Nidhan
‘సలార్’ సూపర్ హిట్ అవ్వడంతో రెబల్ స్టార్ ప్రభాస్ అభిమానులు ఫుల్ ఎంజాయ్ చేస్తున్నారు. ఈ విజయంతో జోష్లో ఉన్న డార్లింగ్ ఫ్యాన్స్కు మరో క్రేజీ అప్డేట్ వచ్చేసింది.
‘సలార్’ సూపర్ హిట్ అవ్వడంతో రెబల్ స్టార్ ప్రభాస్ అభిమానులు ఫుల్ ఎంజాయ్ చేస్తున్నారు. ఈ విజయంతో జోష్లో ఉన్న డార్లింగ్ ఫ్యాన్స్కు మరో క్రేజీ అప్డేట్ వచ్చేసింది.
Nidhan
‘సలార్’ మేనియా ఇంకా పోవట్లేదు. భారత సినీ ప్రేక్షకులు ఇంకా ప్రభాస్ కొత్త సినిమా మైకం నుంచి కోలుకోలేదు. రెబల్ స్టార్ మాస్ హీరోయిజం, ప్రశాంత్ నీల్ స్టైలిష్ మేకింగ్, అద్భుతమైన యాక్షన్ సీక్వెన్స్లు ఇచ్చిన కిక్ నుంచి ఇంకా బయట పడలేదు. ఆ మూవీని థియేటర్లకు వెళ్లి రిపీటెడ్గా చూస్తున్నారు. దీంతో డార్లింగ్ అభిమానుల ఆనందానికి హద్దే లేకుండా పోయింది. ‘బాహుబలి’ తర్వాత ప్రభాస్ను మళ్లీ తాము ఎలా చూడాలనుకున్నామో అలా చూసినందుకు సంతోషంలో మునిగిపోయారు. ‘సలార్’ సక్సెస్ను వాళ్లు ఎంజాయ్ చేస్తున్నారు. ప్రభాస్ కూడా చాన్నాళ్ల తర్వాత బ్లాక్బస్టర్ హిట్ కొట్టాననే ఆనందంలో ఉన్నారు. తన తదుపరి మూవీస్ కూడా ఇలాగే విజయం సాధించాలనే ఉద్దేశంతో మరింతగా శ్రమిస్తున్నారు. ఈ తరుణంలో డార్లింగ్ ఫ్యాన్స్కు మరో గుడ్ న్యూస్. ప్రభాస్ నటిస్తున్న ‘కల్కి 2898 ఏడీ’ నుంచి ఇంట్రెస్టింగ్ అప్డేట్ వచ్చేసింది.
‘మహానటి’ ఫేమ్ నాగ్ అశ్విన్ దర్శకత్వంలో వస్తున్న ‘కల్కి 2898 ఏడీ’ మోస్ట్ అవేయిటెడ్ ప్రాజెక్ట్స్లో ఒకటిగా ఉంది. సైన్స్ ఫిక్షన్ జోనర్లో వస్తున్న ఈ సినిమా మీద ఎక్స్పెక్టేషన్స్ ఒక రేంజ్లో ఉన్నాయి. ఈ ఫిల్మ్ నుంచి ఇప్పటికే రిలీజ్ చేసిన టీజర్, గ్లింప్స్ వీడియో నెట్టింట వ్యూస్ పంట పండిస్తూ మంచి ఇంప్రెషన్ క్రియేట్ చేశాయి. పాన్ వరల్డ్ మూవీగా రిలీజ్ చేయాలని ప్లాన్ చేస్తున్న ‘కల్కి’ నుంచి లేటెస్ట్గా మరో అప్డేట్ వచ్చింది. ఈ సినిమాలోని విశేషాల గురించి చెప్పేందుకు డైరెక్టర్ నాగ్ అశ్విన్ నేరుగా ఆడియెన్స్ ముందుకు రాబోతున్నారు. ఐఐటీ బాంబే టెక్ ఫెస్ట్-23లో ఆయన పాల్గొననున్నారు. డిసెంబర్ 29, మధ్యాహ్నం 2 గంటలకు ముంబై ఐఐటీలోని కాన్వొకేషన్ హాల్లో మీటింగ్ జరగనుంది. ఇందులో భారీ సంఖ్యలో విద్యార్థులు పాల్గొననున్నారు.
ఐఐటీ ముంబైలో జరగబోయే టెక్ ఫెస్ట్ గురించి ‘కల్కి 2898 ఏడీ’ మూవీ టీమ్ ట్విట్టర్లో ఓ పోస్ట్ పెట్టింది. దీంతో ఈ ప్రోగ్రామ్లో నాగ్ అశ్విన్ ఏమేం చెప్పబోతున్నారు, ప్రభాస్ సినిమాకు సంబంధించిన సరికొత్త విశేషాలు ఇంకేమైనా చెబుతారేమోనని ఫ్యాన్స్ ఆసక్తిగా ఎదురు చూస్తున్నారు. ఇక, ‘కల్కి 2898 ఏడీ’లో స్టార్ హీరోయిన్స్ దీపికా పదుకొణె, దిశా పటానీతో పాటు లెజెండరీ యాక్టర్స్ అమితాబ్ బచ్చన్, కమల్ హాసన్ కీలక పాత్రల్లో నటిస్తున్నారు. సుమారు రూ.500 కోట్లకు పైగా బడ్జెట్తో ఈ ఫిల్మ్ను తెరకెక్కిస్తున్నారని టాలీవుడ్ టాక్. కాగా, ‘కల్కి’ డిజిటల్ స్ట్రీమింగ్ రైట్స్ను పాపులర్ ఓటీటీ కంపెనీ నెట్ఫ్లిక్స్ సొంతం చేసుకుంది. మరి.. ‘కల్కి 2898 ఏడీ’ గురించి నాగ్ అశ్విన్ చెప్పబోయే విశేషాలను తెలుసుకునేందుకు మీరెంత ఆసక్తిగా ఉన్నారో కామెంట్ చేయండి.
ఇదీ చదవండి: Salaar: సలార్ మూవీలో బోల్డ్ క్యారెక్టర్లో కనిపించిన ఈమె ఎవరో తెలుసా..
Uncover the future of tech with #Kalki2898AD!
Join the conversation with our Director @nagashwin7 at TECH FEST’23, IIT Bombay.🗓️ 29th December – 2 PM
📍 Convocation Hall#Prabhas @SrBachchan @ikamalhaasan @deepikapadukone @VyjayanthiFilms @Kalki2898AD@iitbombay… pic.twitter.com/2xmwkKTuMQ— Kalki 2898 AD (@Kalki2898AD) December 28, 2023