సంగం డైయిరీలో ఉద్యోగాలు.. ఈ అర్హతలు ఉంటే జాబ్ మీ సొంతం!

సంగం డైయిరీ అంటే అందరికీ వెంటనే గుర్తొచ్చేది మిల్క్ ప్రొడ్యూసర్ కంపెనీ. కొందరు స్థానికులు ఈ కంపెనీలో ఉద్యోగం చేయాలని అనుకుంటుంటారు. పైగా ఇలాంటి మిల్క్ ప్రొడ్యూసర్ కంపెనీల్లో పని చేసేందుకు కొందరు కాస్త ఆసక్తి చూపిస్తుంటారు. ఇక అలాంటి వారికే ఈ సంస్థ గుడ్ న్యూస్ చెప్పింది. సంగం డైయిరీలో ఉద్యోగాల కోసం ఆ సంస్థ తాజాగా నోటిఫికేషన్ ను విడుదల చేసింది. అర్హత కలిగిన అభ్యర్థులు ఈ జాబ్స్ కు అప్లయ్ చేసుకోవచ్చని ఆ సంస్థ ప్రకటనలో తెలిపింది. అర్హతలు, వివిధ పోస్టుల వివరాలతో పాటు దరఖాస్తు చివరి తేదికి సంబంధించిన పూర్తి వివరాలు ఇప్పుడు తెలుసుకుందాం.

గుంటూరు జిల్లా వడ్లముడిలో ఉన్న సంగం డైయిరీలో ఉద్యోగాల కోసం తాజాగా నోటిఫికేషన్ ను విడుదల చేసింది ఆ సంస్థ. ఇందులో వివిధ రకాల పోస్టులు, అర్హతలు, అనుభవం వంటి వివరాలను అందులో పొందుపరిచింది. ఆ పూర్తి వివరాలు ఏంటోట ఇప్పుడు తెలుసుకుందాం.

పోస్టుల వివరాలు:

మేనేజర్/ యూనిట్ హెడ్, షిఫ్ట్ ఇన్ఛార్జ్, ఆపరేటర్, మైక్రో బయాలజిస్ట్, జూనియర్ ఎగ్జిక్యూటివ్, జూనియర్ అసిస్టెంట్, జేఎమ్ ఆండ్ ఏఎమ్, ఎగ్జిక్యూటివ్, ప్రొక్యూర్ మెంట్ ఇన్ఛార్జ్, సీనియర్ ఎగ్జిక్యూటివ్ తో పాటు ఎగ్జిక్యూటివ్ (ప్రొక్యూర్ మెంట్) వంటి పోస్టులు ఉన్నాయి.

అర్హతలు: డిగ్రీ, ఐఐటీ, పీజీ పూర్తైన వారు పైన తెలిపిన ఉద్యోగాలకు దరఖాస్తు చేసుకోవచ్చు.

దరఖాస్తు చివరి తేది: 05/12/2023.

పైన తెలిపిన ఉద్యోగాలను దరఖాస్తు చేసుకోవాలనుకునే అభ్యర్థులు ఈ-మెయిల్ :careers@sangamdairy.comకు మీ రెజ్యూమ్ లు పంపాలని ఆ సంస్థ ప్రకటనలో తెలిపింది. ఈ ఉద్యోగాలకు అప్లయ్ చేసుకోవాలనుకునే అభ్యర్థులకు ఏమైనా సందేహాలుంటే 9701212444 ఫోన్ నెంబరులో సంప్రదించవచాలని తెలిపింది.