‘కేజీఎఫ్’ సిరీస్తో పాన్ ఇండియా రేంజ్లో పాపులారిటీని సంపాదించారు దర్శకుడు ప్రశాంత్ నీల్. ఈ సిరీస్ తర్వాత ఆయన నుంచి వచ్చే సినిమా కోసం ప్రేక్షకులు చాలా ఈగర్గా వెయిట్ చేస్తున్నారు. రెబల్ స్టార్ ప్రభాస్తో జతకట్టిన ప్రశాంత్ నీల్.. ఈసారి కూడా మరో యాక్షన్ మూవీతో ఆడియెన్స్ ముందుకు రానున్నారు. ఆయన తీస్తున్న ‘సలార్’ మూవీ కోసం డార్లింగ్ ఫ్యాన్స్తో పాటు మూవీ లవర్స్ ఎంతగానో ఎదురుచూస్తున్నారు. ఇప్పటికే విడుదలైన ఈ సినిమా టీజర్ అంచనాలను బాగా పెంచేసింది. తాజాగా బయటకు వచ్చిన ఓ వార్త ఆ ఎక్స్పెక్టేషన్స్ను రెట్టింపు చేసేలా ఉంది. ప్రభాస్ ఫ్యాన్ ఒకరు.. ‘సలార్’ సెట్లో తాను చూసిన వాటిని సోషల్ మీడియాలో వైరల్ చేస్తున్నారు.
‘సలార్’ సినిమా సెట్లో తాను చూసిన విషయాల గురించి చెబుతూ ప్రభాస్ అభిమాని చేసిన ఓ వీడియో నెట్టింట్ తెగ సందడి చేస్తోంది. ఇందులో ఆ అభిమాని మాట్లాడుతూ.. ప్రశాంత్ నీల్ ప్రతి చిన్న డీటెయిల్ను క్షుణ్నంగా పరిశీలిస్తూ బాగా వచ్చే వరకూ ఎక్కడా కాంప్రమైజ్ కావడం లేదని తెలిపారు. అలాగే మూవీలో ఓ యాక్షన్ సీన్ ఉంటుందని, అందులో ప్రభాస్ ఏకంగా 1,000 మందితో ఫైట్ చేస్తారని చెప్పారు. అదే టైమ్లో మరో క్యారెక్టర్తో ప్రభాస్ రీఎంట్రీ ఇస్తారని వెల్లడించారు. ఈ సీన్ చూసి తాను షాకైనట్లు తెలిపారు. దీంతో ఈ సన్నివేశాన్ని స్క్రీన్పై ఎప్పుడెప్పుడు చూస్తామా అని ప్రభాస్ అభిమానులు ఆసక్తిగా ఉన్నారు.
ఇక, ఈ మూవీ ప్రొడ్యూసర్ విజయ్ కిర్గందూర్ (హొంబలే ఫిల్మ్స్) కూడా గతంలో ఒక మీడియా సంస్థతో ‘సలార్’ క్లైమాక్స్ గురించి మాట్లాడినట్లు న్యూస్ వచ్చింది. ఈ సినిమా క్లైమాక్స్ సీన్స్ చాలా అద్భుతంగా ఉంటాయని.. అవి కచ్చితంగా ఓ బెంచ్మార్క్ను క్రియేట్ చేస్తాయని విజయ్ కిర్గందూర్ చెప్పినట్లు అప్పట్లో రూమర్స్ వినిపించాయి. ఒకవేళ ఆయన చెప్పిందే జరిగితే థియేటర్లు షేక్ అవడం గ్యారెంటీ. ప్రస్తుతం పోస్ట్ ప్రొడక్షన్ దశలో ఉన్న ‘సలార్’.. ఈ ఏడాది సెప్టెంబర్ 28న ఆడియెన్స్ ముందుకు రానుంది. ప్రభాస్ తన కెరీర్లో ఫస్ట్ టైమ్ డ్యుయల్ రోల్లో కనిపించనున్నారనే వార్తల నేపథ్యంలో ‘సలార్’ మరింత ఆసక్తిని రేకెత్తిస్తోంది.
