ప్లేఆఫ్స్ చేరాలంటే నెగ్గి తీరాల్సిన మ్యాచ్లో ఓడి బయటకు వెళ్లిపోయింది చెన్నై సూపర్కింగ్స్. ఓ దశలో సీఎస్కే విజయం దిశగా సాగుతున్నట్లు కనిపించింది. కానీ ఎంఎస్ ధోని చేసిన ఒక్క తప్పుతో ఆ టీమ్ పుట్టి మునిగింది.
ప్లేఆఫ్స్ చేరాలంటే నెగ్గి తీరాల్సిన మ్యాచ్లో ఓడి బయటకు వెళ్లిపోయింది చెన్నై సూపర్కింగ్స్. ఓ దశలో సీఎస్కే విజయం దిశగా సాగుతున్నట్లు కనిపించింది. కానీ ఎంఎస్ ధోని చేసిన ఒక్క తప్పుతో ఆ టీమ్ పుట్టి మునిగింది.
ప్లేఆఫ్స్ చేరాలంటే నెగ్గి తీరాల్సిన మ్యాచ్లో ఆర్సీబీ చేతుల్లో ఓడి బయటకు వెళ్లిపోయింది చెన్నై సూపర్కింగ్స్. చిన్నస్వామి స్టేడియం వేదికగా నిన్న జరిగిన ఉత్కంఠ పోరులో బెంగళూరు 27 పరుగుల తేడాతో విజయం సాధించింది. టాస్ ఓడి తొలుత బ్యాటింగ్కు దిగిన డుప్లెసిస్ సేన ఓవర్లన్నీ ఆడి 5 వికెట్ల నష్టానికి 218 పరుగులు చేసింది. భారీ టార్గెట్ను ఛేజ్ చేయడంలో విఫలమైన సీఎస్కే.. ఓవర్లన్నీ ఆడి 7 వికెట్లకు 191 పరుగులే చేయగలిగింది. ఈ ఓటమితో గ్రూప్ స్టేజ్ నుంచే రుతురాజ్ సేన బయటకు వచ్చేసింది. ఈ గెలుపుతో ప్లేఆఫ్స్లోకి దర్జాగా అడుగు పెట్టింది ఆర్సీబీ. ఈ మ్యాచ్లో ఒక దశలో చెన్నైదే విజయమని అంతా అనుకున్నారు. కానీ ఆ టీమ్ మాజీ సారథి మహేంద్ర సింగ్ ధోని చేసిన ఒక్క మిస్టేక్ వల్ల అంతా తారుమారైంది.
భారీ స్కోరు ఛేజింగ్లో చెన్నై తడబడింది. 13.4 ఓవర్లకు 119 పరుగులు చేసి 5 వికెట్లు కోల్పోయి కష్టాల్లో పడింది. అప్పటికే రవీంద్ర జడేజా క్రీజులో ఉన్నాడు. ఆ టైమ్లో ధోని బ్యాటింగ్కు దిగుతాడని అంతా భావించారు. మోకాలి గాయం నుంచి పూర్తిగా కోలుకోనందున సీజన్ మొత్తం ఆఖర్లో బ్యాటింగ్కు వస్తున్నాడు మాహీ. అయితే చావోరేవో తేల్చుకోవాల్సిన మ్యాచ్ కావడం, అప్పటికి టీమ్ కష్టాల్లో ఉండటం, తాను బ్యాటింగ్కు దిగితే ఛేజింగ్ చేయడం సాధ్యమవుతుంది కాబట్టి ధోని వస్తాడని అందరూ అనుకున్నారు. కానీ తాను రాకుండా స్పిన్ ఆల్రౌండర్ మిచెల్ శాంట్నర్కు పంపించాడు ధోని. అతడు వచ్చి 4 బంతులు ఆడి 3 పరుగులు చేసి ఔట్ అయ్యాడు. అప్పుడు బ్యాటింగ్కు దిగాడు మాహీ. శాంట్నర్ ఔట్ అయ్యాక ఇంకా ప్రెజర్ పెరగడంతో కొన్ని బంతులు జడ్డూ, ధోని స్లోగా ఆడారు. దీంతో రిక్వైర్డ్ రన్ రేట్ మరింత పెరిగింది.
శాంట్నర్ ప్లేస్లో ధోని బ్యాటింగ్కు దిగి ఉంటే ఛేజింగ్ మరింత ఈజీ అయ్యేది. డాట్ బాల్స్ పడేవి కాదు. రిక్వైర్డ్ రన్ రేట్ కూడా కాస్త తగ్గేది. ఆఖర్లో 9 పరుగుల తేడాతో ప్లేఆఫ్స్ క్వాలిఫికేషన్కు దూరంగా ఉండిపోయింది చెన్నై. ధోని ముందుగా బ్యాటింగ్కు వచ్చి ఉంటే ఆ పరుగులు చేయడం పెద్ద లెక్కే కాదు. కఠిన పరిస్థితులు ఉన్నా, సీఎస్కే ఓటమి దిశగా సాగుతున్నా మాహీ ఆలస్యంగా బ్యాటింగ్కు వచ్చాడు. 13 బంతుల్లో 25 పరుగులు చేసి పెవిలియన్కు చేరుకున్నాడు. అతడు ఉన్న ఫామ్కు ముందు వచ్చి ఉంటే ఫలితం వేరేలా ఉండేదనే అభిప్రాయాలు వ్యక్తం అవుతున్నాయి. బ్యాటింగ్ ఆర్డర్లో పైకి రాకుండా ధోని చేసిన ఈ తప్పే చెన్నై కొంప ముంచిందని సోషల్ మీడియాలో నెటిజన్స్ అంటున్నారు. మరి.. ధోని లోయరార్డర్లో రావడంపై మీ ఒపీనియన్ను కామెంట్ చేయండి.
