AUS vs SCO: పసికూన స్కాట్లాండ్తో జరిగిన టీ20 సిరీస్లో ఆస్ట్రేలియా జట్టు విజేతగా నిలిచింది. వరుసగా మూడు మ్యాచుల్లో నెగ్గి ప్రత్యర్థి జట్టును వైట్వాష్ చేసింది ఆసీస్. అయితే విక్టరీ కంటే ఆ జట్టు నెగ్గిన ట్రోఫీ సైజ్పై ఇప్పుడు ట్రోల్స్ వస్తున్నాయి.
AUS vs SCO: పసికూన స్కాట్లాండ్తో జరిగిన టీ20 సిరీస్లో ఆస్ట్రేలియా జట్టు విజేతగా నిలిచింది. వరుసగా మూడు మ్యాచుల్లో నెగ్గి ప్రత్యర్థి జట్టును వైట్వాష్ చేసింది ఆసీస్. అయితే విక్టరీ కంటే ఆ జట్టు నెగ్గిన ట్రోఫీ సైజ్పై ఇప్పుడు ట్రోల్స్ వస్తున్నాయి.
బిగ్ టీమ్స్ మీదే చెలరేగిపోతుంటుంది ఆస్ట్రేలియా. ఎంత పెద్ద జట్టు ఎదురుపడితే అంత భారీ విజయం సాధించాలని చూస్తుంది. కాంపిటీటర్ ఎంత స్ట్రాంగ్గా ఉంటే, మ్యాచ్ సిచ్యువేషన్స్ ఎంత కఠినంగా ఉంటే ఆసీస్ ఆటగాళ్లు అంత బెస్ట్ ఔట్పుట్ ఇస్తారు. తమ బెస్ట్ను బయటకు తీసి ప్రత్యర్థులను చావగొడతారు. అలాంటిది పసికూనతో మ్యాచ్ అంటే ఊరుకుంటారా? పిప్పి చేసేస్తారు. స్కాట్లాండ్ను ఇలాగే చిత్తు చిత్తుగా ఓడించారు. మూడు టీ20ల సిరీస్లో ఆ టీమ్ను వైట్వాష్ చేశారు. ఎక్కడా ఛాన్స్ ఇవ్వకుండా మట్టికరిపించారు. అయితే సిరీస్ విక్టరీ కంటే కూడా ఆసీస్ గెలుచుకున్న ట్రోఫీ ఇప్పుడు చర్చనీయాంశంగా మారింది. కంగారూ విన్నింగ్ ట్రోఫీ మీద ఇప్పుడు ట్రోల్స్ వస్తున్నాయి. దీని కంటే టీ కప్పు నయమంటూ విమర్శలు వస్తున్నాయి. అసలేం జరిగిందో ఇప్పుడు తెలుసుకుందాం..
స్కాట్లాండ్పై సిరీస్ నెగ్గిన ఆస్ట్రేలియాకు ఓ ట్రోఫీ ఇచ్చారు. వరుస మ్యాచుల్లో నెగ్గడం, ఆటగాళ్లంతా రాణించడం, సిరీస్ను క్లీన్స్వీప్ చేయడంతో కంగారూ ప్లేయర్లంతా ఈ విజయాన్ని ఫుల్గా సెలబ్రేట్ చేసుకున్నారు. ట్రోఫీని చేతబట్టి ఫొటోలు దిగారు. ఆ ఫొటోలు సోషల్ మీడియాలో వైరల్ అవుతున్నాయి. అయితే వాటిని చూసిన నెటిజన్స్ ఆసీస్ను దారుణంగా ట్రోల్ చేస్తున్నారు. దీనికి కారణం ఆ జట్టు గెలిచిన ట్రోఫీ టీ కప్పు సైజులో ఉండటమే. సాధారణంగా క్రికెట్లో చిన్న టోర్నీ అయినా సరే భారీ సైజులో ఉన్న ట్రోఫీలో ఇస్తారు. చిన్న సైజులో అంటే యాషెస్ ట్రోఫీ తప్ప ఏదీ ఇవ్వరు. అయితే ఆ సిరీస్కు ఉన్న ప్రత్యేకత దృష్ట్యా దాన్ని అందుకోవడం గొప్ప అని అంతా భావిస్తారు. దానికో చరిత్ర ఉంది. కానీ ఇక్కడ ఆసీస్కు మాత్రం టీ కప్పు సైజులో జల్లెడను పోలిన ట్రోఫీ ఇవ్వడం మీమ్స్ మెటీరియల్గా మారింది.
ఇది ట్రోఫీనా? టీ కప్పా? అని ఆసీస్ ట్రోఫీని చూసిన నెటిజన్స్ ట్రోల్ చేస్తున్నారు. ఇదేం ట్రోఫీ రా నాయనా.. ఇలాంటిది ఎప్పుడూ చూడలేదంటూ ఆశ్చర్యం వ్యక్తం చేస్తున్నారు. ఈ ట్రోఫీ కోసమేనా రక్తాలు చిందించి ఆడారంటూ సెటైర్స్ వేస్తున్నారు. విన్నింగ్ ట్రోఫీనే ఈ సైజులో ఉంటే ఇంక మ్యాన్ ఆఫ్ ది మ్యాచ్ ఎలా ఉంటుందో అర్థం చేసుకోవచ్చుంటూ ఆడేసుకుంటున్నారు. సిరీస్ గెలిచినందుకు టీ కప్పు ఇచ్చారు.. మ్యాన్ ఆఫ్ ది మ్యాచ్గా చెంచాలు ఇచ్చినట్లున్నారని కామెంట్స్ చేస్తున్నారు. స్కాట్లాండ్ జట్టు సిరీస్ ఓడినందుకు ఆస్ట్రేలియాను బాగా బుక్ చేసిందని జోకులు వేసుకుంటున్నారు. ఈ ట్రోఫీ అమ్మితే టీ కప్పు కూడా రాదు.. పాపం ఆసీస్ అంటూ ఫన్నీ కామెంట్స్ చేస్తున్నారు. మొత్తానికి సిరీస్ కంటే ట్రోఫీ బాగా హైలైట్ అయిందనే చెప్పాలి. మరి.. ఆసీస్ విన్నింగ్ ట్రోఫీపై మీ అభిప్రాయాలను కామెంట్ చేయండి.
