దే వ్యాప్తంగా మిచౌంగ్‌ తుఫాను ప్రభావం కనుబడుతోంది. ముఖ్యంగా దక్షిణ భారత దేశంలోని తమిళనాడు, ఏపీల్లో తుఫాను ప్రభావం ఎక్కువగా ఉంది. ఈ నేపథ్యంలోనే...
దే వ్యాప్తంగా మిచౌంగ్‌ తుఫాను ప్రభావం కనుబడుతోంది. ముఖ్యంగా దక్షిణ భారత దేశంలోని తమిళనాడు, ఏపీల్లో తుఫాను ప్రభావం ఎక్కువగా ఉంది. ఈ నేపథ్యంలోనే...
మిచౌంగ్‌ తుఫాను కారణంగా దేశంలోని పలు రాష్ట్రాల్లో దారుణ పరిస్థితులు నెలకొన్నాయి. దక్షిణ భారతంలోని రాష్ట్రాల్లో భారీ నుంచి అతి భారీ వర్షాలు కురుస్తున్నాయి. మిచౌంగ్‌ కారణంగా చెన్నై వరదల్లో మునిగిపోయింది. లోతట్టు ప్రాంతాలన్నీ జలమయం అయ్యాయి. ప్రస్తుతం ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి. తెలంగాణ, ఆంధ్రప్రదేశ్‌లలో కూడా తుఫాను ప్రభావం చూపెడుతోంది. రెండు రాష్ట్రాల వ్యాప్తంగా అక్కడక్కడా వర్షాలు పడుతున్నాయి.
ఈ నేపథ్యంలోనే భారత వాతావరణ శాఖ మిచౌంగ్‌ తుఫానుపై రెండు తెలుగు రాష్ట్రాలను హెచ్చరించింది. మంగళ, బుధవారాల్లో తెలంగాణ, ఆంధ్రప్రదేశ్‌లలోని పలు జిల్లాల్లో అతి నుంచి అత్యంత భారీ వర్షాలు కురుస్తాయని తెలిపింది. ఆయా జిల్లాలకు రెడ్‌ అలెర్ట్‌ను సైతం జారీ చేసింది. మరికొన్ని జిల్లాల్లో భారీ నుంచి అతి భారీ వర్షాలు కురుస్తాయని వెల్లడించింది. ఆ జిల్లాలకు ఆరెంజ్‌ అలెర్ట్‌ జారీ చేసింది. తెలంగాణతో పోల్చుకుంటే ఏపీలో తుఫాను తీవ్రంగా ఉంది.
నెల్లూరు, చిత్తూరు, తూర్పుగోదావరి, కృష్ణా జిల్లాల్లో తుఫాన్ ప్రభావం చూపుతోంది. తూర్పుగోదావరిలోని సముద్ర తీరప్రాంతంలోకి మత్స్య కారులు గానీ, పిక్నిక్‌ వెళ్లే వారు వెళ్లొద్దని అధికారులు హెచ్చరికలు జారీ చేశారు. విశాఖ బీచ్‌లలో పోలీసులు పర్యవేక్షణ చేస్తున్నారు. తుఫాన్ ప్రభావం కారణంగా పలు రైళ్లు రద్దయ్యాయి. దాదాపు 150 రైళ్లను దక్షిణ మధ్య రైల్వే రద్దు చేసింది. కృష్ణా జిల్లాలోని మచిలీపట్నం హార్బర్‌లో గ్రేట్‌ డేంజర్‌ సిగ్నల్‌ హెచ్చరిక జారీ అయింది.
సాధారణంగా తుఫాన్లు కానీ, వర్షాలు పడుతున్నపుడు లేదా పడే అవకాశం ఉన్నపుడు వాతావరణ శాఖలు కొన్ని కలర్‌ అలెర్ట్‌లు ఇస్తూ ఉంటాయి. ప్రమాద సూచనలను రంగులతో అలెర్ట్‌ చేస్తూ ఉంటాయి. ఇంతకూ గ్రీన్‌, ఎల్లో, ఆరెంజ్‌, రెడ్‌ ఏ సందర్భాల్లో జారీ చేస్తారంటే..
తుఫాన్ టైంలో ఈ తప్పులు మీ ప్రాణాలకే ముప్పు!
తుఫాను సమయంలో ప్రజలు కొన్ని నియమాలను తప్పకుండా పాటించాలి. ఏం చేయాలో.. ఏం చేయకూడదో తప్పకుండా తెలిసి ఉండాలి. అప్పుడే మనతో పాటు మన వాళ్లు కూడా సురక్షితంగా ఉండగలరు.
తుఫాను సమయంలో చేయాల్సిన పనులు :
తుఫాను సమయంలో చేయకూడని పనులు :
తుఫాన్ ప్రభావిత ప్రాంతాల్లో ఏపీ ప్రభుత్వం సహాయక చర్యలు ముమ్మరం చేసింది. జిల్లా కలెక్టర్లు, అధికార యంత్రాంగానికి సీఎం జగన్‌ దిశా నిర్థేశం చేశారు. యుద్ద ప్రాతి పదికన చర్యలు చేపట్టాలని ఆదేశించారు. అధికారులు గ్రౌండ్‌ లెవెల్లోని పరిస్థితులను ఎప్పటికప్పుడు సమీక్షిస్తున్నారు. తగిన చర్యలు తీసుకుంటున్నారు. తుఫాన్ వల్ల ఏవైనా ఘటనలు తలెత్తినా, అత్యవసర పరిస్థితులు వచ్చినా డయల్‌ 100కు, ప్రత్యేక పోలీసు కంట్రోల్ రూం 8688831568కు సమాచారం అందిస్తే.. అధికారులు సహాయక చర్యలు చేపట్టనున్నారు.
కృష్ణాజిల్లా కంట్రోల్ రూమ్ నెంబర్లు
08672 252572
08672 252000
మరి, దేశ వ్యాప్తంగా అలజడి సృష్టిస్తున్న మిచౌంగ్‌ తుఫానుపై మీ అభిప్రాయాలను కామెంట్ల రూపంలో తెలియజేయండి.
