Bajrang Punia: జాతీయ జెండాను పొరపాటున తొక్కిన వెటరన్ రెజ్లర్!

ఇండియన్ రెజ్లర్ బజరంగ్ పూనియా చిక్కుల్లో పడ్డాడు. మహిళా రెజ్లర్ వినేష్ ఫోగట్‌‌కు స్వాగతం పలికేందుకు ఢిల్లీ విమానాశ్రయానికి వెళ్లిన బజరంగ్ పూనియా.. మన జాతీయ జెండా ఉన్న పోస్టర్‌ను చూసుకోకుండా తొక్కాడు. ఇందుకు సంబంధించిన వీడియో ఒకటి సోషల్ మీడియాలో వైరల్ కాగా.. బజరంగ్ పూనియాపై సర్వత్రా విమర్శలు వస్తున్నాయి. ఇంతకీ అసలు ఏమి జరిగిందంటే.. పారిస్ ఒలింపిక్స్ 2024లో అనర్హత వేటు‌కు గురైన వినేష్ ఫోగట్‌కు న్యాయ పోరాటంలో కూడా నిరాశ ఎదురైన సంగతి తెలిసిందే. మహిళల 50 కేజీల ఫ్రీస్టైల్ విభాగంలో పోటీ పడిన వినేష్ ఫోగట్ తన అసాధారణ ప్రదర్శనతో ఫైనల్ కి చేరి సిల్వర్ మెడల్ ఖాయం చేసుకుంది. కానీ తుది పోరుకు ముందు 100 గ్రాముల అధిక బరువుతో అనర్హత వేటుకు గురవ్వడం వలన, దాంతో ఆమెకు ఏ పతకం కూడా రాకుండా పోయింది.

తుది పోరుకు అర్హత సాధంచే క్రమంలో ఆమె ఎలాంటి తప్పిదం చేయలేదని, సిల్వర్ మెడల్ ఇవ్వాలని కోర్ట్ ఆఫ్ అర్బిట్రేషన్ ఫర్ స్పోర్ట్(CAS)‌‌ను వినేష్ ఫోగట్ ఆశ్రయించింది. ఈ న్యాయ పోరాటంలో కూడా ఆమెకు నిరాశే ఎదురైంది. వినేష్ ఫోగట్‌ పిటిషన్‌ను తిరస్కరిస్తున్నట్లు అడహక్ డివిజన్ సోల్ ఆర్బిట్రేటర్ అనబెల్ బెనెట్ బుధవారం(ఆగస్ట్ 16) నాడు తీర్పునిచ్చారు. దాంతో ఆమె మెడల్ ఆశలు ఆవిరయ్యాయి.ఇక శనివారం నాడు స్వదేశం చేరకున్న వినేష్ ఫోగట్ కు ఘన స్వాగతం లభించింది. పతకం లేకుండా వచ్చినా కానీ ఆమెకు స్వాగతం పలికేందుకు కుటుంబ సభ్యులు, సహచర రెజ్లర్లు, అభిమానులు భారీ సంఖ్యలో వచ్చారు. సహచర రెజ్లర్లు అయినా బజరంగ్ పూనియా, సాక్షి మాలిక్‌లు కూడా ఆమెకు ఘన స్వాగతం పలికిన వారిలో ఉన్నారు.

ఓపెన్ టాప్ కారులో వినేష్ ఫోగట్ అందరికి కూడా అభివాదం చేస్తూ ముందుకు కదిలింది. అయితే ఆమెతో మాట్లాడేందుకు మీడియా వర్గాల వారు చుట్టుముట్టారు. దాంతో ఆ వాహనం ముందుకు కదల్లేని పరిస్థితి కలుగగా సాటి రెజ్లర్ బజరంగ్ పూనియా ముందుకు వచ్చి వారిని తప్పించే ప్రయత్నం చేశాడు. అయితే అక్కడే అతను పొరపాటు చేశాడు. ఈ క్రమంలో అతను చూసుకోకుండా కారుపై ఉన్న భారత జాతీయ స్టిక్కర్స్‌ను తొక్కడం జరిగింది.ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్ అవుతుంది. ఈ వీడియోని చూసిన నెటిజన్లు కామెంట్లు చేస్తూ అతనిపై ఆగ్రహం వ్యక్తం చేస్తున్నారు. మన భారత జాతీయ జెండాని కచ్చితంగా గౌరవించాలని చూసుకోకుండా అలా ఎలా తొక్కావంటూ తెగ మండిపడుతున్నారు. జాతీయ జెండాని తొక్కినందుకు కచ్చితంగా పలువురు అతనిపై పోలీసులకు ఫిర్యాదు చేసే అవకాశం కూడా ఉన్నట్లు తెలుస్తుంది.