బ్లాక్ బస్టర్ క్రైమ్ థ్రిల్లర్ కొత్త సీజన్ రాబోతుంది.. స్ట్రీమింగ్ ఎప్పుడంటే?

ఓటీటీలో సినిమాలే కాదు.. సిరీస్ లు బాగా ఫేమస్ అవుతున్నాయి. సిరీస్ లకు ఆదరణ బాగా పెరుగుతుండడంతో ఆయా సిరీస్ లకు కొత్త సీజన్స్ పుట్టుకొస్తున్నాయి. ఈ క్రమంలో తాజాగా మరొక సూపర్ హిట్ సిరీస్ కు కొత్త సీజన్ రాబోతున్నట్లు ప్రకటించారు మేకర్స్. ఆ సిరీస్ మరేదో కాదు.. క్రిమినల్ జస్టిస్. ఈ సిరీస్ ఇప్పటికే మూడు సీజన్స్ ను విజయవంతంగా పూర్తి చేసుకుంది. ఇక ఇప్పుడు ఈ సిరీస్ కు నాలుగవ సీజన్ ను ప్రకటించారు మేకర్స్. మరి ఈ సిరీస్ ఎప్పటినుంచి ఏ ప్లాట్ ఫార్మ్ లో స్ట్రీమింగ్ అవుతుందో.. అసలు ఈ సిరీస్ పాపులర్ అవ్వడానికి కారణం ఏంటో .. ఆ విషయాలను చూసేద్దాం.

క్రిమినల్ జస్టిస్ సిరీస్ ప్రముఖ ఓటీటీ ప్లాట్ ఫార్మ్ హాట్ స్టార్ లో స్ట్రీమింగ్ అవుతుంది. ఈ సిరీస్ ఇప్పటికే మూడు సీజన్స్ ను విజయవంతంగా పూర్తి చేసుకుంది. ఈ మూడు సీజన్స్ కు వచ్చిన రెస్పాన్స్ తో.. నాలుగవ సీజన్ ను అనౌన్స్ చేశారు మేకర్స్. ఈ విషయాన్నీ స్వయంగా హాట్ స్టార్ ఏ ప్రకటించింది. “కోర్టు నడుస్తోంది. అలాగే కొత్త సీజన్ కూడా సిద్ధమవుతోంది. హాట్‌స్టార్ స్పెషల్స్ క్రిమినల్ జస్టిస్ కొత్త సీజన్ తో మాధవ్ మిశ్రా వచ్చేస్తున్నాడు.” అనే క్యాప్షన్ తో ఓ వీడియోను రిలీజ్ చేసింది. మరి ఈ నాలుగవ సీజన్ ఎప్పటినుంచి స్ట్రీమింగ్ కు వస్తుంది అనేది ఇంకా తెలియాల్సి ఉంది. ఈ సీజన్ కూడా ప్రేక్షకులను ఖచ్చితంగా అలరిస్తుందని చెప్పడంలో ఎటువంటి సందేహం లేదు.

ఈ సిరీస్ మొదటి సీజన్ 2019 లో వచ్చింది. ఆ సిరీస్ లో లీడ్ రోల్ లో ప్రముఖ నటుడు విక్రాంత్ మస్సీ నటించగా.. రెండవ సీజన్ అయిన క్రిమినల్ జస్టిస్ బిహైండ్ క్లోజ్డ్ డోర్స్ లో నటి కీర్తి కుల్హరి మెయిన్ లీడ్ లో నటించింది. ఇక మూడవ సీజన్ 2022 లో అధూరా సచ్ పేరుతో రిలీజ్ చేశారు మేకర్స్. ఈ మూడు సీజన్స్ లోను.. ఆధారాలు లేకుండా జైలు శిక్ష అనుభవిస్తున్న బాధితుల తరఫున పోరాడే లాయర్ గా పంకజ్ త్రిపాఠీ నటించాడు. ఈ మూడు సీజన్స్ లో కూడా ఇండియన్ జైళ్లలో ఉండే పరిస్థితులను, ఎలాంటి తప్పు చేయకుండా జైలు శిక్ష అనుభవిస్తున్న నిర్దోషులు ఎలాంటి ఇబ్బందులు పడుతున్నారనేది కళ్ళకు కట్టినట్లు చూపించారు. మరి రాబోయే సీజన్ ఎలాంటి పరిస్థితులను పరిచయం చేస్తుందో వేచిచూడాలి. మరి ఈ సిరీస్ పై మీ అభిప్రాయాలను కామెంట్స్ రూపంలో తెలియజేయండి.