ఆంధ్రప్రదేశ్ లో కరోనా పాజిటివ్ కేసులు గతంలో పోలిస్తే గణనీయంగా ఎక్కువ కేసులు నమోదవుతున్నాయి. గడచిన 24 గంటల్లో ఆంధ్రప్రదేశ్ లో 130 మందికి కరోనా వైరస్ సోకినట్లు నిర్దారణ అయింది. దీంతో రాష్ట్రంలో కరోనా వైరస్ సోకిన వారి సంఖ్య 4,659 కు చేరిందని ఆంధ్రప్రదేశ్ రాష్ట్ర వైద్య, ఆరోగ్య, కుటుంబ సంక్షేమ శాఖ వెల్లడించింది. కాగా 2,382 మంది వైరస్ బారి నుండి కోలుకుని డిశ్చార్జ్ అయ్యారు. కరోనా ఆక్టీవ్ కేసుల సంఖ్య 1290గా నమోదయింది. కరోనా కారణంగా ఇప్పటివరకు ఆంధ్రప్రదేశ్ రాష్ట్రంలో 75 మంది మరణించారు.
గడచిన 24 గంటల్లో 30 మంది కోవిడ్19 నుండి కోలుకొని సంపూర్ణ ఆరోగ్యం తో డిశ్చార్జ్ చేయబడ్డారని,ఇద్దరు మరణించారని రాష్ట్ర వైద్య, ఆరోగ్య, కుటుంబ సంక్షేమ శాఖ వెల్లడించింది. గడిచిన 24 గంటల్లో 17,695 శాంపిల్స్‌ పరీక్షించగా రాష్ట్రంలో 130 పాజిటివ్ కేసులు నిర్దారణ అయ్యాయి. కాగా ఇతర రాష్ట్రాల నుండి వచ్చిన వారిలో 69మందికి కరోనా పాజిటివ్ గా నిర్దారణ అయింది. దానితో మొత్తం కేసులు 199 గా నిర్దారణ అయ్యాయి.
