IND vs ENG: తొలి టెస్ట్​లో ఓటమి.. భారత కెప్టెన్​ను టార్గెట్ చేసుకున్న మైకేల్ వాన్!

విశాఖపట్నం వేదికగా జరగనున్న రెండో టెస్ట్​కు టీమిండియా సిద్ధమవుతోంది. ఉప్పల్ టెస్ట్​లో అనూహ్యంగా ఇంగ్లండ్ చేతిలో ఎదురైన ఓటమికి రివేంజ్ తీర్చుకోవాలని భావిస్తోంది. అయితే సీనియర్ బ్యాటర్ విరాట్ కోహ్లీ అందుబాటులో లేడు. స్టార్ ప్లేయర్లు రవీంద్ర జడేజా, కేఎల్ రాహుల్ కూడా గాయాలతో వైజాగ్ టెస్ట్​కు దూరమయ్యారు. దీంతో భారత బ్యాటింగ్ బలహీనంగా కనిపిస్తోంది. కెప్టెన్ రోహిత్ శర్మ తప్పితే మరో ఎక్స్​పీరియెన్స్​డ్ బ్యాట్స్​మన్ టీమ్​లో కనిపించడం లేదు. దీంతో రెండో టెస్టులో భారత్ ఎలా ఆడుతుందోననేది ఆసక్తికరంగా మారింది. ఈ తరుణంలో ఇంగ్లండ్ మాజీ క్రికెటర్ మైకేల్ వాన్ షాకింగ్ కామెంట్స్ చేశాడు. తొలి టెస్టులో టీమిండియా ఓటమికి కారణాలను విశ్లేషిస్తూ కెప్టెన్ రోహిత్ శర్మను టార్గెట్ చేసుకొని ఆసక్తికర వ్యాఖ్యలు చేశాడు వాన్. హిట్​మ్యాన్ కెప్టెన్​గా దారుణంగా ఫెయిలయ్యాడని అన్నాడు.

భారత్​ను వాళ్ల సొంతగడ్డ మీద ఓడించడం అంత ఈజీ కాదన్నాడు మైకేల్ వాన్. అయితే దాన్ని ఇంగ్లండ్ సాధ్యం చేసి చూపించిందన్నాడు. మొదటి టెస్టులో రోహిత్ శర్మ కెప్టెన్సీ చాలా యావరేజ్​గా ఉందన్నాడు. అదే భారత్​ను దెబ్బతీసిందన్నాడు. ఇంగ్లండ్ అటాక్​ చేస్తున్నప్పుడు వాళ్లు కూడా అటాక్ చేయాల్సిందని.. కానీ డిఫెన్సివ్ అప్రోచ్​ వల్ల నష్టపోయారని చెప్పాడు. ‘హైదరాబాద్​లో జరిగిన తొలి టెస్టులో టీమిండియా ఓటమికి రోహిత్ శర్మ కెప్టెన్సీ ఫెయిల్యూర్ ఒక కారణం. ఆ మ్యాచ్​లో అతడి సారథ్యం చాలా సాదాసీదాగా ఉంది. అతడు సరిగ్గా స్పందించలేదు. అంత చురుగ్గా కనిపించలేదు. బౌలింగ్ ఛేంజెస్​తో పాటు ఫీల్డ్ సెటింగ్ విషయంలోనూ అతడు డిఫెన్సివ్ అప్రోచ్​నే ఫాలో అయ్యాడు. రివర్స్ స్వీప్ వంటి వైవిధ్యమైన షాట్లతో విరుచుకుపడిన ఓలీ పాప్​ను ఎలా ఔట్ చేయాలనే విషయంలో హిట్​మ్యాన్ దగ్గర సమాధానం లేకుండా పోయింది’ అని వాన్ చెప్పుకొచ్చాడు.

భారత్​లో గెలవడం చాలా కష్టమని.. కానీ ఇంగ్లండ్ జట్టు తొలి టెస్టులోనే విజయం సాధించడం అద్భుతమని వాన్ మెచ్చుకున్నాడు. స్వదేశంలో సింహం లాంటి ఇండియన్ టీమ్​ను ఓడించడం అంత ఈజీ కాదన్నాడు. ఫస్ట్ టెస్ట్​కు ఆతిథ్యం ఇచ్చిన ఉప్పల్ వికెట్​లో మంచి టర్న్ ఉందని.. ఫస్ట్ ఇన్నింగ్స్​లో టీమిండియా 190 పరుగుల ఆధిక్యాన్ని సాధించిందని వాన్ తెలిపాడు. అలాంటి పరిస్థితుల్లోనూ పోరాడి రోహిత్ సేన మీద నెగ్గడం మామూలు విషయం కాదన్నాడు. ఇది ఇంగ్లీష్ టీమ్ సాధించిన అత్యుత్తమ విజయాల్లో ఒకటి అని పేర్కొన్నాడు వాన్. ఒకవైపు అటాకింగ్ గేమ్​తో ఇంగ్లండ్ డామినేషన్ ప్రదర్శిస్తే.. రోహిత్ మాత్రం డిఫెన్సివ్ అప్రోచ్​కే పరిమితమై మూల్యం చెల్లించుకున్నాడని వాన్ వ్యాఖ్యానించాడు. మరి.. తొలి టెస్టులో భారత్ ఓటమికి రోహిత్ కెప్టెన్​గా ఫెయిల్ అవడమే కారణమంటూ వాన్ చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.

Former England captain Michael Vaughan slams Rohit Sharma for his captaincy in the recently concluded 1st Test match against England#INDvsENGTest #testcricket #rohitsharma pic.twitter.com/2PIMejknk5

— Cricket Addictor (@AddictorCricket) January 30, 2024