సౌతాఫ్రికా టూర్కు వెళ్తున్న భారత జట్టులో ఇద్దరు సీనియర్లకు సెలక్టర్లు చోటు కల్పించలేదు. సెలక్టర్లపై విమర్శలు వస్తున్న నేపథ్యంలో దీనిపై గంగూలీ రియాక్ట్ అయ్యాడు.
సౌతాఫ్రికా టూర్కు వెళ్తున్న భారత జట్టులో ఇద్దరు సీనియర్లకు సెలక్టర్లు చోటు కల్పించలేదు. సెలక్టర్లపై విమర్శలు వస్తున్న నేపథ్యంలో దీనిపై గంగూలీ రియాక్ట్ అయ్యాడు.
ఆస్ట్రేలియాతో జరుగుతున్న 5 టీ20ల సిరీస్ను టీమిండియా సొంతం చేసుకున్న సంగతి తెలిసిందే. మరో మ్యాచ్ మిగిలి ఉండగానే ఈ సిరీస్ను 3-1 తేడాతో కైవసం చేసుకుంది భారత్. మిగిలిన ఆ ఒక్క మ్యాచ్ నామమాత్రం కానుంది. దీంతో నెక్స్ట్ జరగబోయే సౌతాఫ్రికా టూర్ మీద టీమిండియా ఫోకస్ పెడుతోంది. ఇప్పటికే ఆ సిరీస్కు వెళ్లబోయే టీమ్స్ను ప్రకటించారు సెలక్టర్లు. టెస్టు, వన్డే, టీ20లకు ముగ్గురు వేర్వేరు కెప్టెన్స్ను ఎంపిక చేశారు. టెస్టుల్లో రెగ్యులర్ కెప్టెన్ రోహిత్ శర్మే టీమ్ను నడిపించనున్నాడు. వన్డేల్లో కేఎల్ రాహుల్ నాయకత్వ బాధ్యతల్ని మోస్తాడు. ఆసీస్తో టీ20 సిరీస్లో టీమ్ను నడిపిస్తున్న సూర్యకుమార్ యాదవ్.. ప్రొటీస్తో పొట్టి ఫార్మాట్ సిరీస్లోనూ కెప్టెన్గా వ్యవహరించనున్నాడు.
సౌతాఫ్రికా సిరీస్కు వెళ్లే టీమ్లో ఎక్కువగా యంగ్స్టర్స్కు అవకాశం ఇచ్చారు సెలక్టర్లు. రింకూ సింగ్, అర్ష్దీప్ సింగ్, సాయి సుదర్శన్, ముకేశ్ కుమార్, వాషింగ్టన్ సుందర్, తిలక్ వర్మ లాంటి యువ ప్లేయర్లకు ఛాన్సులు ఇచ్చారు. విరాట్ కోహ్లీ, రోహిత్ శర్మ, మహ్మద్ షమీని కేవలం టెస్ట్ స్క్వాడ్కే ఎంపిక చేశారు. రెస్ట్ కావాలనే ఉద్దేశంతో లిమిటెడ్ ఓవర్స్ ఫార్మాట్లకు తాము దూరంగా ఉంటామని వీళ్లు ముందే బీసీసీఐకి తెలియజేశారు. అయితే సఫారీ టూర్లో కొందరు సీనియర్లకు అవకాశం దక్కకపోవడంపై విమర్శలు వినిపిస్తున్నాయి. స్వింగ్ కింగ్ భువనేశ్వర్ కుమార్కు వన్డేలు, టీ20 జట్లలో చోటు కల్పించకపోవడం మీద ఫ్యాన్స్ సీరియస్ అవుతున్నారు. భువీతో పాటు అజింక్యా రహానె, ఛటేశ్వర్ పుజారాకు మొండిచెయ్యి చూపడం మీదా క్రికెట్ వర్గాల్లో జోరుగా చర్చ నడుస్తోంది.
టెస్టుల్లో నయా వాల్గా పేరు తెచ్చుకున్న పుజారాతో పాటు క్లాస్ బ్యాటింగ్తో ఆకట్టుకునే రహానేను విస్మరించడం ఏంటనే ప్రశ్నలు వస్తున్నాయి. అయితే ఈ ఇద్దరు క్రికెటర్లను తీసుకోకపోవడంలో తప్పేమీ లేదని.. సెలక్టర్లు చేసింది కరెక్టేనని అంటున్నాడు బీసీసీఐ మాజీ బాస్ సౌరవ్ గంగూలీ. ‘ఏ ప్లేయరైనా ఎప్పటికీ టీమ్లో కంటిన్యూ అవ్వలేడు. వాళ్లిద్దరూ ఇప్పటిదాకా దేశానికి చేసిన సేవలకు కృతజ్ఞతలు చెబుతున్నా. కానీ సెలక్టర్స్ కొత్తవారి కోసం వెతకడంలోనూ, టాలెంట్ ఉన్న యంగ్స్టర్స్కు అవకాశం ఇవ్వడంలోనూ తప్పు లేదు. ఏదో ఒక సమయంలో కొత్తవారిని ఆడించక తప్పదు. ఇండియాలో ఎంతో మంది టాలెంటెడ్ క్రికెటర్స్ ఉన్నారు. టీమ్ను ముందుకు తీసుకెళ్లాలంటే మార్పులు తప్పవు. టీమిండియా తరఫున పుజారా, రహానె ఎంతో అద్భుతంగా ఆడారు. కానీ స్పోర్ట్స్లో ఎప్పటికీ జట్టులో కొనసాగడం అనేది కుదరదు’ అని గంగూలీ స్పష్టం చేశాడు. మరి.. పుజారా, రహానేను సెలక్ట్ చేయకపోవడం తప్పేమీ కాదంటూ దాదా చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Shubman Gill: అరుదైన గుర్తింపు దక్కించుకున్న శుబ్ మన్ గిల్!
