Viral Video, Football: ఒక సెలబ్రేషన్‌ వీడియోతో సోషల్‌ మీడియాలో స్టార్‌ అయిన ఓ కుర్రాడు చాలా కాలం తర్వాత.. మళ్లీ మరో వీడియోతో దర్శనం ఇచ్చాడు. అతనెవరో ఇప్పుడెలా ఉన్నాడో చూద్దాం. .
Viral Video, Football: ఒక సెలబ్రేషన్‌ వీడియోతో సోషల్‌ మీడియాలో స్టార్‌ అయిన ఓ కుర్రాడు చాలా కాలం తర్వాత.. మళ్లీ మరో వీడియోతో దర్శనం ఇచ్చాడు. అతనెవరో ఇప్పుడెలా ఉన్నాడో చూద్దాం. .
సోషల్‌ మీడియా.. ఎప్పుడు ఎవర్ని లేపుతుందో, ఎవర్ని ఏడిపిస్తుందో చెప్పలేం. కొంతమందిని ఓవర్‌నైట్‌ స్టార్‌ని చేసేస్తుంది.. మరికొంత మందిని ట్రోలింగ్‌తో తొక్కిపడేస్తుంది. వీడియోలు, ఫొటోలు.. గంటల్లోనే వైరల్ అయిపోతాయి.. ప్రపంచంలోని నలుమూలలకు చేరిపోతాయి.. కొన్ని రోజుల పాటు ఆ వీడియోనో, ఫొటోనో ఫుల్‌ ట్రెండింగ్‌లో ఉంటుంది. నెటిజన్ల మాటల్లో, చాటింగ్‌లో, షేరింగ్‌లో అంతా అదే ఉంటుంది. అలాంటి ఓ వీడియో కొన్నేళ్ల క్రితం సోషల్‌ మీడియాను షేక్‌ చేసి పడేసింది. ఇప్పటికీ ఆ వీడియోను చూసి నవ్వుకునే వాళ్లు ఉన్నారు. మరీ స్పెషల్‌గా స్పోర్ట్స్‌ లవర్స్‌కి ఆ వీడియో బాగా తెలుసు.
గ్రీన్‌ టీ షర్ట్‌ వేసుకున్న ఓ కుర్రాడు.. మ్యాచ్‌ చూస్తూ.. షాకింగ్‌ ఫేస్‌ పెట్టి.. సడెన్‌గా సెలబ్రేషన్స్‌తో ఊగిపోతూ.. టీ షర్ట్‌ను పైకెత్తి.. నడుము గిరా గిరా తిప్పుతూ.. చేసుకున్న సెలబ్రేషన్‌ వీడియో 2013లో ఊహించని రేంజ్‌లో వైరల్ అయింది. ఆ తర్వాత మీమ్‌ కంటెంట్‌ కూడా మారిపోయింది. ఆ వీడియోలో ఉన్న కుర్రాడు ఓవర్‌ నైట్‌ స్టార్‌ అయిపోయాడు. తాజాగా ఆ కుర్రాడికి సంబంధించిన మరో వీడియో ఇప్పుడు ట్రెండ్‌ అవుతోంది. హేయ్‌.. ఆ గ్రీన్‌ టీషర్ట్‌ కుర్రాడానే అతను? అని నెటిజన్లు ఆశ్చర్యపోతున్నారు. అస్సలు గుర్తుపట్టలేనంతగా మారిపోయాడుగా అంటూ కామెంట్‌ చేస్తున్నారు.
ఆ కుర్రాడు.. ఫుట్‌బాల్‌ లవర్‌. మన ఇండియన్స్‌కు క్రికెట్‌ అంటే ఎంత పిచ్చి ఉంటుందో.. కొన్ని దేశాల్లో ఫుల్‌బాల్‌ అంటే పడిచచ్చిపోతుంటారు. నిజానికి.. ప్రపంచ వ్యాప్తంగా ఎక్కువ మంది ఆదరించే క్రీడ ఫుట్‌బాల్‌. ఆ ఆటకు క్రేజీ ఫ్యాన్స్‌ ఉంటారు. ఈ గ్రీన్‌ టీ షర్ట్‌ కుర్రాడు కూడా ఫుట్‌బాల్‌ అంటే ఊగిపోతాడు. ఆ రోజు తమ దేశపు టీమ్‌ మ్యాచ్‌ చూస్తూ.. గోల్‌ కొట్టగానే అలా సెలబ్రేట్‌ చేసుకున్నాడు. అదే సమయంలో కెమెరా మెన్‌ ఆ కుర్రాడ్ని ఫోకస్‌ చేయడంతో అప్పట్లో ఈ వీడియో వైరల్ అయింది. తాజాగా ఆ సెలబ్రేషన్స్‌ను రీక్రియేట్‌ చేస్తూ.. మరో వీడియోను నెట్టింట వదిలాడు. అప్పుడలా ఉన్న చిన్న పిల్లోడు.. ఇప్పుడు పెద్దవాడయ్యాంటూ అంతా వీడియోను లైక్‌ చేస్తున్నారు. మరి కిందున్న వీడియో చూసి.. మీరు కూడా మీ అభిప్రాయాలను కామెంట్ల రూపంలో తెలియజేయండి.
