సన్రైజర్స్ నయా కెప్టెన్ ప్యాట్ కమిన్స్ సూపర్బ్ బౌలింగ్తో ఆకట్టుకుంటున్నాడు. బౌలింగ్తో పాటు కెప్టెన్సీలోనూ తన మార్క్ చూపిస్తున్నాడు.
సన్రైజర్స్ నయా కెప్టెన్ ప్యాట్ కమిన్స్ సూపర్బ్ బౌలింగ్తో ఆకట్టుకుంటున్నాడు. బౌలింగ్తో పాటు కెప్టెన్సీలోనూ తన మార్క్ చూపిస్తున్నాడు.
సన్రైజర్స్ హైదరాబాద్ జట్టు మళ్లీ విజయాల బాట పట్టింది. గుజరాత్ టైటాన్స్తో ఓటమితో నిరాశలో ఉన్న టీమ్.. ఆ కసిని అంతా చెన్నై సూపర్ కింగ్స్ మీద చూపించింది. ఉప్పల్ స్టేడియంలో రుతురాజ్ సేనతో నిన్న జరిగిన మ్యాచ్లో 6 వికెట్ల తేడాతో నెగ్గింది ఎస్ఆర్హెచ్. ఈ మ్యాచ్లో ముందుగా బ్యాటింగ్ చేసిన చెన్నై ఓవర్లన్నీ ఆడి 5 వికెట్ల నష్టానికి 165 పరుగులు చేసింది. ఈ టార్గెట్ను మరో 11 బంతులు మిగిలి ఉండగానే కమిన్స్ సేన ఛేజ్ చేసేసింది. బౌలింగ్లో షాబాజ్ అహ్మద్, భువనేశ్వర్ కుమార్, కెప్టెన్ కమిన్స్ రాణించారు. బ్యాటింగ్లో అభిషేక్ శర్మ (12 బంతుల్లో 37), ఎయిడెన్ మార్క్రమ్ (36 బంతుల్లో 50) అదరగొట్టారు. దీంతో మ్యాచ్ తర్వాత కమిన్స్ ఇంట్రెస్టింగ్ కామెంట్స్ చేశాడు. ఆ బ్యాటర్ తనను భయపెడుతున్నాడని అన్నాడు.
ఈ సీజన్ స్టార్ట్ అవడానికి ముందు జరిగిన మినీ ఆక్షన్లో ఎస్ఆర్హెచ్ ఏరి కోరి కమిన్స్ను తెచ్చుకుంది. ఏకంగా రూ.20.50 కోట్ల ధర చెల్లించి అతడ్ని సొంతం చేసుకుంది. అంతేగాక రాగానే సారథ్య బాధ్యతలు అప్పగించింది. తన మీద ఫ్రాంచైజీ, అభిమానులు పెట్టుకున్న నమ్మకాన్ని కమిన్స్ వమ్ము చేయడం లేదు. అద్భుతంగా బౌలింగ్ చేస్తూ టీమ్ సక్సెస్లో కీలక పాత్ర పోషిస్తున్నాడు. బంతితో రాణించడమే గాక కెప్టెన్గానూ సక్సెస్ అవుతున్నాడు. యంగ్ క్రికెటర్లకు అవసరమైన సలహాలు ఇస్తూ టీమ్ను విజయవంతంగా నడిపిస్తున్నాడు. అయితే అలాంటి కమిన్స్నే ఓ అన్క్యాప్డ్ బ్యాటర్ భయపెడుతున్నాడట. అతడు మరెవరో కాదు.. ఎస్ఆర్హెచ్ ఓపెనర్ అభిషేక్ శర్మ. ఈ విషయాన్ని స్వయంగా కమిన్స్ రివీల్ చేశాడు. అభిషేక్కు బౌలింగ్ చేయడం తన వల్ల కాదన్నాడు.
‘ఉప్పల్ వికెట్ డిఫరెంట్గా ఉంది. ఆట సాగుతున్న కొద్దీ పిచ్ నెమ్మదించింది. ఇదో ఫెంటాస్టిక్ మ్యాచ్. మా టీమ్లో చాలా మంది ఫాస్ట్ బౌలర్లు ఉన్నారు. శివమ్ దూబె స్పిన్నర్ల బౌలింగ్లో చెలరేగుతుండటంతో పేసర్లను రంగంలోకి దింపాం. కట్టర్స్తో బ్యాటర్లను ఇబ్బంది పెట్టాం. అభిషేక్ శర్మ సూపర్బ్గా బ్యాటింగ్ చేశాడు. అతడికి మాత్రం నేను బౌలింగ్ చేయాలని అనుకోవడం లేదు. అభిషేక్తో పాటు హెడ్కు బంతులు వేయడం నా వల్ల కాదు. ఎంఎస్ ధోని బ్యాటింగ్కు వస్తున్నప్పుడు గ్రౌండ్లోని ఆడియెన్స్ చేసిన సందడి మామూలుగా లేదు. ఇక్కడ హోమ్ కండీషన్స్లో ఆడటాన్ని మేం బాగా ఎంజాయ్ చేస్తాం’ అని కమిన్స్ చెప్పుకొచ్చాడు. కాగా, తన బ్యాటింగ్తో కమిన్స్ను భయపెడుతున్న అభిషేక్ శర్మ ఇప్పటిదాకా ఆడిన 4 మ్యాచుల్లో 161 రన్స్ చేశాడు. తద్వారా ఆరెంజ్ క్యాప్ లిస్ట్లో ఐదో ప్లేస్లో ఉన్నాడు. మరి.. అభిషేక్కు బౌలింగ్ వేయలేనంటూ కమిన్స్ చేసిన వ్యాఖ్యలపై మీ ఒపీనియన్ను కామెంట్ చేయండి.
Pat Cummins said, “I would not want to be bowling to Abhishek Sharma (smiles)”. pic.twitter.com/Muy5dAC5Rs
— Mufaddal Vohra (@mufaddal_vohra) April 5, 2024
