Rishabh Pant, Duleep Trophy 2024, IND B vs IND A: దులీప్ ట్రోఫీ ఓపెనింగ్ మ్యాచ్లో మరో స్టన్నింగ్ క్యాచ్ నమోదైంది. టీమిండియా స్టార్ వికెట్ కీపర్ రిషబ్ పంత్ ఫ్లయింగ్ క్యాచ్తో అదరగొట్టాడు. పక్షిలా గాల్లోకి ఎగురుతూ క్యాచ్ను అందుకున్నాడు.
Rishabh Pant, Duleep Trophy 2024, IND B vs IND A: దులీప్ ట్రోఫీ ఓపెనింగ్ మ్యాచ్లో మరో స్టన్నింగ్ క్యాచ్ నమోదైంది. టీమిండియా స్టార్ వికెట్ కీపర్ రిషబ్ పంత్ ఫ్లయింగ్ క్యాచ్తో అదరగొట్టాడు. పక్షిలా గాల్లోకి ఎగురుతూ క్యాచ్ను అందుకున్నాడు.
టీమిండియా మ్యాచ్లు లేకపోవడంతో క్రికెట్ లవర్స్ అంతా దులీప్ ట్రోఫీ-2024 చూస్తూ బిజీ అయిపోయారు. రోహిత్ శర్మ, విరాట్ కోహ్లీ, జస్ప్రీత్ బుమ్రా లాంటి కొందరు బడా స్టార్లు మినహా అందరు భారత ఆటగాళ్లు ఇందులో ఆడుతుండటంతో టోర్నీ గురించే అంతా మాట్లాడుకుంటున్నారు. అందుకు తగ్గట్లే టోర్నీ రసవత్తరంగా సాగుతోంది. భారత టెస్ట్ టీమ్లోకి వచ్చేందుకు ఫామ్, ఫిట్నెస్ ప్రూవ్ చేసుకోవడం తప్పనిసరి కావడంతో ప్లేయర్లంతా తమ బెస్ట్ ఇచ్చేందుకు ప్రయత్నిస్తున్నారు. బ్యాటింగ్, బౌలింగ్, ఫీల్డింగ్లో హండ్రెడ్ పర్సెంట్ ఎఫర్ట్ పెడుతున్నారు. ఓపెనింగ్ మ్యాచ్లోనే సూపర్బ్ నాక్స్, మెరుపు ఇన్నింగ్స్లు, స్టన్నింగ్స్ స్పెల్స్ చూస్తున్నాం. టోర్నీలో కొన్ని బ్రిలియంట్ క్యాచెస్ కూడా నమోదవుతున్నాయి. తాజాగా ఇండియా బీ కీపర్ రిషబ్ పంత్ మరో స్పెక్టాక్యులర్ క్యాచ్తో అందర్నీ షాక్కు గురిచేశాడు.
దులీప్ ట్రోఫీ ఓపెనింగ్ మ్యాచ్లో మరో స్టన్నింగ్ క్యాచ్ నమోదైంది. ఇండియా బీ కీపర్ పంత్ అద్భుతమైన ఫ్లయింగ్ క్యాచ్తో అదరగొట్టాడు. పక్షిలా గాల్లోకి ఎగురుతూ అతడు అందుకున్న క్యాచ్ ఇప్పుడు సోషల్ మీడియాలో వైరల్ అవుతోంది. వెటరన్ పేసర్ నవ్దీప్ సైనీ బౌలింగ్లో లెగ్ స్టంప్ మీద పడిన బంతిని బ్యాటర్ ఆవేశ్ ఖాన్ షాట్గా మలిచేందుకు ప్రయత్నించాడు. అయితే బ్యాట్ ఎడ్జ్ తీసుకున్న బంతి వికెట్ల వెనుక కాచుకొని ఉన్న పంత్కు దూరంగా వెళ్లింది. అయితే దాన్ని ఎలాగైనా పట్టితీరాలనుకున్న స్టార్ కీపర్.. అమాంతం గాల్లోకి ఎగిరాడు. బాల్ను సమీపించి రెండు చేతులతో దాన్ని ఒడిసిపట్టాడు. ఆ టైమ్లో అతడి శరీరం మొత్తం గాల్లోనే ఉంది. క్యాచ్ అందుకున్నా అంతే జాగ్రత్తగా కిందకు ల్యాండ్ అయ్యాడు. ఈ సూపర్ క్యాచ్ చూసి ఆవేశ్ ఖాన్ సహా ఇండియా బీ టీమ్ ప్లేయర్లు కూడా షాక్ అయ్యారు.
బాల్ వేగం, దిశ, దూరాన్ని సరిగ్గా అంచనా వేసిన పంత్.. పర్ఫెక్ట్ జంప్తో దాన్ని అందుకున్నాడు. ఈ క్యాచ్ను బట్టి అతడి ఫిట్నెస్ లెవల్స్, క్యాచింగ్ ఎంత మెరుగయ్యాయో అర్థం చేసుకోవచ్చు. కీపింగ్లో అదరగొట్టిన పంత్.. బ్యాటింగ్లోనూ సత్తా చాటాడు. మొదటి ఇన్నింగ్స్లో 7 పరుగులకే ఔట్ అయినా.. రెండో ఇన్నింగ్స్లో 47 బంతుల్లో 61 పరుగులు చేసి తన బ్యాట్ పవర్ ఏంటో ప్రూవ్ చేశాడు. 9 బౌండరీలు, 2 భారీ సిక్సులతో అపోజిషన్ బౌలర్లకు చుక్కలు చూపించాడు. అతడి కీపింగ్, బ్యాటింగ్ ఇండియా బీ విజయానికి దోహదపడ్డాయి. ఈ మ్యాచ్లో తొలి ఇన్నింగ్స్లో 321 రన్స్ చేసిన ఇండియా బీ టీమ్, రెండో ఇన్నింగ్స్లో 184 పరుగులు చేసింది. అటు మొదటి ఇన్నింగ్స్లో 231 రన్స్ చేసిన ఇండియా ఏ జట్టు.. సెకండ్ ఇన్నింగ్స్లో 198 రన్స్ చేసింది. 275 పరుగులు ఛేజ్ చేయాల్సిన టీమ్ కాస్తా.. విజయానికి 76 పరుగుల దూరంలో ఆగిపోయింది. మరి.. పంత్ క్యాచ్ మీకెలా అనిపించిందో కామెంట్ చేయండి.
Flying Rishabh Pant with a terrific catch. 🙇♂️pic.twitter.com/kmwmextgKx
— Mufaddal Vohra (@mufaddal_vohra) September 8, 2024
