క్రికెట్లో అవకాశాలు రావడం చాలా కష్టం. అలాంటిది కొందరికి ఛాన్సులు వచ్చినా దాన్ని సద్వినియోగం చేసుకోలేరు. మరికొందరు వచ్చిన అవకాశాలను ఉపయోగించుకొని మంచి పేరు తెచ్చుకున్నాక స్వయం తప్పిదాలతో జట్టుకు దూరమైపోతారు. అలాంటి వారిలో ఒకడు పాకిస్థాన్ బ్యాట్స్మన్ ఉమర్ అక్మల్. ఇతను మరెవరో కాదు పాక్ స్టార్ వికెట్ కీపర్ క్రమాన్ అక్మల్ సోదరుడే కావడం గమనార్హం. ఇంటర్నేషనల్ క్రికెట్లోకి ఎంట్రీ ఇచ్చిన తొలి మ్యాచులోనే సెంచరీతో చెలరేగిన ఉమర్ అక్మల్.. అన్న కమ్రాన్కు తగ్గ తమ్ముడిగా నిరూపించుకున్నారు. తక్కువ కాలంలోనే జట్టులో కీలక ప్లేయర్గా ఎదిగాడు.
స్టార్ ప్లేయర్గా పేరు తెచ్చుకుంటున్న తరుణంలో ఉమర్ అక్మల్ మ్యాచ్ ఫిక్సింగ్ వివాదంలో చిక్కుకొని కెరీర్ను నాశనం చేసుకున్నాడు. 2020లో మ్యాచ్ ఫిక్సింగ్ వివాదంలో చిక్కుకున్న ఉమర్ క్రికెట్కు దూరమయ్యాడు. ఫిక్సింగ్ కోసం బుకీలు తనను సంప్రదించిన విషయాన్ని చెప్పకుండా దాచడంతో అతడిపై పాకిస్థాన్ క్రికెట్ బోర్డు (పీసీబీ) మూడేళ్ల పాటు నిషేధం విధించింది. అయితే అదే సంవత్సరం తనను క్షమించాలని, శిక్షను తగ్గించాలని ఇంటర్నేషనల్ కోర్ట్ ఆఫ్ ఆర్బిట్రేషన్ను ఆశ్రయించాడు అక్మల్. ఈ క్రమంలో అతడిపై ఉన్న నిషేధాన్ని 12 నెలలకు కుదిస్తూ కోర్టు తీర్పు వెల్లడించింది. ఈ తీర్పుతో 2021లో ఉమర్ మీద ఉన్న నిషేధాన్ని పీసీబీ ఎత్తివేసింది. కానీ ఆ తర్వాత పాక్ జట్టులో అతడికి చోటు దక్కలేదు.
తాజాగా ఒక ఛానల్కు ఇచ్చిన ఇంటర్వ్యూలో తనపై బ్యాన్ ఉన్న టైమ్లో ఎదుర్కొన్న ఇబ్బందులను గుర్తుచేసుకుంటూ ఉమర్ అక్మల్ భావోద్వేగానికి లోనయ్యాడు. ఆ సమయంలో తాను పడిన బాధలు తన శత్రువులకు కూడా రావొద్దన్నాడు. దేవుడు కొన్ని సమయాల్లో మనల్ని పరీక్షిస్తాడని అక్మల్ అన్నాడు. ఆ టైమ్లోనే చాలా మంది అసలు స్వరూపం బయటపడిందన్నాడు. కూతురి ఫీజు కట్టలేక 8 నెలల పాటు స్కూల్కు పంపలేకపోయానంటూ ఉమర్ కన్నీళ్లు పెట్టుకున్నాడు. ఆ కష్టకాలంలో తన భార్య వెన్నంటే ఉంటూ అండగా నిలిచిందని.. ఆమెకు ఎప్పటికీ రుణపడి ఉంటానంటూ ఈ స్టార్ క్రికెటర్ ఉద్వేగానికి లోనయ్యాడు.
: 8 مہینے بیٹی کو اسکول نہیں بھیجا، بیٹی کو کھانا کھلانے اور فیس دینے کے پیسے بھی نہیں تھے، عمر اکمل آنسوؤں پر قابو نہ رکھ سکے اور پھوٹ پھوٹ کر رو پڑے
ویڈیویہاں دیکھیں: https://t.co/owtSU738ra#UmarAkmal #mominsaqib #HKD #HadKarDi pic.twitter.com/RgeYS5yT8M— SAMAA TV (@SAMAATV) August 26, 2023
