయత్నిస్తున్నారు. ఈ కోవలో దూసుకొచ్చిన టాలెంటెడ్ యాంకరే శ్రీముఖి. ఎప్పడూ చలాకీగా ఉంటూ, తన మాటలతో పాటు అందంతోనూ ఎంతో మంది హృదయాలను కొల్లగొట్టారు శ్రీముఖి.
ప్రస్తుతం తెలుగులో అటు టెలివిజన్తో పాటు ఇటు సినిమాల్లోనూ పనిచేస్తున్న బెస్ట్ యాంకర్లలో శ్రీముఖి ఒకరు. యాంకరింగ్తో నిత్యం బిజీగా ఉండే ఈ అందాల భామ.. టైమ్ దొరికినప్పుడు సోషల్ మీడియాలో ఫ్యాన్స్తో ఇంటరాక్ట్ అవుతుంటారు. ఫొటో షూట్లలో దిగిన హాట్ ఫొటోలను కూడా నెట్టింట షేర్ చేసుకుంటారు. అలాంటి శ్రీముఖి ఇవాళ దైవ దర్శనానికి వెళ్లారు. కుటుంబ సభ్యులతో కలసి తిరుమల శ్రీవారిని ఆమె దర్శనం చేసుకున్నారు. ఆంధ్రప్రదేశ్ టూరిజం శాఖ మంత్రి రోజాతో కలసి తిరుమల సందర్శించారు శ్రీముఖి.
ఎప్పుడూ షూటింగ్స్తో బిజీగా ఉండే శ్రీముఖి కాస్త గ్యాప్ దొరకడంతో తిరుమలకు వచ్చారు. శ్రీవారి దర్శనం అనంతరం మంత్రి రోజా, శ్రీముఖి కలసి ఫొటోలకు ఫోజులు ఇచ్చారు. ఈ టూర్కు సంబంధించిన ఫొటోలను తన ఇన్స్టాగ్రామ్ అకౌంట్లో షేర్ చేశారు శ్రీముఖి. కలియుగ దైవాన్ని దర్శించుకునేందుకు తమ్ముడు, అమ్మానాన్నలతో కలసి తిరుమలకు వచ్చారు శ్రీముఖి. వాళ్లతో కలసి దిగిన ఫొటోలను సోషల్ మీడియాలో షేర్ చేశారామె. ఈ స్టార్ యాంకర్ తిరుమల టూర్ ఫొటోలు నెట్టింట వైరల్ అవుతున్నాయి.
View this post on Instagram
