తలైవా రజినీకాంత్ అభిమానులతో పాటు మూవీ లవర్స్ ఎంతో ఆసక్తిగా ఎదురుచూసిన ‘జైలర్’ మూవీ ఎట్టకేలకు వచ్చేసింది. రజినీ మేనియాతో థియేటర్ల వద్ద అంతా సందడి సందడిగా ఉంది. ట్రైలర్తో పాటు ‘కావాలయ్యా’ సాంగ్తో ఈ సినిమాపై భారీ అంచనాలు ఏర్పడ్డాయి. అందుకు తగ్గట్లే మార్నింగ్ షో నుంచే చిత్రానికి పాజిటివ్ టాక్ వచ్చింది. ప్రేక్షకుల్ని ఆకట్టుకోవడంలో మూవీ సక్సెస్ అయిందని అంటున్నారు. తమిళంతో పాటు తెలుగులోనూ మంచి టాక్ రావడంతో ఓపెనింగ్ డే కలెక్షన్లు అదిరిపోయే రేంజ్లో ఉంటాయని ట్రేడ్ పండితులు అంచనా వేస్తున్నారు.
రొటీన్ ఫార్మాట్ స్టోరీకి ఆసక్తికరమైన ట్విస్టులను జోడించి ప్రేక్షకులను ఎంగేజ్ చేయడంలో దర్శకుడు నెల్సన్ దిలీప్ కుమార్ సక్సెస్ అయ్యాడని విశ్లేషకులు చెబుతున్నారు. ‘జైలర్’లో ముఖ్యంగా ప్రీ ఇంటర్వెల్ సీన్తో పాటు ప్రీ కైమాక్స్ సీన్స్ హైలైట్గా ఉన్నాయని అంటున్నారు. రజినీ మాస్ ఎలివేషన్ సీన్స్కు స్టార్ కంపోజర్ అనిరుధ్ ఇచ్చిన బ్యాగ్రౌండ్ మ్యూజిక్ సూపర్బ్ అని టాక్. ‘జైలర్’ను అనిరుధ్ తన సంగీతంతో నిలబెట్టాడని అంటున్నారు. రజినీ-యోగిబాబులు తమ కామెడీతో ఆడియెన్స్ పొట్టలు చెక్కలయ్యేలా చేశారని వినికిడి. థియేటర్లలో ప్రేక్షకులను అలరిస్తున్న ‘జైలర్’ ఓటీటీ పార్ట్నర్ను ఫిక్స్ చేసుకుంది. ఆ విషయాలు ప్రస్తుతం బయటకొచ్చాయి.
తలైవా రజినీకాంత్తో పాటు కన్నడ స్టార్ హీరో శివరాజ్ కుమార్, మలయాళ సూపర్ స్టార్ మోహన్లాల్ నటించడంతో ‘జైలర్’పై భారీ ఎక్స్పెక్టేషన్స్ ఉన్నాయి. తమన్నా, రమ్యకృష్ణ లాంటి భారీ తారాగణం ఉన్న ఈ సినిమా డిజిటల్ రైట్స్ కోసం పలు సంస్థలు విపరీతంగా పోటీపడ్డాయట. అయితే ఈ సినిమాను నిర్మించిన సన్పిక్చర్స్ సంస్థకు చెందిన సొంత ఓటీటీ ప్లాట్ఫామ్ సన్ నెక్స్ట్ ‘జైలర్’ డిజిటల్ స్ట్రీమింగ్ రైట్స్ను సొంతం చేసుకుందని సమాచారం. రిలీజైన నెలన్నర తర్వాత అంటే.. సెప్టెంబర్ చివర్లో ఈ మూవీ ఓటీటీలో అందుబాటులోకి వచ్చే ఛాన్స్ ఉందని తెలుస్తోంది. దీనిపై క్లారిటీ రావాలంటే మూవీ టీమ్ నుంచి అధికారిక ప్రకటన రావాల్సి ఉంది.