GHMC-Illegal Floor Construction: నగరంలో అక్రమ నిర్మాణాలపై హైడ్రా కొరడా ఝుళిపిస్తోంది. ఈక్రమంలో తాజాగా జీహెచ్ఎంసీ అధికారులు కీలక నిర్ణయం తీసుకున్నారు.
GHMC-Illegal Floor Construction: నగరంలో అక్రమ నిర్మాణాలపై హైడ్రా కొరడా ఝుళిపిస్తోంది. ఈక్రమంలో తాజాగా జీహెచ్ఎంసీ అధికారులు కీలక నిర్ణయం తీసుకున్నారు.
నగరంలో చెరువులు, ప్రభుత్వ స్థలాలు, నాలాలు ఆక్రమించి నిర్మాణాలు చేపట్టిన అక్రమార్కులు హైడ్రా పేరు వింటనే హడలిపోతున్నారు. ఒక్కసారి ఆక్రమణ అని తెలిసిందా.. ఇక ఆశలు వదిలేసుకోవాల్సిన పరిస్థితి. అక్రమార్కుల విషయంలో ఎలాంటి తారతమ్యం లేకుండా.. దూకుడుగా ముందుకు సాగుతుంది హైడ్రా. చిన్నాపెద్దా, పేద, ధనిక, సెలబ్రిటీ, సామాన్య అనే తేడా చూపడం లేదు. అక్రమార్కులు హైడ్రా పేరు చెబితనే భయపడుతుంటే.. సామాన్యులు మాత్రం దానికి జేజేలు పలుకుతున్నారు. హైడ్రా చర్యలతో స్ఫూర్తి పొందారో ఏమో తెలియదు కానీ.. జీహెచ్ఎంసీ అధికారులు కూడా వారి బాటలోనే పయనించాలని భావిస్తున్నారు. అక్రమ కట్టడాలపై హైడ్రా మాదిరే చర్యలు తీసుకోవడానికి జీహెచ్ఎంసీ అధికారులు రెడీ అవుతున్నారు. ఆ వివరాలు..
అక్రమ నిర్మాణాల పట్ల తాము కూడా కఠినంగా వ్యవహరిస్తామని అంటున్నారు జీహఎచ్ఎంసీ అధికారులు. దీనిలో భాగంగా తాజాగా.. హైదరాబాద్ మెహిదీపట్నం అయోధ్య నగర్లో చేపట్టిన అక్రమ నిర్మాణాలను జీహెచ్ఎంసీ అధికారులు కూల్చేశారు. పక్కా ఆధారాలతో రంగంలోకి దిగిన టౌన్ ప్లానింగ్ అధికారులు అక్రమ నిర్మాణాలను నేలమట్టం చేశారు. సదరు బిల్డింగ్ యాజమాన్యం మూడు అంతస్తుల వరకే అనుమతి తీసుకుని.. ఆ తర్వాత 6 అంతస్తుల వరకు నిర్మించారని సర్కిల్-12 టౌన్ ప్లానింగ్ అధికారి తెలిపారు. దాంతో అనుమతులు లేకుండా నిర్మించిన 4, 5, 6 అంతస్తులను కూల్చివేసినట్లు చెప్పారు.
