India vs Sri Lanka: శ్రీలంక సిరీస్ను టీమిండియా గ్రాండ్ విక్టరీతో మొదలుపెట్టింది. శనివారం జరిగిన తొలి టీ20లో ఘనవిజయం సాధించి సిరీస్లో 1-0తో ఆధిక్యంలోకి దూసుకెళ్లింది.
India vs Sri Lanka: శ్రీలంక సిరీస్ను టీమిండియా గ్రాండ్ విక్టరీతో మొదలుపెట్టింది. శనివారం జరిగిన తొలి టీ20లో ఘనవిజయం సాధించి సిరీస్లో 1-0తో ఆధిక్యంలోకి దూసుకెళ్లింది.
శ్రీలంక సిరీస్ను టీమిండియా గ్రాండ్ విక్టరీతో మొదలుపెట్టింది. శనివారం జరిగిన తొలి టీ20లో ఘనవిజయం సాధించి సిరీస్లో 1-0తో ఆధిక్యంలోకి దూసుకెళ్లింది. ఈ మ్యాచ్తో భారత్కు చాలా సానుకూల అంశాలు లభించాయి. బ్యాటింగ్లో ఓపెనర్లు యశస్వి జైస్వాల్ (21 బంతుల్లో 40), శుబ్మన్ గిల్ (16 బంతుల్లో 34) దుమ్మురేపారు. ఫస్ట్ డౌన్లో వచ్చిన కెప్టెన్ సూర్యకుమార్ యాదవ్ (26 బంతుల్లో 58) కీలక ఇన్నింగ్స్తో టీమ్కు భారీ స్కోరు అందించాడు. కీపర్ రిషబ్ పంత్ (33 బంతుల్లో 49) యాంకర్ ఇన్నింగ్స్ ఆడుతూ ఆఖరి వరకు క్రీజులో నిలబడటం మరో పాజిటివ్ అంశం. బౌలింగ్లో అర్ష్దీప్ సింగ్, అక్షర్ పటేల్తో పాటు రియాన్ పరాగ్ మ్యాజిక్ స్పెల్తో లంకను కూల్చి మన బౌలింగ్కు ఢోకా లేదని నిరూపించారు.
ఇలా ఒక్క మ్యాచ్తో భారత్ చాలా సానుకూల అంశాలను సాధించింది. అయితే ఇప్పుడు టీమిండియా ఘనవిజయం కంటే మరో రెండు విషయాలు హైలైట్ అవుతున్నాయి. అందులో ఒకటి టీమ్లో ఉన్న ప్లేయర్ రింకూ సింగ్ గురించి, మరొకటి బెంచ్ మీద ఉన్న ఆటగాడు సంజూ శాంసన్ గురించి కావడం గమనార్హం. సంజూను ప్లేయింగ్ ఎలెవన్లోకి తీసుకోకపోవడం చర్చనీయాంశంగా మారింది. ఇన్నాళ్లూ అతడికి సపోర్ట్గా మాట్లాడుతూ వచ్చిన గంభీర్.. తీరా కోచ్ అయ్యాక అతడికి హ్యాండ్ ఇవ్వడం వివాదాస్పదంగా మారింది. అదే టైమ్లో రింకూ విషయంలో వ్యవహరించిన తీరుతోనూ గౌతీ ట్రోలింగ్కు గురయ్యాడు. ఎంతో టాలెంట్ ఉన్న రింకూకు గంభీర్ అన్యాయం చేస్తున్నాడని.. అతడి మీద పగబట్టాడని సోషల్ మీడియాలో నెటిజన్స్ కామెంట్స్ చేస్తున్నారు.
ఈ సీజన్ ఐపీఎల్లో కేకేఆర్ ఫ్రాంచైజీకి మెంటార్గా వచ్చిన గంభీర్ అందరు ఆటగాళ్లకు సరైన అవకాశాలు ఇచ్చి ప్రోత్సహించాడు. దీని వల్లే టీమ్ కప్పును ఎగరేసుకుపోయిది. అందరి విషయంలో ఒకలా వ్యవహరించిన గౌతీ.. రింకూతో ప్రవర్తించిన తీరు మాత్రం వివాదాస్పదంగా మారింది. ఆ టోర్నీలో రింకూకు సరైన ఆపర్చునిటీస్ ఇవ్వలేదు. దీని వల్ల అతడికి టీ20 వరల్డ్ కప్ స్క్వాడ్లో ప్లేస్ మిస్ అయింది. రిజర్వ్ ప్లేయర్గా మెగాటోర్నీకి వెళ్లాల్సి వచ్చింది. ఇప్పుడు లంకతో సిరీస్లో తొలి మ్యాచ్లో రైటాండ్-లెఫ్టాండ్ కాంబినేషన్ ఉండాలనే కారణంతో రింకూను బ్యాటింగ్కు వెళ్లకుండా ఆపాడు గౌతీ. అతడి కంటే ముందు రియాన్ పరాగ్ను పంపాడు.
ఆఖర్లో బ్యాటింగ్కు దిగిన రింకూకు కేవలం 1 బంతి ఆడే ఛాన్స్ దొరికింది. దీంతో గంభీర్పై నెటిజన్స్ సీరియస్ అవుతున్నారు. రింకూ లాంటి పించ్ హిట్టర్ను ముందు పంపకుండా.. రైట్-లెఫ్ట్ కాంబో అంటూ టైమ్ వేస్ట్ చేయడం ఏంటని ప్రశ్నిస్తున్నారు. పరాగ్ పొడిచిందేమీ లేదని.. అతడి కోసం రింకూను బలి చేయొద్దని సీరియస్ అవుతున్నారు. ఇలాగే అవకాశాలు ఇవ్వకుండా ఆపితే రింకూ కాన్ఫిడెన్స్ దెబ్బతిని.. అతడి కెరీర్ మరింత డేంజర్లో పడటం ఖాయమని కామెంట్స్ చేస్తున్నారు. అతడి కెరీర్తో ఆడుకోవద్దని అంటున్నారు. మరి.. రింకూ విషయంలో గంభీర్ వ్యవహరిస్తున్న తీరుపై మీరేం అనుకుంటున్నారో కామెంట్ చేయండి.
Never understand why Gautam Gambhir has the least trust or confidence in the Rinku Singh.
Even Riyan Parag is preferred ahead of him,Team india scored 10-15 runs less because of this bizarre move.We will never see Rinku flourished under GG era. pic.twitter.com/KvPwu2nIUp
— Sujeet Suman (@sujeetsuman1991) July 27, 2024
