క్రికెట్ ఆడేవాళ్లు ఎంతోమంది ఉంటారు. జెంటిల్మన్ గేమ్ వల్ల స్టార్ స్టేటస్ సాధించిన క్రికెటర్లను చాలా మందినే చూసుంటారు. కానీ కొందరు మాత్రమే ఈ ఆటకు వన్నె తీసుకొస్తారు. ఇంకొందరు మాత్రమే తమ వల్ల గేమ్కు క్రేజ్ తీసుకొస్తారు. అలాంటి అతికొద్ది మంది ప్లేయర్లలో మహేంద్ర సింగ్ ధోని ఒకడు. క్రికెట్ వల్లే స్టార్గా మారిన ధోని.. ఆ తర్వాత తన గేమ్, కెప్టెన్సీ స్కిల్స్తో ఆటకు పాపులారిటీని పెంచాడు. క్రికెట్ గురించి తెలియని వారికి కూడా ఈ టీమిండియా మాజీ కెప్టెన్ గురించి తెలిసి ఉంటుందని అనడంలో ఎలాంటి అతిశయోక్తి లేదు. అంతలా ఈ ఆటపై అతడు ప్రభావం చూపించాడు.
ఇంటర్నేషనల్ క్రికెట్కు గుడ్ బై చెప్పినప్పటికీ ఇండియన్ ప్రీమియర్ లీగ్ ద్వారా క్రికెట్ ప్రేమికులకు వినోదాన్ని పంచుతున్నాడు ధోని. పొట్టి లీగ్లో చెన్నై సూపర్ కింగ్స్కు సారథ్యం వహిస్తున్నాడు. ఐపీఎల్-2023 కప్ను సీఎస్కే గెలవడంలో కెప్టెన్గా, ఆటగాడిగా ధోని పాత్ర ఎంతో ఉంది. యంగ్ ప్లేయర్లు, సీనియర్ క్రికెటర్లతో నిండిన చెన్నైని అద్భుతంగా ముందుకు నడిపించాడు ధోని. ఇంజ్యురీ అయినా కూడా పట్టువిడవకుండా చెన్నైకి ఐపీఎల్ టైటిల్ అందించాడు ధోని. అయితే అతడు తర్వాతి సీజన్లో ఆడటం అనుమానంగా మారింది. మోకాలి సర్జరీ నుంచి కోలుకొని వస్తేనే వచ్చే సీజన్లో ఆడగలడు.
ఇక, ధోని భార్య సాక్షి సింగ్ గురించి కూడా వినే ఉంటారు. ప్రొఫెషనల్ లైఫ్తో పాటు పర్సనల్ లైఫ్లోనూ తాను ఇంత సక్సెస్ అవడానికి ఆమెనే కారణమని ధోని అంటుంటాడు. అలాంటి సాక్షి తన భర్త కాలును కొరకడం హాట్ టాపిక్గా మారింది. ధోని తనను పట్టించుకోకుండా బెడ్రూమ్లో వీడియో గేమ్స్ ఆడటం సాక్షికి నచ్చలేదు. దీంతో ఆమె అతడి కాలును కొరికేందుకు ప్రయత్నించింది. ఈ ఫొటోను ధోని సోషల్ మీడియాలో షేర్ చేశాడు. ఈ ఫొటోను చూసి ఫ్యాన్స్ రకరకాలుగా స్పందిస్తున్నారు. ఇది వైఫ్ వర్సెస్ వీడియో గేమ్స్లా ఉందని కామెంట్స్ చేస్తున్నారు. అయితే, ఇది తాజా పోస్ట్ కాదు, పాతది కావడం గమనార్హం.
View this post on Instagram
