చావు భయంతో ఓ చెల్లెలు దారుణమైన నిర్ణయం తీసుకుంది. సొంత అక్కను సుపారీ గ్యాంగ్‌తో దారుణంగా హత్య చేయించింది. తర్వాత అక్క శవ యాత్రలో మాస్‌ డ్యాన్స్‌తో రచ్చ రచ్చ చేసింది. చివరకు పాపం పండి జైలు పాలైంది. ఈ సంఘటన తమిళనాడులోని చెన్నైలో ఆలస్యంగా వెలుగు చూసింది. పోలీసులు తెలిపిన వివరాల మేరకు.. తమిళనాడులోని చెన్నైకి చెందిన రాజేశ్వరి, నాగవల్లి అక్కాచెల్లెళ్లు. ఇద్దరికీ పెళ్లిళ్లు అయి పిల్లలు కూడా ఉన్నారు. అయితే, ఇద్దరు పిల్లల తల్లి అయిన నాగవల్లి అదే ప్రాంతానికి చెందిన శక్తివేల్‌తో అక్రమ సంబంధం పెట్టుకుంది.
నెల రోజుల క్రితం ఇద్దరూ ఇంటినుంచి పారిపోయారు. వారం క్రితమే మళ్లీ ఇంటికి వచ్చారు. ఈ నేపథ్యంలో రాజేశ్వరి.. నాగవల్లికి వార్నింగ్‌ ఇచ్చింది. శక్తివేల్‌కి దూరంగా ఉండమని, లేదంటే చంపేస్తానని బెదిరించింది. దీంతో నాగవల్లికి భయం పట్టుకుంది. తనను ఎక్కడ చంపేస్తుందోనన్న భయంతో రాజేశ్వరిని చంపటానికి సిద్దమైంది. అక్కను చంపటానికి ఓ గ్యాంగ్‌ను రంగంలోకి దింపింది. ఆ గ్యాంగ్‌ రాజేశ్వరిని చంపేసింది. పోలీసులు ఈ హత్యపై కేసు నమోదు చేసుకుని దర్యాప్తు చేపట్టారు.
నాగవల్లి తనకు ఏమీ తెలియనట్లు ప్రవర్తించింది. అక్క శవయాత్ర సందర్భంగా ఓ మాస్‌ డ్యాన్స్‌ కూడా చేసింది. ఆ వీడియో సోషల్‌ మీడియాలో చాలా వైరల్‌గా మారింది. పోలీసులు తక్కువ టైంలోనే రాజేశ్వరిని చంపిన గ్యాంగ్‌ను అరెస్ట్‌ చేశారు. ఆ గ్యాంగ్‌ నాగవల్లి చేసిన కుట్ర గురించి చెప్పింది. దీంతో నాగవల్లిని కూడా అరెస్ట్‌ చేశారు. మరి, చావు భయంతో అక్కను చంపేసిన నాగవల్లి ఉదంతంపై మీ అభిప్రాయాలు కామెంట్ల రూపంలో తెలియజేయండి.
#NewsUpdate | அக்காவை கொன்ற அளவில்லா மகிழ்ச்சி.! துக்க வீட்டில் துள்ளி துள்ளி குத்தாட்டம் | Vendor | Saidapet#Vendor #Saidapet #NewsTamil24x7 pic.twitter.com/1NonZSv1O5
— News Tamil 24×7 | நியூஸ் தமிழ் 24×7 (@NewsTamilTV24x7) July 24, 2023
