MS Dhoni: ఇంటర్నేషనల్ క్రికెట్కు లెజెండ్ ఎంఎస్ ధోని గుడ్బై చెప్పి నాలుగేళ్లు పూర్తయింది. 2020, ఆగస్టు 15న అతడు రిటైర్మెంట్ ప్రకటించాడు. మాహీతో పాటు మరో దిగ్గజం సురేష్ రైనా కూడా అదే రోజు అంతర్జాతీయ క్రికెట్ నుంచి తప్పుకున్నాడు.
MS Dhoni: ఇంటర్నేషనల్ క్రికెట్కు లెజెండ్ ఎంఎస్ ధోని గుడ్బై చెప్పి నాలుగేళ్లు పూర్తయింది. 2020, ఆగస్టు 15న అతడు రిటైర్మెంట్ ప్రకటించాడు. మాహీతో పాటు మరో దిగ్గజం సురేష్ రైనా కూడా అదే రోజు అంతర్జాతీయ క్రికెట్ నుంచి తప్పుకున్నాడు.
టీమిండియా లెజెండ్ మహేంద్ర సింగ్ ధోని రిటైర్మెంట్కు నాలుగేళ్లు పూర్తయ్యాయి. ఆగస్టు 15, 2020న ఇంటర్నేషనల్ కెరీర్కు మాహీ గుడ్బై చెప్పేశాడు. అతడితో పాటు మరో దిగ్గజ ఆటగాడు సురేష్ రైనా కూడా అదే రోజున రిటైర్మెంట్ ప్రకటించాడు. ఏళ్ల పాటు నేషనల్ టీమ్కు కలసి ఆడిన ఈ ఇద్దరు ప్లేయర్లు, ఇండియన్ ప్రీమియర్ లీగ్లో చెన్నై సూపర్ కింగ్స్ తరఫున ఆడుతూ క్లోజ్ ఫ్రెండ్స్ అయ్యారు. వన్డే ప్రపంచ కప్-2011 సహా ఎన్నో టోర్నీల్లో టీమిండియా తరఫున అదరగొట్టారు మాహీ-రైనా. ఏళ్ల పాటు భారత జట్టు భారాన్ని భుజాలపై మోసిన దిగ్గజాలు ఒకే రోజు రిటైర్మెంట్ అవడంతో అభిమానులు బాధను తట్టుకోలేకపోయారు. రిటైర్మెంట్ వెనక్కి తీసుకోవాలని కోరారు.
రిటైర్మెంట్ వెనక్కి తీసుకోవాలని ఫ్యాన్స్ నుంచి డిమాండ్లు వచ్చినా ధోని-రైనా అదే నిర్ణయానికి కట్టుబడ్డారు. అయితే పంద్రాగస్టు నాడే ఇద్దరూ ఎందుకు కెరీర్కు గుడ్బై చెప్పారనే సందేహం చాలా మందిలో నెలకొంది. మ్యాచ్ ఆడి అభిమానుల సమక్షంలో గ్రాండ్గా వీడ్కోలు తీసుకోకుండా హఠాత్తుగా ప్రకటన చేయడం ఏంటని షాకయ్యారు. అయితే దీనిపై క్లారిటీ రాలేదు. కానీ నాలుగేళ్ల తర్వాత తాజాగా రైనా ఈ విషయంపై స్పష్టత ఇచ్చాడు. తాము ఎందుకు ఆ రోజు రిటైర్మెంట్ తీసుకున్నామో రివీల్ చేశాడు. పంద్రాగస్టు నాడు రిటైర్మెంట్ తీసుకోవాలని ధోని, తాను ముందే డిసైడ్ అయ్యామని తెలిపాడు. దాని వెనుక ఓ కారణం ఉందని చెప్పాడు.
‘ఆగస్టు 15న రిటైర్మెంట్ గురించి అనౌన్స్మెంట్ ఇవ్వాలని మేం ముందే నిర్ణయించుకున్నాం. దీనికి ఓ రీజన్ ఉంది. మాహీ భాయ్ జెర్సీ నంబర్ 7. నా జెర్సీ నంబర్ 3. ఈ రెండింటినీ కలిపితే 73 అవుతుంది. 2020, ఆగస్టు 15వ తేదీకి మన దేశానికి స్వాతంత్ర్యం వచ్చి 73 సంవత్సరాలు పూర్తయ్యాయి. అందుకే రిటైర్మెంట్ ప్రకటనకు ఇంతకంటే మంచి తరుణం లేదని మేం భావించాం. అనుకున్నదే తడవుగా ఒకేసారి ఇంటర్నేషనల్ కెరీర్కు గుడ్బై చెప్పేశాం. ధోనీతో నాది ప్రత్యేకమైన అనుబంధం. మేం ఇద్దరం దాదాపు 15 ఏళ్ల పాటు భారత జట్టుకు కలసి ఆడాం. రిటైర్ అయ్యాక ముందు ప్లాన్ చేసినట్లు ఐపీఎల్లో కంటిన్యూ అయ్యాం’ అని రైనా ఓ ఇంటర్వ్యూలో చెప్పుకొచ్చాడు. ఇక, ఇంటర్నేషనల్ క్రికెట్కు రిటైర్మెంట్ ప్రకటించినా.. ఐపీఎల్లో మాత్రం కంటిన్యూ అవుతున్నాడు ధోని. అయితే మెగా ఆక్షన్ నేపథ్యంలో వచ్చే ఏడాది అతడు క్యాష్ రిచ్ లీగ్లో ఆడతాడా? లేదా? అనేది ఇంకా క్లారిటీ లేదు.
