ప్రస్తుతం ఆంధ్రప్రదేశ్లో రాజకీయం చాలా వాడీవేడీగా నడుస్తోంది. అధికార వైసీపీ, ప్రతిపక్ష జనసేనల మధ్య మాటల యుద్ధం ఒక రేంజ్లో సాగుతోంది. రీసెంట్గా ‘వాల్తేరు వీరయ్య’ మూవీ 200 రోజుల సక్సెస్ మీట్లో మెగాస్టార్ చిరంజీవి చేసిన కామెంట్స్ దుమారాన్ని రేపుతున్నాయి. ఆయన చేసిన వ్యాఖ్యల మీద ఏపీ మంత్రులు సీరియస్ అవుతున్నారు. ప్రభుత్వాలకు కాదు ముందు తన తమ్ముడికి మెగాస్టార్ సలహా ఇవ్వాలని చెబుతున్నారు. తాజాగా చిరుపై డైరెక్టర్ రామ్ గోపాల్ వర్మ ఆసక్తికర వ్యాఖ్యలు చేశారు. భజన, పొగడ్తలకు అలవాటు పడిపోయి చిరంజీవి రియాలిటీకి దూరమవుతున్నారంటూ విమర్శించారు.
‘భోళా శంకర్’ చిత్రం ప్రమోషన్స్లో చిరంజీవిపై కమెడియన్ హైపర్ ఆది లాంటి వాళ్లు ప్రశంసలు కురిపించడం మీద వర్మ ఒక ట్వీట్ చేశారు. హైపర్ లాంటి ఆస్థాన విదూషకుల భజన, పొగడ్తలకు అలవాటు పడిపోయి, రియాలిటీకి మెగాస్టార్ దూరమవుతున్నారని అనిపిస్తోందన్నారు ఆర్జీవీ. పొగడ్తలతో ముంచే బ్యాచ్ కంటే ప్రమాదకరమైన వాళ్లు మరొకరు ఉండరన్నారు. రియాలిటీ తెలిసే లోపల రాజు గారు మునిగిపోతారని ఆర్జీవీ ట్వీట్ చేశారు. వాళ్ల పొగడ్తల విషం నుంచి తప్పించుకోవాలంటే వారిని దూరం పెట్టాలని వర్మ సూచించారు.
ఆర్జీవీ తన ట్వీట్లో ‘జబర్దస్త్’ను జబర్ అని, హైపర్ ఆదిని ‘హైపర్’ అని పరోక్షంగా, వెటకారంగా ప్రస్తావించారు. ‘భోళా శంకర్’ ప్రీ రిలీజ్ ఈవెంట్లో మెగాస్టార్ చిరంజీవి మీద ప్రశంసలు కురిపించిన డైరెక్టర్స్ అందర్నీ ఆస్థాన విదూషకులుగా వర్మ పోల్చారని నెటిజన్స్ అంటున్నారు. ఇదిలా ఉంటే.. చిరంజీవి నటించిన ‘భోళా శంకర్’ ఇవాళ థియేటర్లలో రిలీజైంది. అయితే ఈ మూవీకి మార్నింగ్ షో నుంచే మిక్స్డ్ టాక్ వచ్చేసింది. మెగాస్టార్ నటన తప్పితే సినిమాలో పెద్దగా ఆకట్టుకునే అంశాలేవీ లేవని.. బోరింగ్గా ఉందని విమర్శకులు అంటున్నారు.
పొగడ్తలతో ముంచే వాళ్ళ బ్యాచ్ కన్నా ప్రమాదకరమైన వాళ్ళు వుండరు… రియాల్టీ తెలిసే లోపల రాజు గారు మునిగిపోతారు .. వాళ్ళ పొగడ్తల విషం నుంచి తప్పించుకోవాలంటే ఆ జాతిని మైల్ దూరం పెట్టటమే
“Of many a proud structure’s ruin , teeny weeny rain drops have been the cause “… https://t.co/chFBuJHsz1
— Ram Gopal Varma (@RGVzoomin) August 11, 2023
