వీడియో: విజయ్‌పై మీడియా తప్పుడు ప్రచారం.. అసలు జరిగింది ఇదే!

తమిళ స్టార్‌ హీరో దళపతి విజయ్‌ ట్రాఫిక్‌ రూల్స్‌ అతిక్రమించారంటూ.. ఆయనకు పెద్ద మొత్తంలో ఫైన్‌ పడిందంటూ మీడియాలో వార్తలు వస్తున్న సంగతి తెలిసిందే. అయితే, ఇందుకు సంబంధించి ఓ సంచలన వీడియో తాజాగా, వెలుగులోకి వచ్చింది. ఆ వీడియో ఆధారంగా విజయ్‌పై మీడియాలో వస్తున్న వార్తలన్నీ ఒట్టి అబద్దాలే అని తేలిపోయింది. దీంతో ఫ్యాన్స్‌ ఆ వీడియోను షేర్‌ చేస్తూ విజయ్‌పై తప్పుడు వార్తలు రాసిన మీడియా వారిపై మండిపడుతున్నారు. ఇంతకీ ఆ వీడియోలో ఏముందంటే..

హీరో విజయ్‌ తన కారులో రోడ్డుపై వెళుతూ ఉన్నారు. ఓ చోట సిగ్నల్‌ పడటంతో విజయ్‌ కారు ఆగిపోయింది. అది కూడా జీబ్రా క్రాసింగ్‌ అవతలే కారు ఆగిపోయింది. గ్రీన్‌ పడిన తర్వాతే విజయ్‌ కారు ముందుకు కదిలింది. ఈ దృశ్యాలను విజయ్‌ ఫ్యాన్స్‌తో పాటు కొంతమంది మీడియా సభ్యులు కూడా వీడియో తీశారు. విజయ్‌ ట్రాఫిక్‌ రూల్స్‌ అతిక్రమించారన్న తప్పుడు వార్తలు రావటంతో.. విజయ్‌ ఫ్యాన్స్‌ ఈ వీడియోను తమ సోషల్‌ మీడియా ఖాతాలో షేర్‌ చేశారు. ఆ వీడియోలో విజయ్‌ ట్రాఫిక్‌ రూల్స్‌ను అతిక్రమించలేదన్న విషయం స్పష్టంగా కనిపిస్తోంది.

దీంతో ఆ వీడియోను చూస్తున్న దళపతి ఫ్యాన్స్‌ తమ హీరోపై తప్పుడు వార్తలు రాసిన మీడియా వారిపై ఆగ్రహం వ్యక్తం చేస్తున్నారు. కాగా, విజయ్‌ ప్రస్తుతం లోకేష్‌ కనగరాజ్‌తో కలిసి ‘లియో’ సినిమా చేస్తున్నాడు. ఈ సినిమా అక్టోబర్‌ నెలలో ప్రేక్షకుల ముందుకు రానుంది. ఇక, అట్లీ దర్శకత్వంలో షారుఖ్‌ ఖాన్‌ హీరోగా నటించిన ‘జవాన్‌’ సినిమాలోనూ గెస్ట్‌ రోల్‌ చేశారు. లియో తర్వాత విజయ్‌ ఏ సినిమాకు సంతకం చేయలేదు. ఈ నేపథ్యంలోనే ఆయన రాజకీయాల్లోకి ఎంట్రీ ఇవ్వబోతున్నారన్న ప్రచారం బాగా జరుగుతోంది. మరి, ట్రాఫిక్‌ రూల్స్‌ అతిక్రమించారంటూ విజయ్‌పై తప్పుడు వార్తలు రావటంపై మీ అభిప్రాయాలను కామెంట్ల రూపంలో తెలియజేయండి.

Please listen the audio properly..
You can understand the media politics #ThalapathyVijay pic.twitter.com/cRCO24B3zE

— Vijay For Tamilnadu (@VijayForTN) July 12, 2023