Swetha
హీరో విశాల్ తమిళ నాట ఎంత గుర్తింపు ఉందో తెలుగులో కూడా అంతే ప్రత్యేక గుర్తింపు ఉంది. అయితే తాజాగా ఈ హీరో నటించిన సినిమా "రత్నం". ఇప్పుడు ఈ సినిమా ఓటీటీ ఎంట్రీ గురించి టాక్ నడుస్తుంది. దీనికి సంబంధించిన పూర్తి వివరాలు ఇలా ఉన్నాయి.
హీరో విశాల్ తమిళ నాట ఎంత గుర్తింపు ఉందో తెలుగులో కూడా అంతే ప్రత్యేక గుర్తింపు ఉంది. అయితే తాజాగా ఈ హీరో నటించిన సినిమా "రత్నం". ఇప్పుడు ఈ సినిమా ఓటీటీ ఎంట్రీ గురించి టాక్ నడుస్తుంది. దీనికి సంబంధించిన పూర్తి వివరాలు ఇలా ఉన్నాయి.
Swetha
సినిమా ప్రియులకు తమిళం, మళయాలం, తెలుగు అనే భాష బేధాలు లేకుండా.. కథలను బట్టి ఆయా సినిమాలలో నటి నటుల పని తీరుని బట్టి.. వారి ఆదరిస్తూ ఉంటారు. ఈ క్రమంలోనే ఎంతో మంది ఇతర భాషల హీరోలు, హీరోయిన్లు తెలుగు నాట ప్రత్యేక గుర్తింపు తెచ్చుకున్నారు. ఈ కోవకు చెందిన వాడే హీరో విశాల్ కూడా. అయితే విశాల్ కు తమిళ నాట ఎంత గుర్తింపు ఉందో.. ఈ హీరో సినిమాలకు తెలుగులో కూడా అంతే గుర్తింపు ఉంది. ఇక విశాల్ కూడా అటు సినిమాలలోను ఇటు సోషల్ మీడియాలోను అడపాదడపా ఎదో ఒక ప్రస్తావనలతో వైరల్ అవుతూ ఉంటాడు. ఈ క్రమంలో విశాల్ తాజాగా నటించిన సినిమా “రత్నం”. అయితే ఈ సినిమా థియేటర్ లో విడుదలయ్యి వారం రోజులు కూడా కాకముందే.. అప్పుడు ఈ సినిమా ఓటీటీ ఎంట్రీ గురించి టాక్ వినిపిస్తుంది.
విశాల్ తాజాగా నటించిన సినిమా “రత్నం”. ఈ సినిమాకు హరి దర్శకత్వం వహించారు. జీ స్టూడియోస్, కారతికేయన్ సంతానం ఈ సినిమాకు నిర్మాతలుగా వ్యవహరించారు. కాగా ఈ సినిమాలో విశాల్ తో పాటు, ప్రియా భవానీ శంకర్, సముద్రఖని, విజయ్ కుమార్, మురళీ శర్మ, యోగిబాబు లాంటి వారు ముఖ్య పాత్రలు పోషించారు. ఏప్రిల్ 26 న ఈ సినిమా థియేటర్స్ లో విడుదలైంది. విడుదలైన నాటి నుంచి ఇప్పటివరకు ఈ సినిమా గురించి పాజిటివ్ టాక్ ఏ నడుస్తోంది. ఇక ఈ మధ్య కాలంలో థియేటర్ లో రిలీజ్ అయిన సినిమాలన్నిటికీ కూడా వెంటనే ఓటీటీ డీటెయిల్స్ వచ్చేస్తున్నాయి. ఈ క్రమంలో రత్నం సినిమా డిజిటల్ రైట్స్ ను ప్రముఖ ఓటీటీ ప్లాట్ ఫార్మ్ అమెజాన్ ప్రైమ్ సొంతం చేసుకుందట. కానీ, స్ట్రీమింగ్ ఎప్పటినుంచి అనేది మాత్రం ఇంకా తెలియాల్సి ఉంది. థియేట్రికల్ రన్ ను బేస్ చేసుకుని ఈ సినిమా ఓటీటీ స్ట్రీమింగ్ డేట్ ను అనౌన్స్ చేసే వీలుంది.
ఇక రత్నం సినిమా కథేంటంటే.. ఈ స్టోరీ మొత్తం కూడా.. ఆంధ్ర, తమిళనాడు బోర్డర్ కొనసాగుతుంది. అయితే హీరో చిన్నప్పుడే తన తల్లిదండ్రులను కోల్పోతాడు. అతను ఓ కూరగాయల మార్కెట్ లో పని చేస్తుంటాడు. ఈ క్రమంలోనే అక్కడ ఉండే సముద్రఖని ను ఓసారి అతని ప్రాణాలకు తెగించి మరి కాపాడతాడు. అతని కోసం ఒకర్ని చంపి జైలుకు కూడా వెళ్తాడు. దీనితో సముద్రఖని అతనిని సొంత కొడుకులా పెంచుకుంటాడు. ఈ క్రమంలో హీరో ఓ అమ్మాయితో ప్రేమలో పడతాడు. ఇంతలోనే ఆమెను చంపేందుకు ఎవరో ప్రయత్నిస్తారు. ఆమెను కూడా హీరో రక్షిస్తాడు . అసలు ఆమెను చంపాలనుకున్నది ఎవరు ! దాని వెనుక ఉన్న కథేంటి ! ఆ తర్వాత ఏం జరిగింది ! ఇవన్నీ తెలియాలంటే ఈ సినిమాను చూడాల్సిందే.. ఓటీటీ లోకి రాడానికి ఇంకా టైమ్ ఉంది కాబట్టి.. థియేటర్స్ లో ఈ సినిమాను చూసేయండి. మరి ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.
