GT vs PBKS: మాస్టర్​మైండ్ నెహ్రానే వణికించాడు! ఎవరీ అశుతోష్ శర్మ?

గుజరాత్ టైటాన్స్ కోచ్ ఆశిష్ నెహ్రా ప్లానింగ్, ఎగ్జిక్యూషన్ ఎలా ఉంటుందో తెలిసిందే. మాస్టర్​మైండ్​గా పేరు తెచ్చుకున్న నెహ్రా.. జీటీ బౌలింగ్ సమయంలో బౌండరీ లైన్ దగ్గరే ఉంటాడు. మిగతా కోచ్​ల్లా డగౌట్​లో కూర్చొని మ్యాచ్​ను చూసే రకం కాదు. ఫోర్ లైన్ దగ్గర నిల్చొని, అటూ ఇటూ నడుస్తూ మ్యాచ్​ను అనుక్షణం గమనిస్తుంటాడు. ఎప్పటికప్పుడు మ్యాచ్ సిచ్యువేషన్స్​కు తగ్గట్లు ప్లాన్స్​ను మారుస్తుంటాడు. పంజాబ్ కింగ్స్​తో గురువారం రాత్రి జరిగిన మ్యాచ్​లోనూ ఇలాగే చేశాడు. కానీ అతడి స్ట్రాటజీని దెబ్బతీశాడో ప్లేయర్. గుజరాత్ చేతిలో ఉన్న మ్యాచ్​ను లాక్కున్నాడు. నెహ్రాను వణికించి.. పంజాబ్​కు హీరోగా మారిన ఆ బ్యాటరే అశుతోష్ శర్మ. అసలు ఎవరీ అశుతోష్? అతడి బ్యాగ్రౌండ్ ఏంటి? అనేది ఇప్పుడు మనం తెలుసుకుందాం..

నిన్నటి మ్యాచ్​లో మొదట బ్యాటింగ్ చేసిన గుజరాత్ 20 ఓవర్లకు 4 వికెట్ల నష్టానికి 199 పరుగుల భారీ స్కోరు చేసింది. అయితే ఛేజింగ్​లో పంజాబ్ బ్యాటర్లు దారుణంగా విఫలమయ్యారు. దీంతో ఒక దశలో 111 పరుగులకు 5 వికెట్లు కోల్పోయి పీకల్లోతు కష్టాల్లో పడిందా టీమ్. బాగా ఆడుతున్న జితేష్ శర్మ (16) ఔట్ అయ్యాక క్రీజులోకి వచ్చాడు అశుతోష్. వచ్చిన బాల్​ను వచ్చినట్లు బలంగా బాదుతూ పోయాడు. 3 బౌండరీలు కొట్టిన అతడు ఓ భారీ సిక్స్ బాదాడు. మొత్తంగా 17 బంతుల్లో 31 పరుగులు చేశాడు. ఉన్నంత సేపు భారీ షాట్లతో పాటు సింగిల్స్, డబుల్స్​తో స్కోరు బోర్డును పరిగెత్తించాడు. బౌండరీ లైన్ దగ్గర నిల్చొని నెహ్రా ఎన్ని ప్లాన్స్ వేసినా వాటిని బ్రేక్ చేశాడు అశుతోష్. అప్పటికే హాఫ్ సెంచరీ కంప్లీట్ చేసుకున్న శశాంక్ సింగ్ (29 బంతుల్లో 61)ను ఒక ఎండ్​లో ఉంచి తానే గేమ్​ను ముందుకు నడిపించాడు.

శశాంక్​తో పాటు అశుతోష్​ను ఔట్ చేసి మ్యాచ్ ఫినిష్ చేయాలని గుజరాత్ అనుకుంది. అందుకు తగ్గట్లే కెప్టెన్​ శుబ్​మన్ గిల్​కు ఎప్పటికప్పుడు నెహ్రా సూచనలు ఇస్తూ వచ్చాడు. ఎలా బౌలింగ్ చేయించాలి? ఫీల్డింగ్ ఛేంజెస్ గురించి కూడా సబ్​స్టిట్యూట్ ఫీల్డర్లతో సలహాలు అందేలా చేశాడు. కానీ ఇవన్నీ గమనించిన అశుతోష్.. అటాకింగ్ మోడ్​లోకి వచ్చాడు. ఒకవైపు శశాంక్​ను సేఫ్​గా ఉంచి తాను మాత్రం అగ్రెసివ్​గా ఆడాడు. వికెట్​ను కాపాడుతూనే గ్యాప్స్​లోకి బంతుల్ని పంపించాడు. దీంతో మాస్టర్​మైండ్ నెహ్రా బిత్తరపోయాడు. డెబ్యూ మ్యాచ్​లోనే ఇంత మెచ్యూరిటీ, టెంప్రమెంట్​తో బ్యాటింగ్ చేయడం చూసి షాకయ్యాడు.

ఎవరీ అశుతోష్?

ఓడిపోయే మ్యాచ్​లో పంజాబ్ నెగ్గిందంటే ఎక్కువ క్రెడిట్ శశాంక్​కే వెళ్తుంది. కానీ నెహ్రా ప్లాన్స్​ను అమలు కాకుండా చేసి, గుజరాత్​ను ప్రెజర్​లోకి నెట్టిన అశుతోష్​ను కూడా మెచ్చుకోవాల్సిందే. ఇక, మధ్యప్రదేశ్​ తరఫున ఆడుతూ వెలుగులోకి వచ్చాడు అశుతోష్. ఆ తర్వాత రైల్వేస్ టీమ్​కు కూడా ప్రాతినిధ్యం వహించాడు. రైల్వేస్ తరఫున ఆడుతూ టీ20ల్లో ఫాస్టెస్ట్ ఫిఫ్టీ బాది అందరి ఫోకస్​ను తన వైపునకు తిప్పుకున్నాడు. దీంతో ఈ సీజన్​కు ముందు జరిగిన వేలంలో బేస్ ప్రైజ్ రూ.20 లక్షలకు సొంతం చేసుకుంది పంజాబ్. మిస్టర్ 360 సూర్యకుమార్ యాదవ్ నుంచి తాను ఎంతో స్ఫూర్తి పొందానని అతడు చెబుతుంటాడు. మరి.. అశుతోష్ ఆట మీకెలా అనిపించిందో కామెంట్ చేయండి.

• ఇదీ చదవండి: పొరపాటున కొన్న ప్లేయర్ పంజాబ్​ను గెలిపించాడు! ఎవరీ శశాంక్ సింగ్?

Ashutosh Sharma on IPL debut, put the impact in impact sub last night 👊

He comes with bit of a reputation too- a SR of over 195 in all T20s #IPL2024 #GTvPBKS pic.twitter.com/yJbw2rB3Pc

— ESPNcricinfo (@ESPNcricinfo) April 5, 2024