కరోనా వల్ల ఓటీటీలకు ఆడియెన్స్ బాగా అడిక్ట్ అయిపోయారు. క్వాలిటీ కంటెంట్ అందుబాటులో ఉండటంతో ఓటీటీ సబ్స్క్రిప్షన్ తీసుకునేందుకు మూవీ లవర్స్ ఎక్కువగా ఆసక్తి చూపిస్తున్నారు. టాలీవుడ్, కోలీవుడ్, బాలీవుడ్ అనే గాక హాలీవుడ్తో పాటు ఇతర విదేశీ భాషలకు చెందిన సినీ పరిశ్రమల నుంచి వచ్చే బెస్ట్ మూవీస్, వెబ్ సిరీస్లను కూడా స్ట్రీమింగ్లోకి తీసుకొస్తున్నాయి ఓటీటీ సంస్థలు. దీంతో ఓటీటీ సబ్స్క్రైబర్స్ సంఖ్య విపరీతంగా పెరిగింది. సినిమాలు బిగ్ స్క్రీన్స్లో రిలీజవ్వడం ఎంత ముఖ్యమో ఓటీటీలో విడుదలవ్వడం కూడా ఇప్పుడే అంతే ముఖ్యమైపోయింది.
కొన్ని సినిమాలు థియేటర్లలో విడుదలైన రెండు, మూడు వారాలకే ఓటీటీ డేట్ చెప్పి మరీ డిజిటల్ స్ట్రీమింగ్కు వచ్చేస్తున్నాయి. మరికొన్ని మూవీస్ మాత్రం గప్చుప్గా ఓటీటీలో ప్రత్యక్షమవుతున్నాయి. ‘బాహుబలి’ ఫేమ్ కట్టప్ప సత్యరాజ్ తనయుడు సీబీ సత్యరాజ్ హీరోగా ఎంట్రీ ఇచ్చిన ‘మాయోన్’ చిత్రం సడన్గా ఓటీటీలోకి వచ్చిన సంగతి తెలిసిందే. ఈ ఫిల్మ్ అమెజాన్ ప్రైమ్లో స్ట్రీమింగ్ అవుతోంది. తాజాగా మరో సస్పెన్స్ థ్రిల్లర్ మూవీ సైలెంట్గా ఓటీటీలోకి వచ్చి సర్ప్రైజ్ ఇచ్చింది. ఆ చిత్రమే ‘హర్’. ఈ సినిమాలో ప్రముఖ నటి రుహాని శర్మ ప్రధాన పాత్రలో యాక్ట్ చేశారు.
‘హర్’ మూవీని శ్రీధర్ స్వరాఘవ్ డైరెక్ట్ చేశారు. డబుల్ అప్ మీడియాస్పై రఘు సంకురాత్రి, దీపా సంకురాత్రి నిర్మించిన ఈ చిత్రం.. జులై 21వ తేదీన ఆడియెన్స్ ముందుకు వచ్చింది. మంచి క్రైమ్ థ్రిల్లర్ మూవీగా అప్లాజ్ తెచ్చుకున్న ‘హర్’ ఫిల్మ్ దాదాపు రెండు నెలల తర్వాత ఓటీటీలో ఎంట్రీ ఇచ్చింది. అమెజాన్ ప్రైమ్లో శుక్రవారం (సెప్టెంబర్ 15) అర్ధరాత్రి నుంచే ‘హర్’ స్ట్రీమింగ్ మొదలైంది. ఈ మూవీ కథ విషయానికొస్తే.. హైదరాబాద్ శివార్లలో జంట హత్యలు జరుగుతాయి. ఈ హత్యల వెనుక నిజాన్ని తెలుసుకునేందుకు ఏసీపీ అర్చనా ప్రసాద్ (రుహానీ శర్మ) రంగంలోకి దిగుతారు. ఈ కేసులో హంతకులు ఎవరు? వాళ్లను పట్టుకునే క్రమంలో అర్చనకు ఎలాంటి సవాళ్లు ఎదురయ్యాయి? తదితర విషయాలు తెరపై చూసి తెలుసుకోవాలి.
ఇదీ చదవండి: డ్రగ్స్ కేసులో హీరో నవదీప్కు భారీ ఊరట!
