టీ20 వరల్డ్ కప్ హడావుడి ఇంకా ముగియలేదు. అంతలోనే మరో ఇంట్రెస్టింగ్ సిరీస్కు రెడీ అయిపోయింది భారత జట్టు. జింబాబ్వేతో ఐదు టీ20 సిరీస్లో ఆడనుంది యంగ్ ఇండియా.
టీ20 వరల్డ్ కప్ హడావుడి ఇంకా ముగియలేదు. అంతలోనే మరో ఇంట్రెస్టింగ్ సిరీస్కు రెడీ అయిపోయింది భారత జట్టు. జింబాబ్వేతో ఐదు టీ20 సిరీస్లో ఆడనుంది యంగ్ ఇండియా.
టీ20 వరల్డ్ కప్ విజయాన్ని మొత్తం భారతావని ఎంజాయ్ చేస్తోంది. ఇంకా గెలుపు సంబురాలు కొనసాగుతూనే ఉన్నాయి. నిన్న ముంబైలో రోహిత్ సేన ప్రపంచ కప్ ట్రోఫీతో తెగ సందడి చేసింది. ఎయిర్పోర్ట్లో దిగిన వెంటనే టీమిండియాకు అభిమానులు గ్రాండ్గా వెల్కమ్ చెప్పారు. భారత క్రికెటర్లను చూసేందుకు లక్షలాది మంది ముంబై నగరానికి తరలివచ్చారు. దీంతో అక్కడి వీధులు, రోడ్లన్నీ బ్లాక్ అయ్యాయి. ఎయిర్పోర్ట్ నుంచి విక్టరీ పరేడ్ నిర్వహిస్తూ వాంఖడే స్టేడియానికి చేరుకుంది భారత జట్టు. అక్కడ సన్మాన కార్యక్రమం జరిగింది. ఆ తర్వాత ఆటగాళ్లు ఎవరి ఇళ్లకు వాళ్లు వెళ్లిపోయారు. ఇలా వరల్డ్ కప్ హడావుడి కంటిన్యూ అవుతున్న టైమ్లోనే మరో కీలక సిరీస్కు సిద్ధమైపోయింది మెన్ ఇన్ బ్లూ. జింబాబ్వే టీమ్తో 5 టీ20లు ఆడేందుకు యంగ్ ఇండియా రెడీ అయిపోయింది.
భారత్-జింబాబ్వే మధ్య హరారే స్పోర్ట్స్ క్లబ్లో తొలి టీ20 మ్యాచ్ జరగనుంది. ఈ నేపథ్యంలో ఈ మ్యాచ్లో మన జట్టు ప్లేయింగ్ ఎలెవన్ ఎలా ఉండనుందనేది ఇప్పుడు తెలుసుకుందాం.. జింబాబ్వే టూర్కు పూర్తి యువకులతో నిండిన టీమ్ను ఎంపిక చేశారు సెలెక్టర్లు. నెక్స్ట్ వరల్డ్ కప్ను దృష్టిలో ఉంచుకొని ఈ పని చేశారు. ఈ టీమ్కు యంగ్ బ్యాటర్ శుబ్మన్ గిల్ కెప్టెన్గా వ్యవహరించనున్నాడు. బ్యాటింగ్ భారాన్ని గిల్తో పాటు రుతురాజ్ గైక్వాడ్, రింకూ సింగ్, రియాన్ పరాగ్ మోయనున్నారు. ఆల్రౌండర్ కోటాలో వాషింగ్టన్ సుందర్తో పాటు అభిషేక్ శర్మ కూడా బరిలోకి దిగడం ఖాయంగా కనిపిస్తోంది. అతడు ఓపెనర్గా ఆడే అవకాశాల్ని కొట్టిపారేయలేం. వికెట్ కీపింగ్ బాధ్యతల్ని జితేష్ శర్మ చూసుకుంటాడు.
తొలి టీ20లో భారత పేస్ దళాన్ని అవేశ్ ఖాన్ లీడ్ చేయనున్నాడు. అతడికి తోడుగా ముకేష్ కుమార్, హర్షిత్ రాణా టీమ్లో ఉండటం ఖాయం. ఒకవేళ లెఫ్టార్మ్ పేసర్ కావాలనుకుంటే హర్షిత్కు బదులుగా ఖలీల్ అహ్మద్ను తీసుకోవచ్చు. స్పెషలిస్ట్ స్పిన్నర్గా రవి బిష్ణోయ్ ఆడటం పక్కా అని చెప్పొచ్చు. ఓవరాల్గా టీమ్ అన్ని విభాగాల్లోనూ బలంగా కనిపిస్తోంది. బిష్ణోయ్ కూడా బ్యాట్ ఊపగలడు కాబట్టి డెప్త్ ఉంది. బౌలింగ్లో ముగ్గురు పేసర్లు, ఇద్దరు స్పిన్నర్లతో పాటు అభిషేక్ రూపంలో మరో ప్రత్యామ్నాయం కూడా ఉంది. అవసరమైతే రియాన్ పరాగ్ కూడా చేతిని తిప్పుతాడు. అయితే అటు జింబాబ్వే టీమ్ కూడా పటిష్టంగా కనిపిస్తోంది. సికిందర్ రజా లాంటి డేంజరస్ ప్లేయర్ ఉన్న ఆ టీమ్ను తక్కువ అంచనా వేయడానికి లేదు. మరి.. భారత ప్లేయింగ్ ఎలెవన్లో ఇంకెవరైనా ఉంటే బాగుంటుందని మీరు భావిస్తే కామెంట్ చేయండి.
భారత జట్టు (అంచనా):
శుబ్మన్ గిల్ (కెప్టెన్), రుతురాజ్ గైక్వాడ్, రింకూ సింగ్, రియాన్ పరాగ్, అభిషేక్ శర్మ, వాషింగ్టన్ సుందర్, జితేష్ శర్మ (వికెట్ కీపర్), అవేశ్ ఖాన్, ముఖేశ్ కుమార్, రవి బిష్ణోయ్, హర్షిత్ రాణా/ఖలీల్ అహ్మద్.
