Delhi Capitals: ఐపీఎల్ పాపులర్ ఫ్రాంచైజీ ఢిల్లీ క్యాపిటల్స్ మేనేజ్మెంట్లో వేగంగా మార్పులు జరుగుతున్నాయి. ఆ టీమ్ హెడ్ కోచ్ రికీ పాంటింగ్ను బాధ్యతల నుంచి తొలగించారు.
Delhi Capitals: ఐపీఎల్ పాపులర్ ఫ్రాంచైజీ ఢిల్లీ క్యాపిటల్స్ మేనేజ్మెంట్లో వేగంగా మార్పులు జరుగుతున్నాయి. ఆ టీమ్ హెడ్ కోచ్ రికీ పాంటింగ్ను బాధ్యతల నుంచి తొలగించారు.
ఐపీఎల్లో పాపులర్ ఫ్రాంచైజీల్లో ఢిల్లీ క్యాపిటల్స్ ఒకటి. టీమిండియాకు ఆడే పలువురు స్టార్లతో పాటు ఫారెన్ ప్లేయర్స్తో నిండిన ఆ జట్టు ఇప్పటిదాకా ఒక్క టైటిల్ కూడా నెగ్గలేదు. కానీ మంచి ఆదరణ దక్కించుకుంటోంది. ఎక్కువగా యంగ్సర్ట్స్ ఉండే ఈ టీమ్ ఫియర్లెస్ అప్రోచ్తో ఆడుతూ అందరి మనసులు దోచుకుంటోంది. అలాంటి డీసీ టీమ్ మేనేజ్మెంట్లో వేగంగా మార్పులు జరుగుతున్నాయి. ఆ జట్టుకు గత ఆరేళ్లుగా హెడ్ కోచ్గా ఉంటూ సేవలు అందించిన ఆస్ట్రేలియా దిగ్గజం రికీ పాంటింగ్ను ఆ పోస్ట్ నుంచి తాజాగా తొలగించారు. పాంటింగ్ కోచింగ్లో క్యాపిటల్స్ ఒకసారి రన్నరప్గా నిలిచింది. మరో రెండు మార్లు ప్లేఆఫ్స్కు క్వాలిఫై అయింది. అయితే గత మూడేళ్లుగా మాత్రం తీవ్రంగా నిరాశపరుస్తోంది.
గత మూడు సీజన్లలోనూ ఢిల్లీ క్యాపిటల్స్ లీగ్ దశకే పరిమితమైంది. పాయింట్స్ టేబుల్లో ఆఖరి టీమ్స్తో పోటీపడుతోంది. రిషబ్ పంత్ తిరిగి సారథ్య బాధ్యతలు చేపట్టినా ఏ మార్పూ రాలేదు. పాంటింగ్ కొత్త కుర్రాళ్లను సానబెట్టి టాలెంట్ను బయటకు తీస్తున్నాడు. యంగ్స్టర్స్, సీనియర్స్ కలయికతో మంచి టీమ్ను తయారు చేశాడు. కానీ ఎందుకో విన్నింగ్ ట్రిక్ను డీసీ పట్టుకోలేకపోతోంది. జట్టు దారుణ ప్రదర్శనపై అభిమానులతో పాటు యాజమాన్యం కూడా సీరియస్గా ఉంది. అందుకే ప్లాన్ ప్రకారమే పాంటింగ్ను కోచ్ బాధ్యతల నుంచి తప్పించారని తెలుస్తోంది. అయితే అతడి పోస్ట్లోకి ఎవర్ని తీసుకొస్తారనేది ఇంట్రెస్టింగ్గా మారింది.
పాంటింగ్ తర్వాత ఢిల్లీ క్యాపిటల్స్ కోచింగ్ బాధ్యతల్ని టీమిండియా లెజెండ్ సౌరవ్ గంగూలీకి అప్పగించనున్నారని తెలుస్తోంది. ఇప్పటికే డీసీ మేనేజ్మెంట్లో అడ్వయిజరీగా ఉంటూ సేవలు అందిస్తున్న దాదాకు ప్రమోషన్ ఇవ్వాలని యాజమాన్యం డిసైడ్ అయిందట. పాంటింగ్ స్థానంలో మన దేశానికి చెందిన వ్యక్తినే కోచ్గా తీసుకోవాలని ఢిల్లీ ఓనర్స్ అనుకున్నారట. ఆల్రెడీ గంగూలీ రూపంలో సాలిడ్ ఆప్షన్ ఉండటంతో అతడికే కోచింగ్ రెస్పాన్సిబిలిటీస్ ఇవ్వాలని ఫిక్స్ అయ్యారట. త్వరలో దాదా పేరును కొత్త కోచ్గా అధికారికంగా ప్రకటిస్తారని క్రికెట్ వర్గాల్లో వినిపిస్తోంది. ఇక, బెంగాల్ క్రికెట్ బోర్డుతో పాటు భారత క్రికెట్ బోర్డుకు ప్రెసిడెంట్గా పని చేసిన గంగూలీ.. పూర్తి స్థాయి కోచ్గా ఎప్పుడూ వర్క్ చేయలేదు. దీంతో అతడు డీసీ ఆఫర్కు ఎలా రియాక్ట్ అవుతాడనేది ఆసక్తిని రేకెత్తిస్తోంది. మరి.. దాదా డీసీ కోచ్గా వస్తే ఎలా ఉంటుందని మీరు భావిస్తున్నారో కామెంట్ చేయండి.
New coach of DELHI CAPITALS is likely to be an Indian. [RevSportz] pic.twitter.com/4uPAHurSJ8
— Johns. (@CricCrazyJohns) July 13, 2024
