కిక్ 2 రూమర్లని కొట్టిపారేసిన ప్రొడక్షన్ హౌజ్

బాలీవుడ్ సూపర్ స్టార్ సల్మాన్ ఖాన్ ఇటీవల టైగర్ 3 సినిమాతో ప్రేక్షకుల ముందుకు వచ్చిన సంగతి తెలిసిందే. యష్ రాజ్ ఫిల్మ్స్ వారి స్పై యూనివర్స్ లో భాగమైన ఈ యాక్షన్ థ్రిల్లర్ ప్రేక్షకుల అంచనాలను అందుకోలేక బాక్సాఫీస్ వద్ద యావరేజ్ గా నిలిచింది. అంతకుముందు కిసీ కా భాయ్ కిసీ కా జాన్ సినిమా కూడా ఫ్లాప్ అయింది. దీంతో తదుపరి సినిమాతో సరైన కమ్ బ్యాక్ ఇవ్వాలని ఈ సూపర్ స్టార్ ఫ్యాన్స్ కోరుకుంటున్నారు. కాగా సిద్ధార్థ్ మల్హోత్రా హీరోగా షేర్షా వంటి పేట్రియాటిక్ బ్లాక్ బస్టర్ అందించిన సౌత్ డెరైక్టర్ విష్ణు వర్ధన్ దర్శకత్వంలో బుల్ అనే సినిమాని చేయాల్సి ఉంది, కానీ సల్మాన్ ప్రస్తుతానికి ఈ ప్రాజెక్ట్‌ను హోల్డ్‌లో పెట్టినట్లు తెలుస్తోంది. కాగా గతంలో సల్మాన్ ఖాన్ నటించిన కిక్ ( తెలుగు రవితేజ కిక్ రీమేక్) సినిమాకి సీక్వెల్ రానుందని కొన్ని రోజులుగా వార్తలు వచ్చాయి. అయితే ఆ వార్తలను కిక్ సినిమా ప్రొడక్షన్ హౌజ్ కొట్టిపారేసింది.

ప్రస్తుతం సల్మాన్ ఏఆర్‌ మురుగదాస్‌తో కలిసి ఓ సినిమా చేయనున్నారు. భారీ బడ్జెట్ తో తెరకెక్కనున్న ఈ చిత్రానికి సాజిద్ నడియాద్వాలా నిర్మాత. గతంలో అమీర్ ఖాన్ హీరోగా మురుగదాస్ దర్శకత్వం వహించిన గజిని హిందీ వెర్షన్ బాలీవుడ్ ఇండస్ట్రీలో హిట్ అయింది. బాలీవుడ్ మీడియాలో కథనాల ప్రకారం, కిక్ 2 సినిమా కోసమే సల్మాన్‌తో ఏఆర్ మురుగదాస్ పని చేస్తారని గత కొద్దిరోజులుగా కొన్ని జోరుగా ప్రచారం జరిగింది. అయితే అవేవీ నిజం కాదని సాజిద్ నడియాద్వాలా టీమ్ ద్వారా తేలిపోయింది.

పైన చెప్పుకున్న విధంగా తెలుగుకో బ్లాక్ బస్టర్ అయిన కిక్ హిందీ రీమేక్‌లో సల్మాన్ ఖాన్ ప్రధాన పాత్ర పోషించారు. ఆ సినిమా బాక్సాఫీస్ వద్ద మంచి విజయం సాధించింది. అందువల్ల, కిక్ 2 గురించిన తాజా వార్తలు సల్మాన్ ఖాన్ అభిమానులను ఎగ్జైట్ చేశాయి. అయితే, నదియాడ్‌వాలా గ్రాండ్‌సన్ ఎంటర్‌టైన్‌మెంట్ అఫిషియల్ ట్విట్టర్ అకౌంట్ ద్వారా ఈ వార్తల్లో నిజం లేదని తెలిసింది. “కిక్ 2 గురించి అన్ని ఊహాగానాలు, పుకార్లు అవాస్తవమని మేము అధికారికంగా ప్రకటిస్తున్నాము” అని ట్వీట్ లో చెప్పేయడంతో సల్మాన్ ఖాన్ ఫ్యాన్స్ నిరాశ చెందారు. అయితే ఏఆర్‌ మురుగదాస్‌ తో ఒక స్పెషల్ ప్రాజెక్ట్‌ తమ బ్యానర్ లో వీలైనంత త్వరగా ఈ వార్తకు సంబంధించిన ఇస్తామని తెలియజేశారు.

కిక్ 2: నో సీక్వెల్ ఫర్ సల్మాన్ ఖాన్!