Nidhan
టీ20 వరల్డ్ కప్ కోసం పాకిస్థాన్ మాస్టర్ప్లాన్ రెడీ చేస్తోంది. భారత్ను ఓడించేందుకు మహా ఘటికుడ్ని బరిలోకి దింపుతోంది. ఇది ఇండియాకు చాలా డేంజర్ అనే చెప్పాలి.
టీ20 వరల్డ్ కప్ కోసం పాకిస్థాన్ మాస్టర్ప్లాన్ రెడీ చేస్తోంది. భారత్ను ఓడించేందుకు మహా ఘటికుడ్ని బరిలోకి దింపుతోంది. ఇది ఇండియాకు చాలా డేంజర్ అనే చెప్పాలి.
Nidhan
పాకిస్థాన్.. క్రికెట్లో ఈ జట్టు అనిశ్చితికి మారుపేరు. టీమ్ నిండా టాలెంటెడ్ ప్లేయర్లు ఉన్నా ఈ జట్టు ఎప్పుడు ఎలా ఆడుతుందో ఎవరూ చెప్పలేం. ఈజీగా గెలిచే మ్యాచుల్లో చిత్తుగా ఓడిపోవడం, ఓటమి ఖాయం అనుకునే మ్యాచుల్లో పోరాడి గెలవడం పాక్కు మాత్రమే సాధ్యం. అయితే ఈ మధ్య ఆ టీమ్ ఆటతీరు మరీ తీసికట్టుగా మారింది. ఆసియా కప్-2023లో ఫైనల్స్కు చేరకుండానే నిష్క్రమించింది. భారత్ వేదికగా జరిగిన వన్డే వరల్డ్ కప్-2023లోనైతే దారుణంగా పెర్ఫార్మ్ చేసింది. మెగా టోర్నీలో గ్రూప్ దశలోనే దాయాది టీమ్ కథ ముగిసింది. అయితే టీ20 వరల్డ్ కప్ మీద కన్నేసిన పాక్.. అందుకోసం ఓ మాస్టర్ప్లాన్ను సిద్ధం చేసింది. అది వర్కౌట్ అయితే మాత్రం టీమిండియాకు చాలా డేంజర్ అనే చెప్పాలి.
వన్డే వరల్డ్ కప్ వైఫల్యంతో పాకిస్థాన్ క్రికెట్లో అనూహ్య మార్పులు చోటుచేసుకున్న సంగతి తెలిసిందే. కోచింగ్ స్టాఫ్ మొత్తం రాజీనామా చేయడం విదితమే. దీంతో ఆ జట్టుకు నెక్స్ట్ కోచ్గా ఎవరు వస్తారనేది ఇంట్రెస్టింగ్గా మారింది. కానీ చాలా రోజులైనా ఈ విషయం మీద క్లారిటీ రాలేదు. అయితే సరిగ్గా టీ20 ప్రపంచ కప్ ఆరంభానికి ఒక్క నెల ముందు పాక్ క్రికెట్లో సంచలనం జరిగింది. ఆ టీమ్కు కొత్త కోచ్గా ఇద్దరు లెజెండ్స్ వర్క్ చేసేందుకు ఒప్పుకున్నారు. అందులో ఒకరు టీమిండియా మాజీ కోచ్ గ్యారీ కిర్స్టెన్ కాగా.. మరొకరు ఆస్ట్రేలియా బౌలింగ్ దిగ్గజం జాసెన్ గిలెస్పీ కావడం విశేషం. కొత్త కోచ్లకు స్వాగతం చెబుతూ పాక్ క్రికెట్ బోర్డు సోషల్ మీడియాలో పోస్ట్ పెట్టింది. దీంతో ఇప్పుడీ అంశం చర్చనీయాంశంగా మారింది.
గ్యారీ కిర్స్టెన్ను వైట్ బాల్ టీమ్కు కోచ్గా, గిలెస్పీని రెడ్ బాల్ కోచ్గా నియమించింది పాకిస్థాన్ బోర్డు. అలాగే పాక్ మాజీ క్రికెటర్ అజహర్ మహమూద్ను అన్ని ఫార్మాట్లలోనూ అసిస్టెంట్ కోచ్గా నియమిస్తూ ఉత్తర్వులు జారీ చేసింది. త్వరలో వీళ్లు టీమ్తో కలుస్తారని తెలుస్తోంది. అయితే పాక్ కొత్త కోచ్ల నియామకం వార్త టీమిండియా అభిమానులను కలవరపెడుతోంది. వన్డే ప్రపంచ కప్-2011లో భారత్ను ఛాంపియన్గా నిలబెట్టిన కిర్స్టెన్ ఇప్పుడు పాకిస్థాన్ టీమ్ బాధ్యతలు తీసుకోవడమే దీనికి కారణంగా చెప్పొచ్చు.
టీమిండియా ఆటగాళ్ల ఆనుపాను తెలిసినోడు అవడం, భారత జట్టు ఆలోచన తీరు, ఇక్కడ సిస్టమ్ వర్క్ అయ్యే విధానం, ప్లేయర్ల మెంటాలిటీ, వీక్నెస్.. ఇలా అన్నింటి మీదా పట్టు ఉన్న కిర్స్టెన్ ఇప్పుడు దాయాది క్యాంప్లో ఉండటంతో టీ20 వరల్డ్ కప్లో టీమిండియాకు ముప్పు తప్పదని అంటున్నారు. అయితే మరికొందరు ఫ్యాన్స్ మాత్రం ఆయనతో భయపడాల్సిందేమీ లేదని చెబుతున్నారు. కిర్స్టెన్ కోచింగ్ నుంచి తప్పుకున్నాక జట్టులో చాలా మార్పులు వచ్చాయని, డ్రెస్సింగ్ రూమ్ సిస్టమ్ కూడా ఛేంజ్ అయిందని కామెంట్స్ చేస్తున్నారు. మరి.. కిర్స్టెన్ రాకతో భారత్కు డేంజర్ అనే అభిప్రాయాలపై మీరేం అనుకుంటున్నారో కామెంట్ చేయండి.
