Somesekhar
ముంబై ఇండియన్స్ పై సెంచరీ సాధించడంతో.. ఓ ఖతర్నాక్ రికార్డును తన ఖాతాలో వేసుకున్నాడు రాజస్తాన్ రాయల్స్ యంగ్ ప్లేయర్ యశస్వీ జైస్వాల్. ఇంతకీ ఆ రికార్డు ఏంటంటే?
ముంబై ఇండియన్స్ పై సెంచరీ సాధించడంతో.. ఓ ఖతర్నాక్ రికార్డును తన ఖాతాలో వేసుకున్నాడు రాజస్తాన్ రాయల్స్ యంగ్ ప్లేయర్ యశస్వీ జైస్వాల్. ఇంతకీ ఆ రికార్డు ఏంటంటే?
Somesekhar
ఐపీఎల్ 2024లో ముంబై ఇండియన్స్ మళ్లీ పరాజయాల బాట పట్టింది. రెండు వరుస విజయాల తర్వాత నీరసించిపోయిందో ఏమో గానీ.. ఓటములు చవిచూస్తూ వస్తోంది. తాజాగా జైపూర్ వేదికగా రాజస్తాన్ రాయల్స్ తో జరిగిన మ్యాచ్ లో 9 వికెట్ల తేడాతో ముంబై చిత్తైంది. బ్యాటింగ్ లో స్టార్ ప్లేయర్లు విఫలం కావడం, బౌలింగ్ లో ఆర్ఆర్ బ్యాటర్ల ముందు తేలిపోవడంతో.. దారుణ ఓటమిని మూటగట్టుకోవాల్సి వచ్చింది. ఇక ఈ మ్యాచ్ లో సూపర్ సెంచరీతో ఫామ్ లోకి వచ్చాడు యంగ్ బ్యాటర్ యశస్వీ జైస్వాల్. ఈ క్రమంలోనే ఐపీఎల్ చరిత్రలో ఖతర్నాక్ రికార్డ్ ను తన ఖాతాలో వేసుకున్నాడు.
యశస్వీ జైస్వాల్.. ఈ ఐపీఎల్ సీజన్ కు ముందు భీకరఫామ్ లో ఉన్నాడు. కానీ ఈ టోర్నీ ప్రారంభం అయిన తర్వాత అతడి నుంచి ఒక్క మ్యాచ్ విన్నింగ్ ఫర్ఫామెన్స్ కూడా రాలేదు. అదీకాక తాజాగా ముంబైతో జరిగిన మ్యాచ్ కు ముందు ఒక్క ఫిఫ్టీ కూడా కొట్టలేకపోయాడు. కానీ ఈ మ్యాచ్ లో మాత్రం ముంబై బౌలర్లను ఓ ఆటాడుకుంటూ.. 59 బంతుల్లో సెంచరీ బాదాడు. ఓవరాల్ గా ఈ మ్యాచ్ లో 60 బంతులు ఎదుర్కొని 9 ఫోర్లు, 7 సిక్సర్లతో 104 పరుగులు చేసి అజేయంగా నిలిచి, టీమ్ కు విజయాన్ని అందించాడు. బట్లర్(35), కెప్టెన్ సంజూ శాంసన్(38*) పరుగులతో రాణించారు. ఇక ఈ సెంచరీతో యశస్వీ జైస్వాల్ అకౌంట్ లో స్పెషల్ రికార్డు వచ్చి చేరింది.
ఐపీఎల్ చరిత్రలోనే అత్యధిక సెంచరీలు చేసిన యంగెస్ట్ ప్లేయర్ గా జైస్వాల్ నిలిచాడు. 22 ఏళ్ల యశస్వీ.. తన ఐపీఎల్ కెరీర్ లో 2 సెంచరీలు బాదాడు. దీంతో క్యాష్ రిచ్ లీగ్ లో అత్యంత పిన్న వయస్సులో ఎక్కువ శతకాలు బాదిన ప్లేయర్ గా జైస్వాల్ ఘనతకెక్కాడు. కాగా.. ఈ సెంచరీతో ఫామ్ లోకి వచ్చాడు. లక్ష్యం చిన్నదేమీ కాకపోయినా.. ఆరంభం నుంచే ముంబై బౌలర్లపై పూర్తి ఆధిపత్యాన్ని ప్రదర్శించారు రాజస్తాన్ ఓపెనర్లు. ఇక మ్యాచ్ విషయానికి వస్తే.. తొలుత బ్యాటింగ్ చేసిన ముంబై నిర్ణీత 20 ఓవర్లలో 9 వికెట్లు కోల్పోయి 179 పరుగులు చేసింది. జట్టులో తిలక్ వర్మ(65),నేహల్ వాధేర(49) పరుగులతో రాణించారు. రాజస్తాన్ బౌలర్లలో సందీప్ శర్మ 5 వికెట్లతో అదరగొట్టాడు. అనంతరం 180 రన్స్ టార్గెట్ తో బరిలోకి దిగిన ఆర్ఆర్ టీమ్.. ఏ దశలోనూ తడబడలేదు. ఆడుతూ, పాడుతూ లక్ష్యాన్ని ఒక వికెట్ మాత్రమే కోల్పోయి 18.4 ఓవర్లో ఛేదించింది. మరి ఈ సూపర్ సెంచరీతో స్పెషల్ రికార్డ్ సాధించిన జైస్వాల్ పై మీ అభిప్రాయాలను కామెంట్స్ రూపంలో తెలియజేయండి.
YASHASVI JAISWAL BECOMES THE YOUNGEST IN IPL HISTORY TO SMASH MULTIPLE HUNDREDS. 🤯🔥 pic.twitter.com/NKj9iR0xXG
— Mufaddal Vohra (@mufaddal_vohra) April 22, 2024
