క్రికెట్ దేవుడు సచిన్ టెండూల్కర్ రిటైరై దాదాపుగా పదేళ్లు కావొస్తోంది. అయినా ఆయనపై ఫ్యాన్స్కు ఏమాత్రం ఇష్టం, అభిమానం తగ్గలేదు. ఛాన్స్ వచ్చినప్పుడు సచిన్ మీద అభిమానాన్ని ఫ్యాన్స్ చూపిస్తున్నారు.
క్రికెట్ దేవుడు సచిన్ టెండూల్కర్ రిటైరై దాదాపుగా పదేళ్లు కావొస్తోంది. అయినా ఆయనపై ఫ్యాన్స్కు ఏమాత్రం ఇష్టం, అభిమానం తగ్గలేదు. ఛాన్స్ వచ్చినప్పుడు సచిన్ మీద అభిమానాన్ని ఫ్యాన్స్ చూపిస్తున్నారు.
క్రికెట్ను మన దేశంలో ఒక మతంగా భావించే వాళ్లు కోట్లలో ఉన్నారు. క్రికెట్ ఓ మతమైతే సచిన్ టెండూల్కర్ దానికి దేవుడు అనే మాట ఊరికే రాలేదు. ఇండియాలోని ఎంతో మంది క్రికెట్ ఫ్యాన్స్కు ఆరాధ్యుడు సచిన్. మాస్టర్ బ్లాస్టర్ క్రీజులో దిగాడంటే పరుగుల వరద పారాల్సిందే. సచిన్ పిచ్ మీద ఉన్నాడంటే గెలుస్తామనే నమ్మకం, భరోసా ఫ్యాన్స్లో ఉండేది. అందుకు తగ్గట్లే వారిని ఎప్పుడూ నిరాశపర్చకుండా అద్భుతమైన ఆటతీరుతో దాదాపు రెండున్నర దశాబ్దాలు భారత్కు సేవలు అందించాడు మాస్టర్. సుదీర్ఘ కెరీర్లో జట్టుకు ఎన్నో విజయాలు అందించాడు.
22 గజాల క్రికెట్ పిచ్పై సచిన్ టెండూల్కర్ చూడని రికార్డు లేదు, అతడికి దక్కని ట్రోఫీ లేదు. తీరని కోరికగా ఉన్న వన్డే వరల్డ్ కప్ డ్రీమ్ను 2011లో నెరవేర్చుకున్నాడు సచిన్. మిగిలిన టోర్నీల్లో ఎంత బాగా ఆడతాడో ప్రపంచ కప్లో అంతకు మించి బ్యాటింగ్ చేస్తాడు సచిన్. దీనికి 2003 వరల్డ్ కప్ మంచి ఎగ్జాంపుల్గా చెప్పొచ్చు. ఆ ఏడాది మెగా టోర్నీలో ఏకంగా 673 రన్స్ చేశాడు మాస్టర్. 2011 వరల్డ్ కప్లోనూ పలు కీలక ఇన్నింగ్స్లు ఆడాడు. మరో ఓపెనర్ వీరేంద్ర సెహ్వాగ్తో కలసి మంచి స్టార్ట్లు అందించాడు. ప్రపంచ కప్ డ్రీమ్ నెరవేరిన తర్వాత కూడా ఇంటర్నేషనల్ క్రికెట్లో కొన్నాళ్ల పాటు కంటిన్యూ అయ్యాడు సచిన్.
వెస్టిండీస్పై నవంబర్ 14, 2013లో ఆడిన టెస్ట్ మ్యాచే క్రికెట్లో సచిన్ టెండూల్కర్ లాస్ట్ మ్యాచ్. ఆ మ్యాచ్ తర్వాత సచిన్ మళ్లీ బ్యాట్ పట్టలేదు. క్రికెట్ దేవుడు రిటైర్మెంట్ తీసుకొని పదేళ్లు కావొస్తోంది. అయినా సచిన్పై అభిమానులకు ఇసుమంత కూడా ప్రేమ, అభిమానం తగ్గలేదు. అందుకే వీలు చిక్కినప్పుడల్లా సచిన్పై తమకు ఉన్న ఇష్టాన్ని చూపిస్తుంటారు ఫ్యాన్స్. సచిన్ హోమ్ గ్రౌండ్ అయిన ముంబైలోని వాంఖడేలో ఆడియెన్స్ అయితే ఈ విషయంలో అందరికంటే ముందుంటారు.
వరల్డ్ కప్-2023లో భాగంగా ఇంగ్లండ్-సౌతాఫ్రికా మ్యాచ్కు వాంఖడే ఆతిథ్యం ఇచ్చింది. ఈ మ్యాచ్లో ఇండియన్ ఫ్యాన్స్ సచిన్పై మరోమారు తమ అభిమానాన్ని చాటుకున్నారు. పదే పదే ‘సచిన్.. సచిన్’ అంటూ మాస్టర్ నామస్మరణ చేశారు. ఫ్యాన్స్ సచిన్పై ప్రేమను చూపించిన వీడియో నెట్టింట వైరల్ అవుతోంది. ఇది చూసిన నెటిజన్స్ బాస్.. సచిన్ ఫ్యాన్స్ అంతే అంటూ కామెంట్స్ చేస్తున్నారు. మరి.. రిటైరై పదేళ్లవుతున్నా సచిన్పై అభిమానం చూపించడం మీద మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: క్లాసెన్, మార్క్రమ్ కాదు.. సౌతాఫ్రికాకు కొత్త సూపర్స్టార్ దొరికేశాడు!
Even after 10 years of his retirement – Wankhede crowd erupts with ‘Sachin, Sa’chin’ chants. 🐐
pic.twitter.com/TMXXN2Qyu5— Mufaddal Vohra (@mufaddal_vohra) October 21, 2023
